عِبرانيين 8:10 - كِتاب العَهد الجَّديد مِن الكِتاب المُقَدَّس

¹⁰ أهو دا الإتِّفاق الأنا بَتَّفِق مَعَ أهل بيت إِسْرَائِيل بَعَد الأيام ديلاك، يَقول الرَّب. أنا بَخُت قَوانيني في عُقولُم، و بَكتِبا عَلى قُلوبُم. و بَكون ليهُم الله، و هُم بِكونو لَي شَعب.

عِبرانيين 8:10 Iomraidhean Croise

مَتَّى 22:32

أنا إلَه إِبْرَاهِيم، و إلَه إِسْحَاق، و إلَه يَعْقُوب. هو ما إلَه ناس مَيِّتين لَكِن إلَه ناس حَيين.“

رُومِيَه 11:27

و دا هو إتِفاقي مَعاهُم لَمّا بَشيل مِنَّهُم خَطاياهم.“

١ كُورِنْثُوس 6:16

ما بِتَعرِفو اليَجمَع نَفسو لِزانيَه هو جِسِم واحِد مَعاها؟ عَشان مَكتوب: ”يَكونو الأتنين جِسِم واحِد.“

٢ كُورِنْثُوس 3:3

إنتو بِتوَرّو إنَّكُم جَواب مِن المَسيح مُرسَل مِنَّنا، ما مَكتوبَه بِحِبِر، لَكِن بِروح الله الحَي. و مُش مَكتوبَه في ألواح مِن حَجَر، لَكِن في ألواح، و هُم قُلوب النّاس.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

عِبرانيين 11:16

لَكِن هَسَّع هُم بِدورو وَطَن أحسَن، يَعني الفي السَّما. و عَلَشان كِدا، الله ما يَكون خَجلان لَمّا هُم يَسَمّوهو إلَهُم، عَشان هو جَهَّز ليهُم مَدينَه.

يَعْقُوب 1:18

مِن إرادَة نَفسو هو وَلَدنا بِكِلمَة الحَق عَشان نَكون أوَّل ثِمار مِن كُل الخَلَقو.

يَعْقُوب 1:21

عَشان كِدا، أرمو مِنَّكُم كُلّو نَجاسَه و كَترَت شَر، و أقبَلو بِوَداعَه الكِلمَه المَزروعَه البِتَقدَر تَخَلِّص نُفوسكُم.

١ بُطْرُس 1:23

عَشان إتوَلَدتو مَرَّه تانيَه، ما مِن تيراب يَخسَر، لَكِن مِن الما يَخسَر، بِكِلمَة الله الحَيَّه و المُستَمِرَّه.

١ بُطْرُس 2:9

و لَكِن إنتو جِنس مُختار، و قُسُس مُلوكي، و أُمَّه مُقَدَّسَه، و شَعب مَخصوص لِلَّه، عَشان تَخَبِّرو بِحَمد النّاداكُم مِن الضَّلام لِنورو العَجيب.