يَعْقُوب 3:15 - كِتاب العَهد الجَّديد مِن الكِتاب المُقَدَّس

¹⁵ الحِكمَه دي ما بِتَنزِل مِن فوق، لَكِن هي أرضيَه، جِسميَّه، شيطانيَه.

يَعْقُوب 3:15 Iomraidhean Croise

لُوقَا 16:8

و السَّيد حَمَد الوَكيل الظّالِم عَشان عَمَل بِالعَقل. عَشان أولاد الدُّنيا في وَكتُم، شاطرين مِن أولاد النّور.

يُوحَنَّا 3:17

عَشان الله ما رَسَّل إبنو لِلدُّنيا عَشان يَدين الدُّنيا، لَكِن رَسَّلو عَشان يَخَلِّص الدُّنيا بيهو.

يُوحَنَّا 8:44

إنتو مِن أبوكُم هو إبْلِيس، و إنتو بِتَعمِلو زي ما أبوكُم عاوِز. هو كان كَتّال النّاس مِن الأوَّل، و ما ثَبَت في الحَق، عَشان ما فيهو حَق. و لَمّا يتكَلَّم بِالكِضِب، هو بِتكَلَّم مِن عِندو، عَشان هو كَضّاب، و أبو الكِضِب.

أعمال الرُّسُل 13:10

”يا مَليان كُلّو غِش و كُلّو كِضِب! يا وَلَد إبْلِيس، يا عَدو كُلّو بِر! ما تَوَقِّف أبَداً تَغَيِّر طُرُق الله العَديلَه؟

رُومِيَه 1:22

و وَكِت ما هُم يَفتَكِرو نُفوسُم فاهمين، بِقو غُشام.

١ كُورِنْثُوس 1:27

لَكِن الله إختار الحاجات البَليدَه في الدُّنيا عَشان يَخَجِّل الفاهمين. و الله إختار الضَّعيفين في الدُّنيا عَشان يَخَجِّل الشَّديدين.

١ كُورِنْثُوس 2:14

و لَكِن الزّول الما عِندو الرّوح ما يَقبَل حاجات روح الله، عَشان دي عِندو حاجَه بَليدَه. و هو ما بِقدَر يَعرِفا، عَشان الحاجات دي مَفهومَه بِالرّوح.

١ كُورِنْثُوس 3:19

عَشان حِكمَة الدُّنيا دي، هي حاجَه بَليدَه قِدّام الله. عَشان مَكتوب: ”هو ياخُد الشّاطرين بِغِشُّم.“

١ كُورِنْثُوس 3:3

عَشانكُم لِسَّع ناس جِسميين، عَشان إذا كان فيكُم حَسَد و شَكلَه، إنتو ما ناس جِسميين و ماشين حَسَب ناس الدُّنيا؟

٢ كُورِنْثُوس 1:12

عَشان دا فَخرَنا: ضَميرنا يَشهَد لينا، نِحنا مَشينا في الدُّنيا في القَداسَه و الإخلاص المِن الله و خُصوصاً مِن جِهَتكُم. و ما عَمَلنا كِدا بِحِكمَة الإنسان، لَكِن بِنِعمَة الله.

٢ كُورِنْثُوس 11:3

لَكِن أنا بَخاف زي ما الدَّبيب غَشّا حَوا بِغِشّو، كَمان إنتو تَضِلّو في أفكاركُم عَن الإخلاص و القَلِب النَّضيف الفي المَسيح.

فيلِبّي 3:19

نِهايَتُم هي الخَراب، و إلَهُم هو بُطونُم، و مَجدُم هو خَجَلُم، و فِكرُم في حاجات الدُّنيا.

٢ تَسَالُونِيكِي 2:9

و إنسان الخَطيَّه بِجي بِعَمَل الشّيطان و بِكُلّو قُوَّه، و عَلامات و عَجايِب كَضب،

١ تِيمُوثَاوُس 4:1

و الرّوح يَقول بِكِلمات بَايِنَه، بَعض مِن النّاس بِخَلّو الإيمان في الزَّمَن الأخير، و يَمشو وَرا أرواح بِغِشّو و تَعاليم شياطين.

يَعْقُوب 1:17

كُلّو هَدِيَّه طَيبَه، و كُلّو هَدِيَّه كاملَه، هي مِن فوق، و نازلَه مِن أبو الأنوار الما فيهو فَرَق ولّا ضُل مِن تَغيير.

يَعْقُوب 1:5

و إن كان واحِد يَحتاج لِحِكمَه، خَليهو يَسأل الله البِدّي لِكُل النّاس بِالكَرامَه. و الله ما يَلوم، و هو بِدّيهو.

يَعْقُوب 3:17

لَكِن الحِكمَه المِن فوق، هي في الأوَّل نَضيفَه، بَعدين مُحِب السَّلام، عِندَها صَبر. الحِكمَه دي مُطيعَه، مَليانَه رَحمَه و ثِمار كوَيس، ما فيها فارِق، و مُخلِصَه.

يَهُوذَا 1:19

ديل، هُم البِسَوو أقسام بينكُم، و أفكارُم في حاجات الدُّنيا، و ما عِندَهُم الرّوح.

رؤيا 12:9

و التّنين الكَبير كان مَطرود، هو الدَّبيب القَديم، إسمو إبْلِيس و الشّيطان، البِغِش السّاكنين عَلى الأرض كُلّها. هو و مَلائكَتو مَعاهو إترَمو لِلأرض.

رؤيا 2:24

و لَكِن بَقول دا ليكُم، التّانيين في ثِيَاتِيرَا، كُل الما مَسَكتو بِالتَعليم دا. و إنتو ما بِتَعرِفو الحاجات الغَريقَه بِتاعَت الشّيطان زي ما بِقولو. أنا ما بَخُت عَليكُم حِمِل تاني.

رؤيا 9:11

و عِندَهُم مَلِك فوقُم، و هو مَلاك الحُفرَه الغَريقَه. و إسمو بِّاللُغَه العِبرانيَّه، أبَدّون، و بِّاللُغَه الأغريقيَّه، أبولّيون.