يُوحَنَّا 1:16 - كِتاب العَهد الجَّديد مِن الكِتاب المُقَدَّس

¹⁶ و نِحنا كُلُّنا أخَدنا مِن خيرو الكَتير، نِعمَه فوق نِعمَه.

يُوحَنَّا 1:16 Iomraidhean Croise

مَتَّى 13:12

عَشان العِندو، بِدّيهو زِيادَه، و بِكون عِندو كَتير. لَكِن الما عِندو، الحاجَه العِندو بياخُدوها مِنّو.

مَتَّى 3:11

أنا بَعَمِّدكُم بِمويَه لِلتّوبَه. و لَكِن هو البِجي بَعَدي قَوّي مِنّي. و أنا ما كوَيس حَتّى أشيل جِزَمو. هو بِعَمِّدكُم بِالرّوح القُدُس و النّار.

مَتَّى 3:14

و لَكِن يُوحَنَّا مَنَعو و قال: ”أنا لازِم أتعَمَّد مِنَّك إنتَ، و إنتَ تَجي لَي؟“

لُوقَا 21:15

عَشان أنا بَدّيكُم كَلام و حِكمَه، و عُدوانكُم ما بِقدَرو يَغلِبو كَلامكُم ولّا يَعاكِسوهو.

يُوحَنَّا 3:34

و الرَّسَّلو الله، دا هو اليتكَلَّم بِكَلام الله. عَشان الله ما بِدّي الرّوح بالميزان.

رُومِيَه 5:17

بِالحَق، بِخَطيّة إنسان واحِد، الموت كان عِندو قُوَّه عَلى كُل النّاس. لَكِن في ناس البِقبَلو نِعمَتو الكَتير و هَديَّة البِر. و بِتكون عِندَهُم قُوَّه زي المُلوك في الحَياة بِالواحِد يَسُوع.

رُومِيَه 5:2

و بيهو قِبِلنا الدُّخول بِالإيمان لِلنِّعمَه دي، و نِحنا نَعيش بيهو. و نَفرَح في رَجاء مَجد الله.

رُومِيَه 5:20

القانون دَخَل عَشان الخَطيَّه تَزيد. لَكِن لَمّا الخَطيَّه زادَت، نِعمَة الله زادَت كَتير جِدّاً.

رُومِيَه 8:9

لَكِن إنتو ما في الجِّسِم لَكِن في الرّوح، إذا روح الله ساكِن فيكُم. و إذا واحِد ما عِندو روح المَسيح، هو ما لِلمَسيح.

أفَسُس 1:23

و الكَنيسَه جِسمو الإتمَلا بيهو، و هو اليَملى كُلّو شي في كُلّو مَكان.

أفَسُس 3:19

و تَعرِفو مَحَبَّة المَسيح، الفوق المَعرِفَه، عَلَشان تَكونو مَليانين تَمام بِالله نَفسو.

كُولُوسِّي 1:19

عَشان الله كان مَبسوط يَخَلّي كُلّو كَمالو يَعيش في الإبن،

كُولُوسِّي 2:3

و كُلّو كُنوز الحِكمَه و المَعرِفَه مَدسوسَه فيهو.

١ بُطْرُس 1:11

و فَتَّشو بِكُلّو قُدرَتُم عَن الوَكِت، هو بِجي مِتين و كيف بِجي. دا الوَكِت روح المَسيح الفيهُم كان يَوَرّيهو، لَمّا شِهِد مِن قَبِل بِأوجاع المَسيح و المَجد البِجي بَعدو.

١ بُطْرُس 1:2

المُختارين بِحَسَب مَعرِفَة الله الأبو الكانَت مِن قَبِل، و المُقَدَّسين بِالرّوح عَشان يَطيعو يَسُوع المَسيح و يَكونو مَرشوشين بِدَمّو. نِعمَه و سَلام يَكَتِّر ليكُم.