يَعْقُوب 4:12 - كِتاب العَهد الجَّديد مِن الكِتاب المُقَدَّس

¹² البِدّي القانون و القاضي واحِد بَس، هو البِقدَر يَخَلِّص و يَهلِك. مِنو إنتَ، يا البِحكُم عَلى قَريبَك؟

يَعْقُوب 4:12 Iomraidhean Croise

مَتَّى 10:28

و ما تَخافو مِن اليَكتُلو الجِّسِم و لَكِن ما يَقدَرو يَكتُلو النَفس. لَكِن خافو مِن اليَقدَر يَكتُل النَّفس و الجِّسِم، هُم الإتنين، في جَهَنَّم.

لُوقَا 12:5

لَكِن بَوَرّيكُم مِن مِنو إنتو لازِم تَخافو. خافو مِن هو البَعَد ما يَكتُل، عِندو قُدرَه يَرمي في جَهَنَّم. أيوَه، أقول ليكُم، خافو مِنّو.

رُومِيَه 14:13

فِشان كِدا، بَعَد دا، ما نَحكُم بَعَضَنا بَعض، و لَكِن أحكُمو بِدا، ما تَخُتّو لِلأخو حَجَر وقوع ولّا أي حاجَه التَّوَقِّفو في سِكّتو.

رُومِيَه 14:4

مِنو إنتَ حَتّى تَحكُم عَلى خَدّام واحِد تاني؟ عَشانو لِسيدو يَقيف ولّا يَقَع. و هو بِقيف، عَشان الرَّب قادِر يَثَبِّتو.

رُومِيَه 2:1

عَلَشان كِدا، إنتَ بِدون عُذر، يا الزّول البِتَحكُم عَلى واحِد تاني. عَشان وَكِت ما تَحكُم عَلى التّاني، تَحكُم عَلى نَفسَك. عَلَشان إنتَ البِتَحكُم، بِتَعمِل الحاجات دي زاتا.

رُومِيَه 9:20

و لَكِن مِنو إنتَ، يا زول، حَتّى تَرُد عَلى الله كِدا؟ البُرمَه بِتقول ليهو العَمَلا: ”لِشِنو عَمَلتَني كِدا؟“

عِبرانيين 7:25

عَلَشان كِدا، هو بِقدَر يَخَلِّص بِالتَّمام ديل اليَقَرِّبو بيهو لِلَّه، عَلَشان هو دايماً يَعيش عَشان يِتوَسَّط ليهُم.

يَعْقُوب 5:9

ما تَشتَكو بَعضَكُم عَلى بَعض، يا أخوان، عَلَشان ما يَحكُمو عَليكُم. أهو دا القاضي واقِف قِدّام الباب!