عِبرانيين 7:27 - كِتاب العَهد الجَّديد مِن الكِتاب المُقَدَّس

²⁷ و مُش زي رؤساء القُسُس ديل، هو ما عِندو إحتِياج أن يَقَدِّم كُلّو يوم ضَبايح عَن خَطاياهو في الأوَّل، و بَعدين عَن خَطايا النّاس. هو عَمَل دا مَرَّه واحدَه لَمّا قَدَّم نَفسو.

عِبرانيين 7:27 Iomraidhean Croise

رُومِيَه 6:10

الموت الهو مات، هو مات لِلخَطيَّه مَرَّه واحدَه، و الحَياة الهو يَعيشا، هو يَعيشا لِلَّه.

أفَسُس 2:22

و إنتو كَمان، هو يَبنيكُم سَوا فيهو عَشان تَكونو مَسكَن الله في الرّوح.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

عِبرانيين 5:1

و هُم ياخُدو كُلّو رَئيس قُسُس مِن بين النّاس. و يَختاروهو فِشان النّاس في حاجات الله، عَشان يَقَدِّم هَدايا و ضَبايح عَن الخَطايا.

عِبرانيين 5:3

و بِالسَّبَب دا، هو لازِم يَقَدِّم ضَبايح عَن الخَطايا لِنَفسو، زي ما يَقَدِّم لِلنّاس.

عِبرانيين 8:4

و إذا هو كان عَلى الأرض، هو ما كان بِكون قَسّيس، عَشان في رُجال البِقَدِّمو التَّقدِمات حَسَب القانون.

عِبرانيين 9:12

هو ما دَخَل بِدَم غَنَم و عُجول، لَكِن بِدَم نَفسو مَرَّه واحدَه لِقُدُس الأقداس، و جاب لينا فِداء أبَدي.

عِبرانيين 9:14

و عَلَشان دا الحَق، كَم بِالأكتَر دَم المَسيح عَمَل لينا! هو قَدَّم نَفسو لِلَّه بِالرّوح الأبَدي بِدون عيب. و دَمّو بِنَضِّف ضَمايرنا مِن الأعمال المَيِّتَه عَشان نَخدِم الله الحَي.

عِبرانيين 9:25

و ما عَشان هو يَقَدِّم نَفسو مَرّات كَتيرَه زي ما رَئيس القُسُس بِدخُل قُدُس الأقداس كُلّو سَنَه بِدَم مُش حَقّو.

عِبرانيين 9:26

عَشان إذا كِدا، المَسيح كان لازِم يَتعَب مَرّات كَتيرَه مِن خَليقَة الدُّنيا. لَكِن هَسَّع هو ظَهَر مَرَّه واحدَه في نِهايَة الزَّمَن عَشان يَوَقِّف الخَطيَّه بِضَبيحَة نَفسو.

عِبرانيين 9:28

و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

عِبرانيين 9:7

لَكِن رَئيس القُسُس بَس كان بِدخُل المَحَل التّاني، مَرَّه واحدَه في السَّنَه. و هو ما دَخَل بِدون دَم، الهو قَدَّمو عَن نَفسو و عَن خَطايا النّاس العَمَلوها بِدون مَعرِفَه.