يَعْقُوب 1:21 - كِتاب العَهد الجَّديد مِن الكِتاب المُقَدَّس

²¹ عَشان كِدا، أرمو مِنَّكُم كُلّو نَجاسَه و كَترَت شَر، و أقبَلو بِوَداعَه الكِلمَه المَزروعَه البِتَقدَر تَخَلِّص نُفوسكُم.

يَعْقُوب 1:21 Iomraidhean Croise

مَتَّى 5:5

مُبارَكين الوُدَعاء عَشان هُم بِيورَثو الدُّنيا.

يُوحَنَّا 6:63

الرّوح هو البِدّي حَياة، لَكِن الجِّسم ما فيهو فايدَه. الكَلام البَقولو ليكُم هَسَّع، هو روح و حَياة.

يُوحَنَّا 6:68

سِمْعَان بُطْرُس رَدَّ و قال ليهو: ”يا سَيِّد، نِحنا نَمشي لِمِنو؟ إنتَ عِندَك كَلام الحَياة الأبَديَّه.

أعمال الرُّسُل 10:33

و طَوّالي رَسَّلتَ ليك، و إنتَ عَمَلتَ كوَيس عَشان جيت. و هَسَّع نِحنا كُلُّنا مِتلَمين هِنا قِدّام الله، عَشان نَسمَع مِنَّك كُل الأمَرَك بيهو الله.“

أعمال الرُّسُل 13:26

يا أخوان، أولاد إِبْرَاهِيم و البِخافو الله بينكُم، الله رَسَّل لينا نِحنا كِلمات الخَلاص دا.

رُومِيَه 1:16

أنا ما خَجلان مِن الإنجيل، عَشان هو قُوَّة الله عَشان يَخَلِّص كُل البِآمِنو، لِليَهود في الأوَّل، و بَعدين لِناس إغريقيين.

رُومِيَه 11:17

و هُم قَطَعو بَعَض الفُروع مِن شَجَرَة الزّيتون، و جَمَعو ليها فَرَع مِن شَجَرَة زيتون الخَلا. إنتو الأُمَم زي شَجَرَة زيتون الخَلا، و هَسَّع عِندَكُم قِسِم في عِرق شَجَرَة الزّيتون، يَعني اليَهود، و قُوَّة حَياتا.

رُومِيَه 6:17

لَكِن شُكراً لِلَّه! إنتو الكُنتو خَدّامين لِلخَطيَّه قُبّال دا، طِعتو بِقُلوبكُم حَق التَّعليم القِبِلتوها.

١ كُورِنْثُوس 15:2

و بِالإنجيل دا تَخلَصو إذا كُنتو تَمسِكو بِالكَلام البَشَّرتَكُم بيهو، إذا ما آمَنتو بِدون فايدَه.

٢ كُورِنْثُوس 7:1

و عَشان عِندَنا الوُعود ديل، يا مَحبوبين، خَلّونا نَنَضِّف نُفوسنا مِن كُلّو نَجاسَة الجِّسم و الرّوح، و نَكَمِّل القَداسَه في خوف الله.

أفَسُس 1:13

و إنتو كَمان إتَّكَلتو عَلى المَسيح لَمّا سِمِعتو كِلمَة الحَق، إنجيل خَلاصكُم. و لَمّا آمَنتو بيهو، الله خَتَّ عَليكُم خِتِم، الرّوح القُدُس، الوَعَد بيهو.

أفَسُس 4:22

و بِخُصوص طَريق حَياتكُم المِن قُبّال، إنتو إتعَلَّمتو أن تَقلَعو مِنَّكُم النَّفس القَديمَه، الفيها خَراب بِسَبَب الشَّهوات البِغِشّو.

أفَسُس 4:25

عَلَشان كِدا، أرمو مِنَّكُم الكِضِب، و إتكَلَّمو الحَق كُلّو واحِد مَعَ جارو، عَلَشان نِحنا أعضاء بَعَضَنا مَعَ بَعض.

أفَسُس 5:4

و كِدا ما تِتكَلَّمو كَلام وَسخان ولّا بَليد ولّا كَلام خَفيف الما يَوافِق. لَكِن أدّو الشُّكر لِلَّه.

١ تَسَالُونِيكِي 1:5

عَشان إنجيلنا ما جا ليكُم بِالكَلام بَس، و لَكِن بِالقُوَّه كَمان، و بِالرّوح القُدُس و بِتأكيد شَديد. بِتَعرِفو كيف مَشينا بينكُم فِشانكُم.

١ تَسَالُونِيكِي 2:13

و نِحنا كَمان نَشكُر الله دايماً لِلسَّبَب دا. لَمّا أخَدتو كِلمَة الله السِّمِعتو مِنَّنا، قِبِلتوها مُش زي كِلمَة النّاس، لَكِن زي ما هي بِالحَقيقَه، كِلمَة الله. و الكِلمَه دي تَشتَغِل فيكُم، إنتو المؤمِنين كَمان.

تِيطُس 2:11

عَشان نِعمَة الله، البِتجيب خَلاص ظَهَرَت لِكُل النّاس.

عِبرانيين 12:1

و عَلَشان في حَوَلينا سِحابَه كَبيرَه زي دي مِن الشّاهِدين، خَلّونا نَرمي مِنَّنا كُلّو حِمِل و الخَطيَّه البِتضَيقنا بِالسُّرعَه. و خَلّونا نَجري بِالصَّبر السَّبَق المَختوت قِدّامنا.

عِبرانيين 2:3

كيف نِحنا بِنَهرُب إذا ما نَخَلّي بالنا لِخَلاص عَظيم زي دا؟ و الرَّب إتكَلَّم عَنّو في الأوَّل، و ديل السِمِعوهو ثَبَّتوهو لينا.

عِبرانيين 4:2

و هُم بَشَّرونا بِالإنجيل زي ما بِشَّرو ديل، لَكِن الكِلمَه الهُم سِمِعوهو ما كانَت عِندَها فايدَه ليهُم. و دا عَلَشان ديل السِّمِعوهو ما لَخبَطوها بِالإيمان.

يَعْقُوب 4:8

قَرِّبو لِلَّه و هو بِقَرِّب ليكُم. غَسِّلو إيدينكُم، يا خاطيين، و نَضِّفو قُلوبكُم، إنتو العِندَكُم فِكرين.

يَعْقُوب 5:20

خَليهو يَعرِف الرَّجَّع خاطي مِن غَلطَة سِكّتو، بِخَلِّص نَفسو مِن الموت و يَغَطّي خَطايا كَتيرَه.

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

١ بُطْرُس 1:9

و تَقبَلو نِهايَة إيمانكُم، هو خَلاص نُفوسكُم.

١ بُطْرُس 2:1

عَشان كِدا، أرمو مِنَّكُم كُلّو شَماتَه و كُلّو غِش و النِّفاق و الحَسَد و كُلّو شَتيمَه.

١ بُطْرُس 2:11

يا مَحبوبين، أطلُب ليكُم زي غَريبين و مِسافِرِين تَرفُضو الشَّهوات الجِّسميَّه البِتحارِب النَّفس.