يَعْقُوب 2:16 - كِتاب العَهد الجَّديد مِن الكِتاب المُقَدَّس

¹⁶ و واحِد مِنَّكُم يَقول ليهُم: ”أمشو بِالسَّلام، إدَّفّو و أشبَعو.“ لَكِن هو ما بِدّيهُم البِحتاجو ليهُم لِلجِّسِم، الفايدَه شِنو؟

يَعْقُوب 2:16 Iomraidhean Croise

مَتَّى 15:32

بَعدين يَسُوع نادى تَلاميذو و قال ليهُم: ”أنا عِندي رَحمَه عَلى النّاس، عَشانُم مَعاي تلاتَه أيام هَسَّع، و ما عِندَهُم أكل. و أنا ما عاوِز أرَسِّلُم جَعانين، عَشان يِمكِن يَقَعو في السِّكَّه.“

مَتَّى 25:35

عَشان أنا كُنتَ جَعان، و إنتو أدّيتوني أكل. كُنتَ عَطشان، و أدّيتوني شَراب. كُنتَ غَريب، و عَزَمتوني لِبِيوتكُم.

مَتَّى 25:36

ما كان عِندي هِدوم، و إنتو لَبَّستوني. كُنتَ عَيّان، و إنتو زُرتوني. كُنتَ في السِّجِن، و إنتو جيتو لَي.

مَرْقُس 5:34

و قال ليها: ”يا بِتّي، إيمانِك شَفاكي. أمشي بِالسَّلام. كوني طَيبَه مِن العَيى.“

رُومِيَه 12:9

خَلّي المَحَبَّه تَكون مُخلِصَه. أكرَهو البَطّال، أمسِكو بِالكوَيس.

٢ كُورِنْثُوس 8:8

أنا ما بِدّيكُم أمر، لَكِن لَمّا أوَرِّيكُم إهتِمام التّانيين، أمتَحِن مَحَبَّتكُم إذا حَقيقي ولّا لا.