عِبرانيين 8:5 - كِتاب العَهد الجَّديد مِن الكِتاب المُقَدَّس

⁵ و هُم بِخدِمو صورَه و ضُل الحاجات الفي السَّما. و زي دا، هو حَزَّر مُوسَى لَمّا هو قَرَّب يَعمِل الخيمَه و قال: ”شوف عَشان تَسَوّي كُلّو حاجَه زي الصّورَه الوَرّيتا ليك في الجَّبَل.“

عِبرانيين 8:5 Iomraidhean Croise

مَتَّى 2:12

و الله كَلَّمُم عَن الخَطَر في حِلِم عَشان ما يَرجَعو لِهِيرُودُس. و هُم مَشو بِسِكَّه تانيَه لِبَلَدُم.

أعمال الرُّسُل 7:44

و أبَهاتنا كانو عِندَهُم خيمَة الشَّهادَه في الخَلا. و زي ما الله أدّا أمر لِمُوسَى، هو عَمَلو زي الوَرّاهو الله.

كُولُوسِّي 2:17

ديل ضُل الحاجات الجّايَه، لَكِن الحَق، هو المَسيح.

عِبرانيين 10:1

و القانون عِندو ضُل الحاجات الكوَيسَه الجّايَه، و ما صورَة الحاجات بِزاتا. و هُم كانو بِقَدِّمو الضَّبايح ديل دايماً كُلّو سَنَه. و لَكِن ما مُمكِن أبَداً يَعمِلُم كامِلين، هُم البِقَرِّبو عَشان يَعبُدو.

عِبرانيين 11:7

بِالإيمان نُوح، لَمّا الله حَزَّرو عَن الحاجات الهو لِسَّع ما شافُم، خاف و بَنى المُركَب الكَبيرَه لِخَلاص أهلو. و بيهو هو حَكَم عَلى الدُّنيا و بِقى وارِث لِلبِر البِالإيمان.

عِبرانيين 12:25

و شوفو كوَيس عَشان ما تَرفُضو البِتكَلَّم. عَشان هُم ما قِدرو يَهرُبو لَمّا رَفَضوهو، الحَزَّرُم عَلى الأرض. و كَم بِالأكتَر نِحنا ما نَقدَر نَهرَب إذا نَرَجِّع عَنّو اليَحَزِّرنا مِن السَّما؟

عِبرانيين 13:10

نِحنا عِندَنا مَضبَح، و البِخدِمو في الخيمَه ما عِندَهُم سُلطَه ياكُلو مِنّو.

عِبرانيين 9:9

و دا مَثَل لِلوَكِت الحاضِر، البِوَرّي إنّو الهَدايا و الضَّبايح الهُم قَدَّموها ما قِدِرو يَعمِلو ضَمير الزّول اليَخدِم كامِل.

رؤيا 15:5

و بَعَد دا، عايَنتَ، و هيكَل خيمَة الشَّهادَه إنفَتَحَت في السَّما.