يُوحَنَّا 1:1 - كِتاب العَهد الجَّديد مِن الكِتاب المُقَدَّس

¹ في البِدايَه كان الكِلمَه، و الكِلمَه كان عِند الله، و الكِلمَه كان الله.

يُوحَنَّا 1:1 Iomraidhean Croise

مَتَّى 1:23

”شوفو! البِت الما عِرفَت راجِل بِتَحمَل و بِتَلِد وَلَد، و يَكون إسمو عِمَّانُوئِيل،“ دا يَعني: ”الله مَعانا.“

لُوقَا 24:53

و إستَمَرّو دايماً في الهيكَل يَبارِكو الله.

يُوحَنَّا 1:14

و الكِلمَه بِقى جِسم، و سَكَن في وَسِطنا. و شُفنا مَجدو زي مَجد الإبن الوَحيد مِن الأبو، مَليان بِنِعمَه و حَق.

يُوحَنَّا 1:18

ما في زول شاف الله كُلّو كُلّو. الإبن الوَحيد الهو في قَلب الأبو، هو خَبَّر عَنّو.

يُوحَنَّا 1:2

هو كان في البِدايَه عِند الله.

يُوحَنَّا 16:28

أنا جيت مِن عِند الأبو، و دَخَلتَ الدُّنيا. و أنا كَمان بَسيب الدُّنيا و بَمشي لِلأبو.“

يُوحَنَّا 17:5

و هَسَّع دي، يا أبوي، مَجِّدني بِنَفسَك، بِالمَجد الكان عِندي مَعاك قُبّال بِدايَة الدُّنيا.

يُوحَنَّا 20:28

تُومَا رَدَّ و قال ليهو: ”رَبّي و إلَهي!“

يُوحَنَّا 8:58

يَسُوع قال ليهُم: ”الحَق الحَق أقول ليكُم، قُبّال ما إِبْرَاهِيم كان في، أنا مَوجود.“

رُومِيَه 9:5

و ليهُم الأبَهات، و مِنَّهُم المَسيح بِحَسَب الجِّسِم، الهو فوق الكُل. الله مُبارَك لِلأبَد. آمين.

أفَسُس 3:9

و أوَرّي كُل النّاس شِنو تَرتيب السِّر دا، الكان مَدسوس مِن زَمان في الله، الخَلَق كُلّو شي.

فيلِبّي 2:6

هو كان الله في نَفسو، و لَكِن ما إفتَكَر هو لازِم يِستَمِر يَمسِك سُلطتو يَكون واحِد مَعَ الله.

كُولُوسِّي 1:15

المَسيح صورَة الله، الما بِنشوفو بِعُيونّا، و بِكر كُل الخَليقَه.

كُولُوسِّي 1:17

و هو قُبّال كُلّو حاجَه، و فيهو كُلّو حاجَه تَثبُت.

١ تِيمُوثَاوُس 3:16

و نَشهَد أن سِر الدّين بِتاعنا مُهِم: هو ظَهَر في الجِّسم، و إتبَرَّر في الرّوح، و المَلائكَه شافوهو، و بِشَّرو بيهو بين الأُمَم، و آمَنو بيهو في الدُّنيا، و رَفَعوهو في المَجد.

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

عِبرانيين 13:8

يَسُوع المَسيح هو هو أُمبارِح، و النَّهار دا، و لِلأبَد.

عِبرانيين 7:3

و هو بِدون أبو ولّا أُم و بِدون حِساب الجّيل و ما عِندو بِدايَة أيام ولّا نِهايَة حَياة. لَكِن هو زي إبن الله و بِستَنّى قَسّيس لِلأبَد.

٢ بُطْرُس 1:1

مِن سِمْعَان بُطْرُس خَدّام يَسُوع المَسيح و رَسولو، ليهُم القِبلو إيمان غالي زي إيمانَنا بِبِر إلَهنا و مُخَلِّصنا يَسُوع المَسيح.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.

١ يُوحَنَّا 5:7

و الرّوح، هو البِشهَد، عَشان الرّوح هو الحَق.

رؤيا 1:11

و الصّوت قال: ”أكتِب الحاجَه التَّشوفا في كِتاب، و رَسِّلو لِلسَّبعَه كَنايس، لِأفَسُس و لِسِمِيرْنَا و لِبَرْغَامُس و لِثَيَاتِيرَا و لِسَارْدِس و لِفِيلَادَلْفِيَا و لِلاوُدِكِيَّه.“

رؤيا 1:17

و لَمّا شُفتو، وَقَعتَ عِند كِرعينو زي الزّول المَيِّت. و هو خَتَّ إيدو اليَمين عَلي و قال: ”ما تَخاف. أنا هو الأوَّل و الآخِر.

رؤيا 1:2

و هو شِهِد بِكِلمَة الله و بِشَهادَة يَسُوع المَسيح بِكُلّو شي الهو شافو.

رؤيا 1:8

”أنا البِدايَه و النِّهايَه،“ يَقول الله الرَّب، المَوجود و الكان مَوجود و الماشي يَجي، القادِر عَلى كُلّو شي.

رؤيا 19:13

و هو لابِس توب مَغَطَّس بِالدَّم، و إسمو، كِلمَة الله.

رؤيا 2:8

و أكتِب كَمان لِمَلاك الكَنيسَه الفي سِميرنا: ديل الحاجات البِقولو الأوَّل و الآخِر، هو الكان مَيِّت و رَجَع لِحَياة تاني.

رؤيا 21:6

و هو قال لَي كَمان: ”هو كِمِل. أنا الألِف و الياء، البِدايَه و النِّهايَه. أنا بَدّي لِلعَطشان مِن عين مويَة الحَياة مَجّاناً.

رؤيا 22:13

أنا الألِف و الياء، الأوَّل و الآخِر، البِدايَه و النِّهايَه.

رؤيا 3:14

و أكتِب كَمان لِمَلاك الكَنيسَه الفي لاوُدِكِيَّةَ: ديل الحاجات البِقولو الآمين، الشّاهِد الأمين الحَقيقي، بِدايَة خَليقَة الله.