عِبرانيين 8:3 - كِتاب العَهد الجَّديد مِن الكِتاب المُقَدَّس

³ عَشان كُلّو رَئيس قُسُس مُختار عَشان يَقَدِّم تَقدِمات و ضَبايح. و عَلَشان كِدا، كان ضَروري ليهو كَمان يَكون عِندو حاجَه عَشان يَقَدِّما.

عِبرانيين 8:3 Iomraidhean Croise

يُوحَنَّا 6:51

أنا هو العيش الحَي النَزَل مِن السَّما. إذا واحِد أكَل مِن العيش دا، هو بِعِيش لِلأبَد. و العيش الأنا بَدّيهو، هو جِسمي البَدّيهو لِحَياة الدُّنيا.“

رُومِيَه 4:25

هُم سَلَّموهو لِلموت عَشان خَطايانا. و الله قَوَّمو عَشان نِتبَرَّر.

رُومِيَه 5:6

عَشان لَمّا كُنّا لِسَّع ضَعيفين، المَسيح مات في الوَكِت المُختار فِشان الخاطيين.

رُومِيَه 5:8

و لَكِن الله وَرّا مَحَبَّتو لينا، عَشان لَمّا نِحنا لِسَّع كُنّا خاطيين، المَسيح مات فِشانّا.

غَلَاطِيَّه 2:20

إنصَلَبتَ مَعَ المَسيح. و أنا ما بَعيش تاني، لَكِن المَسيح، هو بِعِيش فِيني. و الحَياة البَعيشا هَسَّع في الجِّسِم، بَعيشا في الإيمان بِإبن الله الحَبّاني، و أدّا نَفسو فِشانّي.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

عِبرانيين 2:17

و عَلَشان كِدا، هو كان لازِم يَكون زي أخوانو في كُلّو حاجَه، عَلَشان يَكون رَئيس قُسُس رَحيم و أمين في حاجات الله. و عَشان يَدفَع عَن خَطايا النّاس.

عِبرانيين 3:1

عَلَشان كِدا، يا الأخوان القِدِّسين، شُرَكا الإختِيار المِن السَّما، إفتَكِرو في الرَّسول و رَئيس القُسُس بِتاع شَهادَتنا، يَسُوع.

عِبرانيين 5:1

و هُم ياخُدو كُلّو رَئيس قُسُس مِن بين النّاس. و يَختاروهو فِشان النّاس في حاجات الله، عَشان يَقَدِّم هَدايا و ضَبايح عَن الخَطايا.

عِبرانيين 7:27

و مُش زي رؤساء القُسُس ديل، هو ما عِندو إحتِياج أن يَقَدِّم كُلّو يوم ضَبايح عَن خَطاياهو في الأوَّل، و بَعدين عَن خَطايا النّاس. هو عَمَل دا مَرَّه واحدَه لَمّا قَدَّم نَفسو.

عِبرانيين 8:4

و إذا هو كان عَلى الأرض، هو ما كان بِكون قَسّيس، عَشان في رُجال البِقَدِّمو التَّقدِمات حَسَب القانون.

عِبرانيين 9:14

و عَلَشان دا الحَق، كَم بِالأكتَر دَم المَسيح عَمَل لينا! هو قَدَّم نَفسو لِلَّه بِالرّوح الأبَدي بِدون عيب. و دَمّو بِنَضِّف ضَمايرنا مِن الأعمال المَيِّتَه عَشان نَخدِم الله الحَي.