عِبرانيين 9:10 - كِتاب العَهد الجَّديد مِن الكِتاب المُقَدَّس

¹⁰ و هُم قَوانين جِسميَّه بَس عَن أكِل و شُرُب و غَسيل مُختَلِف، و يَشتَغِلو بيهُم لِغايَة وَكِت التَّرتيب الجَّديد.

عِبرانيين 9:10 Iomraidhean Croise

مَرْقُس 7:4

و لَمّا بِجو مِن السّوق، ما ياكُلو إذا ما يِتغَسَّلو في الأوَّل. و يَحفَظو عَوايِد تانيَه كَتيرَه: زي غَسيل الكُبايات، و البُرام، و حِلَل النَّحاس.

غَلَاطِيَّه 4:9

لَكِن هَسَّع إنتو تَعرِفو الله، ولّا بِالأكتَر، الله يَعرِفكُم. كيف تَرجَعو لِلقَوانين الضَّعيفَه و المِسكينَه؟ بِتدورو تَكونو عَبيد ليها مَرَّه تانيَه؟

أفَسُس 1:10

و الله بِكَمِّل تَرتيبو لَمّا الزَّمَن يَكون تَمام، عَشان يَلِم كُلّو شي الفي السَّما و العَلى الأرض عَشان يَكون واحِد في المَسيح.

أفَسُس 2:15

و في جِسمو بَطَّل العَداوَه، الكان في القانون مَعَ أوامِرو و تَرتيباتو. و هو عَمَل دا عَلَشان يَخلُق في نَفسو، مِن الإتنين واحِد إنسان جَديد، و كِدا بيَعمِل سَلام.

كُولُوسِّي 2:16

عَلَشان كِدا، ما تَخَلّو أي واحِد يَحكُم عَليكُم في الأكِل ولّا الشُّرُب، ولّا عَن عيد ولّا شَهَر جَديد ولّا سَبِت.

عِبرانيين 10:22

عَلَشان كِدا، خَلّونا نَقَرِّب بِقَلِب أمين و في كُلّو تأكيد الإيمان، و قُلوبنا مَرشوشَه عَشان يَنَضِّفنا مِن ضَمير بَطّال و أجسامنا مَغسولين بِمويَه نَضيفَه.

عِبرانيين 13:9

ما تَخَلّو تَعاليم مُختَلِفَه و غَريبَه تَسوقكُم مِن الحَق. عَشان دا كوَيس إذا القَلِب يَكون ثابِت بِالنِّعمَه، مُش بِأكِل مَخصوص. و النّاس الأكَلوهو ما لِقو مِنّو فايدَه.

عِبرانيين 2:5

عَشان هو ما خَتَّ الدُّنيا الجّايَه تِحِت المَلائكَه، الدُّنيا النِحنا نِتكَلَّم عَنّا.

عِبرانيين 6:2

و التَعليم عَن المَعموديات، و خَتَّ الإيدين، و قيامَة المَيِّتين، و الدّينونَه الأبَديَه.

عِبرانيين 6:5

و هُم ضاقو كِلمَة الله الطَّيبَه، و قُوّات الزَّمَن الجّاي.

عِبرانيين 7:12

عَشان إذا يَغَيِّرو تَرتيب القُسُس، لازِم يَغَيِّرو القانون كَمان.

عِبرانيين 7:16

و هو بِقى قَسّيس، مُش عَلى أساس قانون و أمر جِسمي، عَلى أساس قُوَّة حَياة ما عِندَها نِهايَه.

عِبرانيين 9:1

و الإتِّفاق الأوَّل كان عِندو قَوانين العِبادَه و المَحَل المُقَدَّس بِتاع الدُّنيا.