يَعْقُوب 3:2 - كِتاب العَهد الجَّديد مِن الكِتاب المُقَدَّس

² عَشان كُلُّنا نَقَع في حاجات كَتيرَه. و إذا كان واحِد ما ليهو غَلطَه في الكَلام، هو راجِل كامِل، و يَقدَر يَغلِب عَلى كُل الجِّسِم كَمان.

يَعْقُوب 3:2 Iomraidhean Croise

مَتَّى 12:34

يا أولاد الدَّبايب، كيف تَقدَرو تِتكَلَّمو كِلمات كوَيسَه و إنتو ناس بَطّالين؟ عَشان الخَشم بِتكَلَّم بِحاجات البيها القَلب يَكون مَليان.

مَتَّى 12:37

عَشان بِكَلامَك الله بِفِكَّك و بِكَلامَك الله بِيَحكُم عَليك.“

رُومِيَه 3:10

زي ما هو مَكتوب: ”ما في إنسان بار و لا واحِد.

رُومِيَه 7:21

كِدا، ألقى القانون دا، في نَفسي، لَمّا عاوِز أعمِل الخير، الشَّر في قِدامي.

١ كُورِنْثُوس 9:27

أنا بأدِّب جِسمي و أغلِبو. عَشان أخاف، بَعَد ما بَشَّرتَ التّانيين، أنا بَبقي مَرفوض.

غَلَاطِيَّه 3:22

و لَكِن الكِتاب حَبَس كُل الدُّنيا تِحِت قُوَّة الخَطيَّه. و كان كِدا عَشان يَدّي الحاجَه الهو وَعَد بيها بِإيمان بِيَسُوع المَسيح، لِلمؤمِنين.

غَلَاطِيَّه 5:17

عَشان شَهوات الجِّسِم تَعاكِس الرّوح، و الرّوح يَعاكِس الجِّسِم. الإتنين ديل يَعاكِسو، واحِد مِنَّهُم عَلى التّاني، حَتّى ما تَعمِلو العاوزينو.

كُولُوسِّي 1:28

و نِحنا نَبَشِّر بيهو، و نَحَذِّر كُلّو زول و نَعَلِّم كُلّو زول بِكُلّو حِكمَه. و نَسَوّي دا عَلَشان نَقَدِّم كُلّو زول كامِل في المَسيح.

كُولُوسِّي 4:12

و أَبَفْرَاس يَسَلِّم عَليكُم، و هو مِنَّكُم، و خَدّام يَسُوع المَسيح. هو دايماً بِصَلّي بِكُلّو قُوَّتو فِشانكُم، عَلَشان تَثبُتو كامِلين و بِتأكيد تَمام في كُلّو إرادَة الله.

عِبرانيين 13:21

الله يَعمِلكُم كامِلين في كُلّو عَمَل طَيب عَشان تَعمِلو إرَادَتو. و هو يَشتَغِل فيكُم الحاجَه التَّبسِطو كَتير، بِيَسُوع المَسيح. و لِلمَسيح المَجد لِلأبَد. آمين.

يَعْقُوب 1:26

إذا واحِد يَفتَكِر نَفسو ديني، و هو ما عِندو سُلطَه عَلى لِسانو، هو يَغِش نَفسو. دين الزّول دا بِدون فايدَه.

يَعْقُوب 1:4

خَلّي يَكون لِلصَّبر عَمَل كامِل، عَلَشان تَكونو كاملين و تامين، ما ناقصين في حاجَه.

يَعْقُوب 2:10

و الزّول البِحفَظ كُل القانون و يَكَسِّر أمر واحِد، هو بِقى مُذنِب في الكُل.

١ بُطْرُس 3:10

عَشان: ”الدّايِر يَحِب الحَياة و يَشوف أيام طَيبَه، خَليهو يَحفَظ لِسانو مِن الشَّر و خَشمو مِن كَلام الغِش.

١ بُطْرُس 5:10

و إلَه كُلّو نِعمَه ناداكُم لِمَجدو الأبَدي في المَسيح. و بَعَد ما إتوَجَّعتو وَكِت قَليل، هو نَفسو بِكَمِّلكُم و بِثَبِّتكُم، و بِشَدِّدكُم و بِيَعمِلكُم أُمَنا.