يَعْقُوب 3:6 - كِتاب العَهد الجَّديد مِن الكِتاب المُقَدَّس

⁶ و اللِّسان كَمان نار. هو دُنيا شَرّيرَه مَختوتَه بين أعضانا. اللِّسان يَنَجِّس الجِّسِم كُلّو، و يَوَلِّع طَريق حَياتنا كُلّو بِالنّار البِتَجي ليهو مِن جَهَنَّم.

يَعْقُوب 3:6 Iomraidhean Croise

مَتَّى 12:24

و لَكِن الفَرِّيسِيِّين، لَمّا سِمِعو، قالو: ”الرّاجِل دا ما يَطَلِّع الشّياطين إلّا بِبَعلَزَبول، رَئيس الشّياطين.“

مَتَّى 5:22

و لَكِن أنا أقول ليكُم، كُل اليَزعَل عَلى أخوهو، هو قَرَّب لِلحُكم. و اليَقَول لِأخوهو: يا بَليد، هو قَرَّب لِلمَجِلس. و اليَقول: يا غَشيم، هو قَرَّب لِنار جَهَنَّم.

مَرْقُس 7:15

ما في حاجَه بَرَّه مِن الإنسان إذا تَدخُل فيهو تَقدَر تَنَجِّسو. لَكِن الحاجات التَّمرُق مِن الإنسان، هي تَنَجِّسو.

لُوقَا 16:24

و كورَك و قال: يا أبوي إِبْرَاهِيم، أرحَمني، و رَسِّل لَعَازَر عَشان يَخُت أصبَعو في مويَه و يَبَرِّد لِساني، عَشان أنا تَعبان جِدّاً في النّار دي.

أعمال الرُّسُل 20:30

و مِنَّكُم نُفوسكُم، بِقومو رُجال يِتكَلَّمو بِحاجات مَعَوَّجَه، عَشان يَجُرّو التَّلاميذ وَراهُم.

أعمال الرُّسُل 5:3

و بُطْرُس قال: ”يا حَنانيّا، لِشِنو الشّيطان مَلا قَلبَك حَتّى تَكَضِّب عَلى الرّوح القُدُس، و تاخُد جُزو مِن تَمَن الزِّراعَه لِنَفسَك؟

أعمال الرُّسُل 6:13

و جابو شاهِدين كِضِب البِقولو: ”الرّاجِل دا ما بِوَقِّف أبَداً يتكَلَّم كِلمات بَطّالَه ضِد المَحَل المُقَدَّس دا و ضِد القانون.

تِيطُس 1:11

و لازِم يَبَطِّلو كَلامُم، عَلَشان هُم يَقلِبو كُلّو أهل البُيوت بِالتَّمام بِتَعليمُم الما بِالقانون فِشان قُروش وَسخان.

يَعْقُوب 2:7

ما هُم البِجَدِّفو عَلى الإسِم المُحتِرَم البِسَمّوكُم بيهو؟

يَعْقُوب 3:7

عَشان كُلّو أنواع الوحوش، و الطُّيور، و الزَّحافات، و حَيوانات البَحَر، النّاس بِوالِفوهُم و كانو بِوالِفوهُم.

٢ بُطْرُس 3:3

و في الأوَّل أعرِفو إنّو في الأيام الأخيرَه بِجو ناس البِضحَكو عَلى الحَق، و بِعيشو حَسَب شَهوات نُفوسُم.

٣ يُوحَنَّا 1:10

عَشان كِدا، إذا بَجي، بَزَكِّرو بِأعمالو البِعمِلو، و الكَلام الشَّرّير البقول عَنّا. لَكِن دا ما كِفايَه ليهو، هو ما بِقبَل الأخوان كَمان، و يَمنَع البِدورو يَقبَلوهُم، و هو يَطرُدُم مِن الكَنيسَه.

رؤيا 12:9

و التّنين الكَبير كان مَطرود، هو الدَّبيب القَديم، إسمو إبْلِيس و الشّيطان، البِغِش السّاكنين عَلى الأرض كُلّها. هو و مَلائكَتو مَعاهو إترَمو لِلأرض.

رؤيا 13:14

و يَغِش سُكّان الأرض بِالعَلامات الأدّو ليهو أن يَعمِل قِدّام الوَحَش. و يأمُر سُكّان الأرض أن يَصنَعو صَنَم لِلوَحَش الكان عِندو جَرَح السّيف و حِيى.

رؤيا 18:23

و نور الفانوس ما بِنَوِّر فيكي بَعَد دا أبَداً. و صوت العَريس و العَروسَه ما بِسمَعوهو فيكي بَعَد دا أبَداً. عَشان تُجّارِك كانو الكُبار في الأرض، و بِسِحرك كُل الأُمَم ضَلّو.

رؤيا 19:20

و الوَحَش كان مَقبوض، و مَعاهو النَّبي الكَضّاب الصَنَع العَلامات قِدّامو. و بِالعَلامات دي هو غَشّا ديل، القِبِلو عَلامَة الوَحَش و عَبَدو صَنَمو. و هُم الإتنين إترَمو و هُم حَيين في بِركَة النّار، المَوَلَّعَه بِالكِبريت.