يَعْقُوب 2:14 - كِتاب العَهد الجَّديد مِن الكِتاب المُقَدَّس

¹⁴ شِنو الفايدَه، يا أخواني، إذا واحِد يَقول إنّو عِندو إيمان و لَكِن ما عِندو أعمال؟ الإيمان داك يَقدَر يَخَلِّصو؟

يَعْقُوب 2:14 Iomraidhean Croise

مَتَّى 5:20

عَشان أقول ليكُم، لِغايَة ما بِرَّكُم بِفوت بِر مُعَلِّمين القانون و بِر الفَرِّيسِيِّين، ما تَدخُلو مَلَكوت السَّما أبَداً.

لُوقَا 3:11

و رَدَّ عَليهُم و قال: ”العِندو توبين خَليهو يَقسِم مَعَ الما عِندو، و العِندو أكِل خَليهو يَعمِل كِدا كَمان.“

لُوقَا 6:49

و لَكِن البِسمَع و ما بيَعمِل، هو زي زول بَنى بيتو عَلى الأرض بِدون أساس. و المويَه ضَرَبَت عَلى البيت، و طَوّالي البيت وَقَع. و كان خَراب البيت داك كَبير.“

أعمال الرُّسُل 15:9

و هو ما عَمَل فارِق بينَنا و بِينُم، عَشان نَضَّف قُلوبُم بِالإيمان.

أعمال الرُّسُل 8:13

و سيمون نَفسو آمَن. و بَعَد ما إتعَمَّد، كان بِستَمِر مَعَ فِيلُبُّس دايماً. و إستَغرَب لَمّا شاف العَلامات الكَبيرَه و العَجايِب.

أعمال الرُّسُل 8:21

إنتَ ما عِندَك قِسم ولّا جُزو في الحاجَه دي، عَلَشان قَلبَك ما صَحيح قِدّام الله.

رُومِيَه 2:25

الطَّهور عِندو فايدَه إذا حَفَظتو القانون. و لَكِن إن كَسَّرتَ القانون، طَهورَك بِقى ما طَهور.

١ كُورِنْثُوس 15:2

و بِالإنجيل دا تَخلَصو إذا كُنتو تَمسِكو بِالكَلام البَشَّرتَكُم بيهو، إذا ما آمَنتو بِدون فايدَه.

١ كُورِنْثُوس 16:22

إذا كان واحِد ما بِحِب الرَّب، خَليهو يَكون مَلعون. تَعال، يا رَبَّنا!

غَلَاطِيَّه 5:13

يا أخوان، الله ناداكُم لِلحُرّيَّه. لَكِن ما تَسَوو الحُرّيَّه فُرصَه لِلجِّسِم، لَكِن أخدِمو بَعضَكُم بَعض بِالمَحَبَّه.

غَلَاطِيَّه 5:6

عَشان في المَسيح يَسُوع، الطَّهور ما ليهو فايدَه، ولّا الما مُطَهَّر، لَكِن الإيمان البِشتَغِل بِالمَحَبَّه.

١ تَسَالُونِيكِي 1:3

و دايماً نِزَكَّر عَمَل إيمانكُم و تَعب مَحَبَّتكُم و صَبر رَجاءكُم في رَبَّنا يَسُوع المَسيح قِدّام الله أبونا.

١ تِيمُوثَاوُس 1:5

و نِهايَة الأمر مَحَبَّه مِن قَلِب نَضيف و ضَمير كوَيس و إيمان مُخلِص.

١ تِيمُوثَاوُس 4:8

عَشان رياضَة الجِّسم عِندَها فايدَه قَليلَه، لَكِن خوف الله عِندو فايدَه لِكُلّو حاجَه. عَشان عِندو وَعد لِلحَياة الفي هَسَّع و الجّايَه.

تِيطُس 1:16

هُم بِقولو إنَّهُم بِيَعرِفو الله، و لَكِن هُم بِنكُروهو بِأعمالُم. و هُم مَكروهين، و ما بِطيعُو، و ما عِندَهُم فايدَه لِأي عَمَل كوَيس.

تِيطُس 3:8

الكِلمَه دي أمينَه. و أنا عاوزَك تَشهَد بِتأكيد لِلحاجات دي، عَلَشان ديل، الآمَنو بِالله، بِهتَمّو عَشان يَعمِلو أعمال كوَيسَه. و الحاجات دي طَيبَه و عِندَها فايدَه لِلنّاس.

عِبرانيين 11:17

بِالإيمان إِبْرَاهِيم، لَمّا الله إمتَحَنو، قَدَّم إِسْحَاق. هو، القِبِل الوُعود، بَدا يَقَدِّم وَلَدو الوَحَيد،

عِبرانيين 13:9

ما تَخَلّو تَعاليم مُختَلِفَه و غَريبَه تَسوقكُم مِن الحَق. عَشان دا كوَيس إذا القَلِب يَكون ثابِت بِالنِّعمَه، مُش بِأكِل مَخصوص. و النّاس الأكَلوهو ما لِقو مِنّو فايدَه.

يَعْقُوب 1:16

ما تَكونو مَغشوشين، يا أخواني المَحبوبين.

يَعْقُوب 2:16

و واحِد مِنَّكُم يَقول ليهُم: ”أمشو بِالسَّلام، إدَّفّو و أشبَعو.“ لَكِن هو ما بِدّيهُم البِحتاجو ليهُم لِلجِّسِم، الفايدَه شِنو؟

يَعْقُوب 2:18

لَكِن واحِد بِقول: ”إنتَ عِندَك إيمان و أنا عِندي أعمال. وَرّيني إيمانَك بِدون أعمال، و أنا بَوَرّيك إيماني بِأعمالي.“

يَعْقُوب 2:26

زي ما الجِّسِم بِدون روح هو ميت، كِدا كَمان الإيمان بِدون أعمال هو مَيِّت.

٢ بُطْرُس 1:5

و بِالسَّبَب دا زاتو، أعمِلو الأحسَن عَشان تَزيدو لِإيمانكُم خير، و تَزيدو لِلخير مَعرِفَه.