عِبرانيين 6:4 - كِتاب العَهد الجَّديد مِن الكِتاب المُقَدَّس

⁴ و في ناس الكانو عِندَهُم النّور مِن قُبّال، و ضاقو الهَدِيَّه المِن السَّما، و بِقو شُرَكا في الرّوح القُدُس.

عِبرانيين 6:4 Iomraidhean Croise

مَتَّى 12:45

و بَعدين هو يَمشي يَجيب مَعاهو سَبعَه أرواح تانيين أكعَب مِنّو. و يدخُلو و يَسكُنو هِناك. و حالَة الزّول دا الأخيرَه بِتكون أكعَب مِن اوَّل. و بِكون كِدا لِناس الزَّمَن دا البَطّالين.“

مَتَّى 5:13

إنتو مِلِح الدُّنيا. و لَكِن إذا المِلِح بِقى مَسيخ، كيف بِكون مالِح تاني؟ ما في فايدَه مِنّو لِأي شي إلّا يَرموهو بَرَّه و النّاس يَدوسوهو.

يُوحَنَّا 15:6

إذا واحِد ما يَسكُن فِيني، يَرموهو بَرَّه زي الفَرَع اليَنشَف. و يَلِمّو الفُروع و يَرموهو في النّار و يَحرِقوها.

يُوحَنَّا 3:27

يُوحَنَّا رَدَّ و قال ليهُم: ”ما في إنسان ياخُد حاجَه، إذا الله ما أدّاها ليهو مِن السَّما.

يُوحَنَّا 4:10

يَسُوع قال ليها: ”إنتي إذا كُنتي تَعرِفي هَديَّة الله، و مِنو هو البقول ليكي: أدّيني عَشان أشرَب، كُنتي طَلَبتي مِنّو، و هو كان أدّاك مويَه حَيَّه.“

يُوحَنَّا 6:32

يَسُوع رَدَّ و قال ليهُم: ”الحَق الحَق أقول ليكُم، مُش مُوسَى الأدّاكُم المَنّا مِن السَّما، لَكِن أبوي يَدّيكُم العيش الحَقيقي مِن السَّما.

أعمال الرُّسُل 10:45

و كُل المؤمِنين المُطَهَّرين الجّو مَعَ بُطْرُس، إستَغرَبو عَشان الله أدّا لِلنّاس الما كانو يَهود هَديَّة الرّوح القُدُس كَمان.

أعمال الرُّسُل 11:17

إذا كان الله أدّاهُم زات الهَدِيَّه الأدّانا لَمّا آمَنّا بالرَب يَسُوع المَسيح، أنا مِنو حَتّى أقدَر أوَقِّف الله؟“

أعمال الرُّسُل 15:8

و الله البِعرِف القُلوب، شِهِد ليهُم لَمَّن أدّاهُم الرّوح القُدُس زي ما أدّانا كَمان.

أعمال الرُّسُل 8:20

و بُطْرُس قال ليهو: ”خَلّي قُروشَك تَخسَر مَعاك، عَلَشانَك إفتَكَرتَ تَقدَر تَشتَري هَديَّة الله بِقُروش.

رُومِيَه 1:11

أنا داير أشوفكُم كَتير عَشان بَدّيكُم بَعض مِن الهَدايا البِكون مِن الرّوح عَشان تَبقو قَوّيين.

٢ كُورِنْثُوس 4:4

و إلَه الزَّمَن دا عَمَل أفكار الما مؤمِنين عَميانين، عَلَشان ما بِقدَرو يَشوفو نور إنجيل مَجد المَسيح الهو صورَة الله.

٢ كُورِنْثُوس 4:6

عَشان الله قال: ”خَلّي نور يَنَوِّر مِن الضُّلُمَّه.“ و هو نَوَّر في قُلوبنا نور مَعرِفَة مَجد الله في وَش يَسُوع المَسيح.

غَلَاطِيَّه 3:2

بَدور أتعَلَّم مِنَّكُم دا بَس. قِبِلتو الرّوح بِأعمال القانون؟ ولّا بِخَبَر الإيمان؟

غَلَاطِيَّه 3:5

البِدّيكُم روحو و بيَعمِل عَجايِب بينكُم، هو بيَعمِلو عَلَشان إنتو تَحفَظو القانون ولّا عَشان بِتآمِنو السِّمِعتوها؟

أفَسُس 1:18

و بَصَلّي عَشان أفكاركُم بِكونو مَفتوحين لِنورو، عَلَشان تَعرِفو الرَّجاء الهو إختاركُم ليهو، و تَعرِفو غِنى مَجد ميراثو في القِدِّسين.

أفَسُس 2:8

عَلَشان بِالنِّعمَه إنتو مُخَلَّصين بِالإيمان. و داك مُش مِنَّكُم. هو هَديَّة الله،

أفَسُس 3:7

أنا بِقيت خَدّام لِلإنجيل دا بِهَديَّة النِّعمَه الأدّاها لَي الله حَسَب عَمَل قُوَّتو.

أفَسُس 4:7

و لَكِن هو أدّا لِكُلّو واحِد مِنَّنا النِّعمَه حَسَب قِياس هَديَّة المَسيح.

١ تِيمُوثَاوُس 4:14

ما تَكون كَسلان بِهَديتَك الأدّوها ليك بِالنُّبوَّه لَمّا الشُّيوخ خَتّو إيدينُم عَليك.

٢ تِيمُوثَاوُس 2:25

و البِعاكِسوهو، يَعَلِّمُم بِطَريق لَطيف عَشان يِمكِن الله بِدّيهُم التّوبَه لِمَعرِفَة الحَق.

٢ تِيمُوثَاوُس 4:14

عَشان إِسْكَنْدَر النَّحّاس سَوّا لَي حاجات بَطّالَه كَتيرَه. و الرَّب بِدفَع ليهو تاني لِكُلّو أعمالو.

عِبرانيين 10:32

لَكِن إتزَكَّرو الأيام الفاتَت. في الوَكِت داك بَعَد ما قِبِلتو النّور، كان عِندَكُم صَبر عَلى حَرب صَعب مَعَ أتعاب.

عِبرانيين 2:4

و الله كَمان شِهِد بيهو مَعاهُم بِالعَلامات و العَجايِب و القُوّات المُختَلِفَه و هَدايات الرّوح القُدُس، الهو قَسَّمُم حَسَب إرَادَتو.

١ يُوحَنَّا 5:16

إذا واحِد يَشوف أخوهو يَعمِل خَطيَّه ما لِلموت، هو يَسأل، و الله بِدّيهو حَياة يَعني لِلما بِختو لِلموت. في خَطيَّه تَقود لِلموت، و أنا ما بَقول إنّو يَطلُب عَن دي.