عِبرانيين 9:15 - كِتاب العَهد الجَّديد مِن الكِتاب المُقَدَّس

¹⁵ و عَلَشان كِدا، المَسيح وَسيط إتِّفاق جَديد، عَشان هُم، المُختارين بِقبَلو الميراث الأبَدي المَوعود. و دا بِكون كِدا عَلَشان هو مات لِفِداء الخَطايا العَمَلوها تِحِت الإتِّفاق الأوَّل.

عِبرانيين 9:15 Iomraidhean Croise

مَتَّى 19:29

و كُلّو واحِد الخَلّى بُيوت ولّا أخوان ولّا أخوات ولّا أبو ولّا أُم ولّا أولاد ولّا زِراعات فِشان إسمي، هو بياخُد مِيَّة مَرَّه، و بِتكون ليهو الحَياة الأبَديَّه.

مَتَّى 22:3

و رَسَّل خَدّامينو يَنادو المَعزومين لِلعَزومَه. و لَكِن هُم أبو يَجو.

مَتَّى 25:34

بَعدين المَلِك بِقول لِلنّاس الفي يَمينو: تَعالو، يا مُبارَكين مِن أبوي. أُخُد المَلَكوت المَجَهَّز ليكُم مِن بِدايَة الدُّنيا.

مَتَّى 25:36

ما كان عِندي هِدوم، و إنتو لَبَّستوني. كُنتَ عَيّان، و إنتو زُرتوني. كُنتَ في السِّجِن، و إنتو جيتو لَي.

مَرْقُس 10:17

و وَكِت ما كان ماشي في السِّكَّه، واحِد جَرى و رَكَع قِدّامو و سَألو و قال ليهو: ”يا المُعَلِّم الصّالِح، أسَوّي شِنو عَشان أُورَث الحَياة الأبَديَّه؟“

لُوقَا 18:18

و رَئيس سَألو و قال: ”يا المُعَلِّم الطَّيب، أعمِل شِنو عَشان ألقى الحَياة الأبَديَّه؟“

لُوقَا 22:20

و كِدا كَمان أخَد الكُبّايَه بَعَد العَشا و قال: ”الكُبّايَه دي، هي الإتِّفاق الجَّديد بِدَمّي الإدَّفَّق فِشانكُم.

يُوحَنَّا 10:28

و أنا بَدّيهُم حَياة أبَديَّه، و هُم ما بِموتو أبَداً، و ما في واحِد يَقدَر يَشيلُم مِن إيدي.

أعمال الرُّسُل 20:32

و هَسَّع بَدّيكُم لِلَّه، و لِكِلمَة نِعمَتو، البِتَقدَر تَبنيكُم و تَدّي ليكُم الميراث مَعَ كُل القِدِّسين.

رُومِيَه 5:10

و وَكِت ما نِحنا كُنّا عُدوان الله، هو عَمَل سَلام مَعانا بِموت إبنو. و هَسَّع عَلَشان بِقينا مُصالِحين، كيف بِالأكتَر جِدّاً نِحنا بِنَخلَص بِحَياتو.

رُومِيَه 5:6

عَشان لَمّا كُنّا لِسَّع ضَعيفين، المَسيح مات في الوَكِت المُختار فِشان الخاطيين.

رُومِيَه 5:8

و لَكِن الله وَرّا مَحَبَّتو لينا، عَشان لَمّا نِحنا لِسَّع كُنّا خاطيين، المَسيح مات فِشانّا.

رُومِيَه 6:23

عَشان أُجرَة الخَطيَّه هي الموت، و لَكِن هَديَّة الله هي الحَياة الأبَديَّه بِالمَسيح يَسُوع رَبَّنا.

رُومِيَه 8:28

نِحنا بِنَعرِف الله يَساعِد في كُلّو حاجَه لِخير النّاس البِحِبّوهو، الهو ناداهُم حَسَب تَرتيبو.

رُومِيَه 8:30

و ديل الإختارُم مِن قُبّال، هو ناداهُم كَمان، و ديل الناداهُم، هو بَرَّرُم كَمان، و البَرَّرُم ديل، هو مَجَّدُم كَمان.

رُومِيَه 9:24

و عَلينا نِحنا الهو نادانا، مُش مِن اليَهود بَس، لَكِن مِن الأُمَم كَمان.

٢ كُورِنْثُوس 3:6

و هو أدّانا قُوَّه عَشان نَكون خَدّامين إتِّفاق جَديد. و دا مُش بِالقانون المَكتوب، لَكِن بِالرّوح. عَشان القانون المَكتوب بِجيب الموت، لَكِن الرّوح بِدّي حَياة.

غَلَاطِيَّه 3:20

و ما في إحتِياج لِوَسيط، لَمّا يَكون في زول واحِد. و الله واحِد.

أفَسُس 1:7

و فيهو عِندَنا الفِداء بِدَمّو، غُفران الخَطايا، بِحَسَب غِنى نِعمَتو.

٢ تَسَالُونِيكِي 2:14

و هو ناداكُم لِدا بِإنجيلنا، عَشان تَقبَلو مَجد رَبَّنا يَسُوع المَسيح.

١ تِيمُوثَاوُس 2:5

عَشان في الله واحِد و وَسيط واحِد بين الله و النّاس، و هو الإنسان المَسيح يَسُوع،

٢ تِيمُوثَاوُس 2:10

عَلَشان كِدا، أنا أصبُر عَلى كُلّو حاجَه فِشان المُختارين، عَشان هُم كَمان يِلقو الخَلاص الفي المَسيح يَسُوع مَعَ المَجد الأبَدي.

تِيطُس 1:2

و في رَجاء الحَياة الأبَديَّه، الوَعَد بيها الله قُبّال زَمَن أبَدي. و الله ما بِقدَر يَكَضِّب.

تِيطُس 3:7

حَتّى عَشان إتبَرَّرنا بِنِعمَتو، نَبقى وُرّاث حَسَب رَجاء الحَياة الأبَديَّه.

عِبرانيين 10:34

و إنتو تِعِبتو سَوا مَعَ المَحبوسين، و لَمّا مَسَكو بُضاعَتكُم بِقُوَّه، إنتو قِبِلتو دا بِفَرَح، عَلَشان إنتو نُفوسكُم عِرِفتو عِندَكُم مال أحسَن البِستَمِر.

عِبرانيين 10:36

إنتو تَحتاجو لِلصَّبر، حَتّى إذا عَمَلتو إرادَة الله، بِتَقبَلو الوَعد.

عِبرانيين 11:13

و ديل كُلُّهُم ماتو في الإيمان. و هُم ما قِبِلو الوُعود، لَكِن شافوها و سَلَّمو عَليها مِن بَعيد. و إعتَرَفو بِأنَّ هُم غَريبين و ضُيوف ساكِنين عَلى الأرض.

عِبرانيين 12:24

و لِيَسُوع وَسيط الإتِّفاق الجَّديد، و لِرَش الدَّم اليتكَلَّم حاجَه أحسَن مِن دَم هابيل.

عِبرانيين 13:20

و إلَه السَّلام قَوَّم مِن بين المَيِّتين رَبَّنا يَسُوع، راعي الخِرفان، العَظيم، بِدَم الإتِّفاق الأبَدي.

عِبرانيين 2:14

عَلَشان الأولاد عِندَهُم دَم و لَحَم، هو كَمان إشتَرَك فيها، عَلَشان بِموتو هو يَخرَب العِندو سُلطَة الموت، يَعني إبْلِيس.

عِبرانيين 3:1

عَلَشان كِدا، يا الأخوان القِدِّسين، شُرَكا الإختِيار المِن السَّما، إفتَكِرو في الرَّسول و رَئيس القُسُس بِتاع شَهادَتنا، يَسُوع.

عِبرانيين 6:13

لَمّا الله وَعَد إِبْرَاهِيم، هو حَلَف بِنَفسو، عَلَشان ما في واحِد أكبَر مِنّو عَشان يَحلِف بيهو.

عِبرانيين 6:15

و كِدا، بَعَد ما إستَنّى بِالصَّبر، إِبْرَاهِيم قِبِل الوَعَد ليهو.

عِبرانيين 7:22

و بِقَدُر دا، يَسُوع بِقى مَسؤول عَشان يَكَمِّل إتِّفاق أحسَن.

عِبرانيين 8:13

و لَمّا يَقول: إتِّفاق جَديد، هو عَمَل الأوَّل قَديم. و الحاجَه البِقَت قَديمَه و عِندَها مُدَّه طَويلَه، بَعَد شوَيَه بِتفوت.

عِبرانيين 9:12

هو ما دَخَل بِدَم غَنَم و عُجول، لَكِن بِدَم نَفسو مَرَّه واحدَه لِقُدُس الأقداس، و جاب لينا فِداء أبَدي.

عِبرانيين 9:16

و لَمّا تَكون في وَصيَه، لازِم يَثَبِّتوها بِموت الواحِد العَمَلا.

عِبرانيين 9:28

و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

يَعْقُوب 1:12

مُبارَك الرّاجِل البِتحَمَّل التَجرِبَه. عَشان إذا مَرَّه بِالإمتِحان، هو بِقبَل تاج الحَياة الوَعَد بيهو الرَّب لِلنّاس البِحِبّوهو.

١ بُطْرُس 3:18

عَشان المَسيح كَمان مات مَرَّه واحدَه فِشان الخَطايا، مات البار عَن المُذنِب عَشان يَقَرِّبنا لِلَّه. كَتَلوهو في الجِّسم، لَكِن عَمَلوهو حَي في الرّوح.

١ بُطْرُس 5:10

و إلَه كُلّو نِعمَه ناداكُم لِمَجدو الأبَدي في المَسيح. و بَعَد ما إتوَجَّعتو وَكِت قَليل، هو نَفسو بِكَمِّلكُم و بِثَبِّتكُم، و بِشَدِّدكُم و بِيَعمِلكُم أُمَنا.

١ يُوحَنَّا 2:25

دا هو الوَعد الهو وَعَدنا بيهو، الحَياة الأبَديَّه.

رؤيا 5:9

و هُم يَرَتِّلو تَرتيلَه جَديدَه، و بِقولو: ”إنتَ مُستَحِق تاخُد الكِتاب و تَفِك أختامو، عَلَشان كُنتَ مَكتول، و بِدَمَّك أشتَريت لِلَّه مِن كُلّو قَبيلَه و لُغَه و شَعب و أُمَّه.