يَعْقُوب 2:5 - كِتاب العَهد الجَّديد مِن الكِتاب المُقَدَّس

⁵ أسمَعو، يا أخواني المَحبوبين، الله ما إختار مَساكين الدُّنيا دي عَشان يَكونو غَنيين في الإيمان و وُرّاث المَلَكوت الوَعَد بيهو لِلبِحِبّوهو؟

يَعْقُوب 2:5 Iomraidhean Croise

مَتَّى 11:5

العَميانين بِشوفو، و النّاس العُرُج بِمشو، و النّاس العِندَهُم عَيى الجِّزام بِقو نُضاف، و ناس طُرُش بِسمَعو، و المَيِّتين بِقومو، و المَساكين بِسمَعو الخَبَر الكَويس.

مَتَّى 25:34

بَعدين المَلِك بِقول لِلنّاس الفي يَمينو: تَعالو، يا مُبارَكين مِن أبوي. أُخُد المَلَكوت المَجَهَّز ليكُم مِن بِدايَة الدُّنيا.

مَتَّى 5:3

”مُبارَكين المَساكين بِالرّوح، عَشان ليهُم مَلَكوت السَّما.

مَرْقُس 7:14

و نادى ليهو النّاس مَرَّه تانيَه، و قال ليهُم: ”أسمَعو لَي كُلُّكُم، و أفهَمو.

لُوقَا 12:21

و بِكون كِدا ليهو البِلِم كَنز لِنَفسو، و ما عِندو غِنى لِلَّه.“

لُوقَا 12:32

ما تَخافو، يا المُراح الصَّغير، عَشان أبوكُم رَضيان يَدّيكُم المَلَكوت.

لُوقَا 16:22

و بَعدين المِسكين مات، و المَلائكَه شالوهو، و خَتّوهو قَريب لِإِبْرَاهِيم. و الغَني كَمان مات، و دَفَنوهو.

لُوقَا 16:25

لَكِن إِبْرَاهِيم قال: يا وَلَدي، إتزَكَّر إنتَ في حَياتَك أخَدتَ حاجات كوَيسَه، و كِدا كَمان لَعَازَر حاجات بَطّالَه. و لَكِن هَسَّع هو هِنا مُرتاح، و إنتَ مِعَذَب.

لُوقَا 22:29

و لَكِن أنا كَمان جَهَّزتَ ليكُم مَلَكوت، زي ما أبوي جَهَّز لَي مَلَكوت.

لُوقَا 6:20

و رَفَع عُيونو لِتَلاميذو و قال: ”مُبارَكين، يا مَساكين، عَشان ليكُم مَلَكوت الله.

يُوحَنَّا 7:48

في واحِد مِن الرّؤساء ولّا مِن الفَرِّيسِيِّين آمَن بيهو؟

أعمال الرُّسُل 7:2

و قال: ”يا أخوان و أبَهات، أسمَعو! إلَه المَجد ظَهَر لِأبونا إِبْرَاهِيم، و هو في عِراق قُبّال ما سَكَن في حاران.

رُومِيَه 8:17

كِدا إذا نِحنا أولاد، بَعَد دا نِحنا وُرّاث كَمان، وُرّاث الله و وُرّاث مَعَ المَسيح. إذا كان نَتعَب مَعاهو، نِحنا بِنِتمَجَّد كَمان مَعاهو.

١ كُورِنْثُوس 2:9

لَكِن زي ما هو مَكتوب: ”العين ما شافَتو، و الأضان ما سِمِعَت بيهو، و ما دَخَل فِكِر زول عَن كُل الجَّهَّزو الله لِلبِحِبّوهو.“

٢ كُورِنْثُوس 4:15

و دا كُلّو عَشان فايدَتكُم، حَتّى النِّعمَه بِتزيد أكتَر و أكتَر لِكَتيرين، و الشُّكر بِزيد لِمَجد الله.

٢ كُورِنْثُوس 6:10

نِحنا زي حَزنانين، لَكِن دايماً مَبسوطين، زي المَساكين، لَكِن نَعمِل ناس كُتار غَنيين، نِحنا زي الما عِندَهُم شي، لَكِن كُلّو شي حَقَّنا.

٢ كُورِنْثُوس 8:9

عَشان إنتو بِتَعرِفو نِعمَة رَبَّنا يَسُوع المَسيح، إنّو هو غَني لَكِن بِقى مِسكين فِشانّا، عَلَشان نِحنا نَبقى غَنيين عَشان هو كان مِسكين.

أفَسُس 1:18

و بَصَلّي عَشان أفكاركُم بِكونو مَفتوحين لِنورو، عَلَشان تَعرِفو الرَّجاء الهو إختاركُم ليهو، و تَعرِفو غِنى مَجد ميراثو في القِدِّسين.

أفَسُس 3:8

و هو أدّا النِّعمَه دي لَي، و أنا أصغَر كُل القِدِّسين، عَشان أبَشِّر بين الأُمَم بِغِنى المَسيح الما نَقدَر نَفَسِّر بِالتَّمام.

١ تَسَالُونِيكِي 2:12

و كُنّا نَوَرّيكُم كيف تَعيشو الحَياة المُستَحِقَّه لِلَّه، و هو اليَناديكُم لِمَلَكوتو و مَجدو.

٢ تَسَالُونِيكِي 1:5

عَشان دا يَبَيِّن حُكم الله العَديل. و عَشان كِدا، يَعمِلكُم مُستَحِقّين لِمَلَكوت الله، الإنتو بِتَتعَبو فِشانو كَمان.

١ تِيمُوثَاوُس 6:18

و أدّيهُم أمر عَشان يَعمِلو الخير و يَكونو غَنيين في الأعمال الطَّيبَه، جاهِزين عَشان يَدّو و رَضيانين عَشان يَشارِكو.

٢ تِيمُوثَاوُس 4:18

و الرَّب بِحفَظني مِن كُلّو عَمَل شَرّير، و بِخَلِّصني لِمَلَكوتو الفي السَّما. و ليهو المَجد لِلأبَد. آمين.

٢ تِيمُوثَاوُس 4:8

و مِن هَسَّع مَحفوظ لَي تاج البِر. و الرَّب، القاضي العادِل، بِدّيهو لَي في اليوم داك، و مُش لَي بَس، لَكِن لِكُلُّهُم البِحِبّو ظُهورو كَمان.

عِبرانيين 11:26

و هو حَسَب لوم المَسيح غِنى أكبَر مِن كُنوز مَصر، عَلَشانو كان يِستَنّى لِلأُجرَه.

يَعْقُوب 1:12

مُبارَك الرّاجِل البِتحَمَّل التَجرِبَه. عَشان إذا مَرَّه بِالإمتِحان، هو بِقبَل تاج الحَياة الوَعَد بيهو الرَّب لِلنّاس البِحِبّوهو.

يَعْقُوب 1:16

ما تَكونو مَغشوشين، يا أخواني المَحبوبين.

يَعْقُوب 1:19

أعرِفو دا، يا أخواني المَحبوبين. خَلّي كُلّو زول يَكون قَوّام في السَمَع، بِشيش في الكَلام، بِشيش في الزَّعَل.

يَعْقُوب 1:9

خَلّي الأخو المِسكين يَفرَح بِمَحَلّو العالي.

١ بُطْرُس 1:4

لِميراث الما تَهلِك ولّا تَخسَر ولّا تَفوت، و مَحفوظَه ليكُم في السَّما.

٢ بُطْرُس 1:11

و كِدا بِكون مُجَهَّز ليكُم دُخول بِغِنى لِمَلَكوت رَبَّنا و مُخَلِّصنا يَسُوع المَسيح الأبَدي.

رؤيا 2:9

أنا بَعرِف تَعبَك و إحتياجَك، لَكِن إنتَ غَني. و بَعرِف تَجديف ديل البِقولو هُم يَهود و هُم مُش يَهود، لَكِن هُم مَجمَع الشّيطان.

رؤيا 21:7

الزّول البِغلِب، هو يورَث الحاجات دي، و أنا بَكون ليهو إلَه و هو بِكون لَي وَلَد.

رؤيا 3:18

أنا بَدّيك نَصيحَه أن تَشتَري مِنّي دَهَب مُجَرَّب بِالنّار، عَلَشان تَبقى غَني. و تَشتَري هِدوم أبيَض عَشان تَلبَس و تَغَطّي خَجلَك عَشان إنتَ عَريان. و تَشتَري مَسَحَه عَشان تَمسَح عُيونَك بيهو عَلَشان تَشوف.