يَعْقُوب 2:19 - كِتاب العَهد الجَّديد مِن الكِتاب المُقَدَّس

¹⁹ إنتَ تآمِن أن الله واحِد، إنتَ تَعمِل كوَيس. و الشّياطين يآمِنو كَمان، و يَرجِفو.

يَعْقُوب 2:19 Iomraidhean Croise

مَتَّى 8:29

و شوف! كورَكو و قالو: ”إنتَ عاوِز شِنو مَعانا، يا إبن الله؟ جيت هِنا عَشان تَتَعِّبنا قُبّال الوَكِت؟“

مَرْقُس 1:24

و هو كورَك، و قال: ”مالنا و مالَك، يا يَسُوع النّاصِري؟ إنتَ جيت عَشان تَخرِبنا؟ أنا عارِف مِنو إنتَ. إنتَ قُدّوس الله.“

مَرْقُس 12:29

يَسُوع رَدَّ عَليهو و قال: ”الأمر الأوَّل، هو: أسمَع، يا إِسْرَائِيل. الرَّب إلَهنا هو رَب واحِد.

مَرْقُس 5:7

و كورَك بِصوت عالي و قال: ”مالي و مالَك، يا يَسُوع، إبن الله العالي؟ أطلُب مِنَّك بِالله، ما تَتَعِّبني.“

مَرْقُس 7:9

و قال ليهُم: ”عِندَكُم تَرتيب كوَيس أن تَرفُضو أمر الله عَلَشان تَحفَظو عادَتكُم!

لُوقَا 4:34

”آه! مالنا و مالَك، يا يَسُوع النّاصِري؟ إنتَ جيت عَشان تَخرِبنا؟ أنا عارفَك مِنو إنتَ. إنتَ قُدّوس الله.“

يُوحَنَّا 17:3

و دي هي الحَياة الأبَديَّه، أن يَعرِفوك إنتَ الإلَه الحَقيقي وَحدَك، و يَسُوع المَسيح الرَسَّلتو.

أعمال الرُّسُل 16:17

و هي مَشَت وَرا بُولُس و الكانو مَعاهو، و كُورَكَت و قالَت: ”الرُّجال ديل، هُم خَدّامين الله العالي، و يَبَشِّروكُم بِطَريق الخَلاص.“

أعمال الرُّسُل 19:15

و الرّوح الشَّرّير رَدَّ عَليهُم و قال: ”أنا بَعرِف يَسُوع و بَعرِف بُولُس، لَكِن إنتو، مِنو إنتو؟“

أعمال الرُّسُل 24:25

و وَكِت ما كان بِتكَلَّم عَن البِر و مَسِك النَّفس و الحُكم الجّاي، فِيلِكْس خاف و قال: ”هَسَّع كِفايَه، أمشي. و لَمَّن ألقى فُرصَه، بَناديك.“

رُومِيَه 3:30

عَلَشان الله واحِد. و هو يَبَرِّر المُطَهَّر بِالإيمان و الما مُطَهَّر بِالإيمان.

١ كُورِنْثُوس 8:4

عَلى كِدا عَن الأكل اليَضبَحوهو لِلأصنام، بِنَعرِف الصَّنَم ما شي في الدُّنيا، و ما في إلَه تاني إلّا واحِد.

١ كُورِنْثُوس 8:6

لَكِن لينا إلَه واحِد بَس، الأبو، المِنّو كُل الحاجات و نِحنا نَعيش ليهو، و رَب واحِد، يَسُوع المَسيح، البيهو كُل الحاجات و نِحنا نَعيش بيهو.

غَلَاطِيَّه 3:20

و ما في إحتِياج لِوَسيط، لَمّا يَكون في زول واحِد. و الله واحِد.

١ تِيمُوثَاوُس 2:5

عَشان في الله واحِد و وَسيط واحِد بين الله و النّاس، و هو الإنسان المَسيح يَسُوع،

يَعْقُوب 2:8

إذا تَتِمّو القانون المَلوكيَه، بِحَسَب الكِتاب: ”تَحِب قَريبَك زي نَفسَك،“ تَعمِلو طَيب.

يَهُوذَا 1:4

عَشان بَعض مِن النّاس دَخَلو بينكُم بِالسِّر، و هُم ما بِخافو الله. و هُم يَغَيِّرو نِعمَة إلَهنا لِلفَضيحَه و بِنكُرو سَيِدنا و رَبَّنا الوَحيد، يَسُوع المَسيح. و مِن وَكِت طَويل دينونَتُم كانَت مَكتوبَه.

يَهُوذَا 1:6

و المَلائكَه الما حِفظو سُلطَتُم لَكِن سابو بيتُم المَخصوص، ديل مَحفوظين بِجَنازِير أبَديَّه لِدينونَة اليوم العَظيم في الضَّلام.

رؤيا 20:10

و إبْلِيس، الكان بِغِشُّم، إترَمى في بِركَة النّار و الكِبريت لِلمَكان الفيهو كَمان الوَحَش و النَّبي الكَضّاب. و ماشين يَعَذِّبوهُم نَهار و ليل لِلأبَد.