يَعْقُوب 3:17 - كِتاب العَهد الجَّديد مِن الكِتاب المُقَدَّس

¹⁷ لَكِن الحِكمَه المِن فوق، هي في الأوَّل نَضيفَه، بَعدين مُحِب السَّلام، عِندَها صَبر. الحِكمَه دي مُطيعَه، مَليانَه رَحمَه و ثِمار كوَيس، ما فيها فارِق، و مُخلِصَه.

يَعْقُوب 3:17 Iomraidhean Croise

مَتَّى 23:28

زي دا، إنتو كَمان مِن بَرَّه بِتبَيِّنو زي البارين لِلنّاس، و لَكِنَّكُم مِن جُوَّه مَليانين مِن نِفاق، و عَمَل بَطّال.

مَتَّى 5:8

مُبارَكين النُّضاف القَلب، عَشانُم بِشوفو الله.

مَتَّى 5:9

مُبارَكين اليَعمِلو السَّلام، عَشان بِسَمّوهُم أولاد الله.

لُوقَا 21:15

عَشان أنا بَدّيكُم كَلام و حِكمَه، و عُدوانكُم ما بِقدَرو يَغلِبو كَلامكُم ولّا يَعاكِسوهو.

لُوقَا 6:36

كونو مَليانين رَحمَه زي ما أبوكُم كَمان رَحيم.

يُوحَنَّا 1:14

و الكِلمَه بِقى جِسم، و سَكَن في وَسِطنا. و شُفنا مَجدو زي مَجد الإبن الوَحيد مِن الأبو، مَليان بِنِعمَه و حَق.

يُوحَنَّا 1:47

و يَسُوع شاف نَثَنَائِيل جاي ليهو، و قال عَنّو: ”شوف إِسْرَائِيلي بِالحَق، ما فيهو غِش.“

أعمال الرُّسُل 11:24

عَشان هو كان راجِل صالِح، مَليان بِالرّوح القُدُس و بِالإيمان. و عَدَد كَبير مِن النّاس إتلَمّو لِلرَّب.

أعمال الرُّسُل 9:36

و كانَت في يَافَا تِلمِيذَه إسِما طابيثا، و مَعناهو غَزالَه. و هي كانَت مَليانَه بِالأعمال الطَّيبَه، و كانَت بِتساعِد المَساكين.

رُومِيَه 12:18

إنتو نُفوسكُم أعمِلو كُل البِتَقدَرو عَلَشان تَعيشو بِسَلام مَعَ كُل النّاس.

رُومِيَه 12:9

خَلّي المَحَبَّه تَكون مُخلِصَه. أكرَهو البَطّال، أمسِكو بِالكوَيس.

رُومِيَه 15:14

أنا نَفسي، يا أخواني، مِتأكِّد إنتو نُفوسكُم مَليانين كُلّو حاجَه طَيبَه، كاملين في كُلّو مَعرِفَه، قادرين يَعَلِّم بَعضَكُم بَعض.

١ كُورِنْثُوس 12:8

عَلَشان الله يَدّي كَلام حِكمَه بِالرّوح لِواحِد، و كَلام مَعرِفَه لِتاني بِحَسَب نَفس الرّوح.

٢ كُورِنْثُوس 10:1

و بَطلُب ليكُم بِوَداعَة المَسيح و صَبرو، أنا نَفسي، بُولُس، البَخُت نَفسي تِحِت لَمّا أكون مَعاكُم لَكِن عِندي شَجاعَه لَمّا أكون بَعيد.

٢ كُورِنْثُوس 6:6

بِقَلب نَضيف، و مَعرِفَه، و صَبر طَويل، و رَحمَه، بِالرّوح القُدُس، بِمَحَبَّه مُخلِصَه.

٢ كُورِنْثُوس 7:11

و شوفو كيف الحُزن دا زاتو، المِن الله، إشتَغَل فيكُم. و كان عِندَكُم إهتِمام عَشان تَكونو بِدون لوم. و كان عِندَكُم زَعل و خوف و مَحَبَّه و غيرَه و إنتِقام. و وَرّيتو نُفوسكُم بِدون غَلَط في الحاجَه دي كُلُّها.

٢ كُورِنْثُوس 9:10

و البِقَدِّم تيراب لِلمُزارِع و عيش لِلأكِل، هو بِقَدِّم و بِكَتِّر تيرابكُم و بِزيد ثِمار بِرَّكُم.

أفَسُس 5:9

عَلَشان ثِمار الرّوح هو في كُلّو حاجَه طَيبَه و في بِر و في حَق.

فيلِبّي 1:11

مَليانين مِن ثِمار البِر البِجي بِيَسُوع المَسيح لِمَجد الله و حَمدو.

فيلِبّي 4:8

و في الآخِر، يا أخوان، كُل الهو حَقيقي، و كُل الهو مُحتَرِم، و كُل الهو عادِل، و كُل الهو نَضيف، و كُل الهو مَحبوب، و كُل الهو خَبَرو كوَيس، إذا فيهو الخير، و مُستَحِق الحَمد، فَكِّرو في الحاجات دي.

كُولُوسِّي 1:10

و نَصَلّي لِدا، عَلَشان تَعيشو زي ما يِستَحِق لِلرَّب، و في كُلّو حاجَه تَفَرِّحوهو، و تَجِيبو ثِمار في كُلّو عَمَل كوَيس، و تَكبَرو في مَعرِفَة الله.

١ تَسَالُونِيكِي 2:7

و لَكِن كُنّا لُطاف في وَسِطكُم زي أُم تَرَبّي أولادا.

١ تِيمُوثَاوُس 5:21

أنا بَدّيك أمر قِدّام الله و المَسيح يَسُوع و قِدّام المَلائكَه المُختارين أن تَحفَظ الحاجات دي بِدون ما تَحكُم قُبّال ما تَعرِف الحَق. و ما تَشوفو الوشوش في شُغلَك.

٢ تِيمُوثَاوُس 2:24

و خَدّام الرَّب ما لازِم يَشاكِل، لَكِن يَكون لَطيف مَعَ كُلّو زول، و بِقدَر يَعَلِّم بِالصَّبر.

تِيطُس 1:15

لِلنّاس قُلوبُم نَضيفَه، كُلّو حاجَه نَضيفَه ليهُم. لَكِن لِلنَّجِسين و الما مؤمِنين، ما في حاجَه نَضيفَه ليهُم. لَكِن أفكارُم و ضَميرُم خَربانين.

تِيطُس 3:2

و ما يَقولو حاجَه بَطّالَه عَن أي واحِد، و ما يَشاكلو لَكِن يَكونو عِندَهُم صَبر، و يَوَرّو كُلّو وَداعَه لِكُل النّاس.

عِبرانيين 12:11

و بِالحَق، في الوَكِت الحاضِر نَفتَكِر كُلّو تأديب ما لِلفَرَح، لَكِن لِلحُزن. لَكِن بَعدين هو بِجيب ثِمار البِر و السَّلام لِديل الإتعَلَّمو مِنّو.

عِبرانيين 12:14

أتبَعو السَّلام مَعَ كُل النّاس و القَداسَه، عَلَشان ما في واحِد بِشوف الله بِدون القَداسَه.

يَعْقُوب 1:17

كُلّو هَدِيَّه طَيبَه، و كُلّو هَدِيَّه كاملَه، هي مِن فوق، و نازلَه مِن أبو الأنوار الما فيهو فَرَق ولّا ضُل مِن تَغيير.

يَعْقُوب 1:5

و إن كان واحِد يَحتاج لِحِكمَه، خَليهو يَسأل الله البِدّي لِكُل النّاس بِالكَرامَه. و الله ما يَلوم، و هو بِدّيهو.

يَعْقُوب 2:13

عَشان الحُكم بِدون رَحمَه هو عَلى الما يَعمِل رَحمَه. الرَّحمَه تَغلِب عَلى الحُكم.

يَعْقُوب 2:4

إنتو ما عَمَلتو فارِق بين نُفوسكُم، و بِقيتو قُضاة بِأفكار شَرّيرَه؟

يَعْقُوب 3:15

الحِكمَه دي ما بِتَنزِل مِن فوق، لَكِن هي أرضيَه، جِسميَّه، شيطانيَه.

يَعْقُوب 4:8

قَرِّبو لِلَّه و هو بِقَرِّب ليكُم. غَسِّلو إيدينكُم، يا خاطيين، و نَضِّفو قُلوبكُم، إنتو العِندَكُم فِكرين.

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

١ بُطْرُس 2:1

عَشان كِدا، أرمو مِنَّكُم كُلّو شَماتَه و كُلّو غِش و النِّفاق و الحَسَد و كُلّو شَتيمَه.

١ بُطْرُس 2:18

يا خَدّامين، طيعو أسيادكُم بِكُلّو إحتِرام، ما لِلكوَيسين و اللُّطَفاء بَس، لَكِن لِلظالِمين كَمان.

١ يُوحَنَّا 3:18

يا أولادي، خَلّونا نَحِب، ما بِالكَلام، و لا بِاللِّسان، لَكِن بِالعَمَل و الحَق.

١ يُوحَنَّا 3:3

و كُلّو واحِد العِندو الرَّجاء دا فيهو، يَنَضِّف نَفسو زي ما هو نَضيف.