عِبرانيين 6:18 - كِتاب العَهد الجَّديد مِن الكِتاب المُقَدَّس

¹⁸ و الله عَمَل دا عَلَشان في حاجَتين الما بِتغَيَّرو، و ما مُمكِن هو يَكَضِّب فيهُم. عَلَشان كِدا، نِحنا الهَربنا ليهو عَشان نَمسِك بِالرَّجاء المَختوت قِدّامنا، عِندَنا شَجاعَه شَديدَه.

عِبرانيين 6:18 Iomraidhean Croise

مَتَّى 24:35

السَّما و الأرض بِفوتو، و لَكِن كَلامي ما بِفوت أبَداً.

مَتَّى 3:7

و لَمّا شاف كَتير مِن الفَرِّيسِيِّين و الصَّدّوقيين قاعِدين يَجو لِلمَعموديَّه، يُوحَنَّا قال ليهُم: ”يا أولاد الدَّبايب، مِنو خَبَّركُم بِالخَطَر عَشان تَجرو مِن الزَّعل الجّاي؟

لُوقَا 2:25

و كان في أُورُشَلِيم راجِل إسمو سِمْعَان. و الرّاجِل دا كان بار و بِخاف الله، مُنتَظِر راحَة إِسْرَائِيل. و الرّوح القُدُس كان عَليهو.

رُومِيَه 15:5

و إلَه الصَّبر و التَّعزيَه يَدّيكُم فِكرَه واحدَه بينكُم بِحَسَب المَسيح يَسُوع.

رُومِيَه 3:25

الله قَدَّم يَسُوع ضَبيحَه عَلَشان يَصالِحنا بِالإيمان بِدَمّو عَشان يَوَرّي بِرّو. في الزَّمَن الفات بِسَبَب صَبرو الطَّويل، هو مَرَّه بِخَطاياهم.

رُومِيَه 3:4

أبَداً! خَلّي الله يَكون أمين و كُلّو إنسان كَضّاب. زي المَكتوب: ”عَلَشان تِتبَرَّر، في كَلامَك، و تَغلِب لَمّا يَحكُمو عَليك.“

رُومِيَه 5:5

و عَلَشان عِندَنا رَجاء، نِحنا ما خَجلانين، عَشان الله كَبَّ مَحَبَّتو في قُلوبنا بِالرّوح القُدُس الهو أدّانا.

فيلِبّي 2:1

كِدا، إذا عِندَكُم كَلام شَجاعَه في المَسيح، إذا أي تَعزيَه بِمَحَبَّتو، إذا أي شَرِكَه في الرّوح، إذا أي مَحَبَّه و رَحمَه،

كُولُوسِّي 1:23

و هو بيَعمِل ليكُم دا إذا تِستَمِرّو في الإيمان، ثابِتين و قَوّيين و ما تَحَرِّكو مِن رَجاء الإنجيل. و إنتو سِمِعتو الإنجيل دا، الكان مُبَشَّر بيهو لِكُلّو خَليقَه تِحِت السَّما، و أنا، بُولُس، بِقيت خَدّام ليهو.

كُولُوسِّي 1:27

و الله إختار يَخَبِّر قِدِّسِينو بين الأُمَم بِغِنى مَجد السِّر دا. و هو المَسيح فيكُم، رَجاء المَجد.

كُولُوسِّي 1:5

فِشان الرَّجاء المَحفوظ ليكُم في السَّما، الإنتو سِمِعتو بيهو قُبّال دا في كِلمَة حَق الإنجيل،

١ تَسَالُونِيكِي 1:10

و يَخَبِّرو كيف إنتو تِستَنّو إبنو مِن السَّما، هو القَوَّمو الله مِن الموت، يَسُوع اليَخَلِّصنا مِن الغَضَب الجّاي.

١ تِيمُوثَاوُس 1:1

مِن بُولُس، رَسول المَسيح يَسُوع بِحَسَب أمر الله مُخَلِّصنا و المَسيح يَسُوع رَجاءنا،

١ تِيمُوثَاوُس 6:12

حارِب حَرب الإيمان الكَويس. و أمسِك بِالحَياة الأبَديَّه. عَشان الله ناداك لِدا، و إنتَ شِهِدتَ الشَّهادَه الكوَيسَه قِدّام شاهِدين كُتار.

٢ تِيمُوثَاوُس 2:13

و إذا نِحنا مُش أُمَنا، هو يِستَمِر أمين، عَلَشان هو ما بِقدَر يَنكُر نَفسو.“

تِيطُس 1:2

و في رَجاء الحَياة الأبَديَّه، الوَعَد بيها الله قُبّال زَمَن أبَدي. و الله ما بِقدَر يَكَضِّب.

عِبرانيين 11:7

بِالإيمان نُوح، لَمّا الله حَزَّرو عَن الحاجات الهو لِسَّع ما شافُم، خاف و بَنى المُركَب الكَبيرَه لِخَلاص أهلو. و بيهو هو حَكَم عَلى الدُّنيا و بِقى وارِث لِلبِر البِالإيمان.

عِبرانيين 3:11

عَلَشان كِدا، حَلَفتَ في غَضَبي، هُم ما بِدخُلو في راحَتي أبَداً!“

عِبرانيين 3:6

و لَكِن المَسيح كان أمين زي إبن عَلى بيت الله. و نِحنا بيتو إذا بِنَمسِك بِتأكيدنا و فَخرَنا في الرَّجاء، ثابِتين لِلآخِر.

عِبرانيين 6:17

و لَمّا الله كان داير يَبَيِّن كوَيس لِلنّاس الماشين يَقبَلو الوَعد إنّو ما بِغَيِّر فِكرو أبَداً، هو ثَبَّت دا بِحَلَف.

عِبرانيين 7:19

عَشان القانون ما عَمَل أي شي كامِل. لَكِن رَجاء أحسَن جا، و بيهو نَقَرِّب لِلَّه.

عِبرانيين 7:21

و التّانيين ديل بِقو قُسُس بِدون حَلَف، لَكِن هو بِقى قَسّيس بِحَلَف لَمّا الله قال ليهو: ”الرَّب حَلَف و ما بِغَيِّر فِكرو، إنتَ قَسّيس لِلأبَد.“

١ يُوحَنَّا 1:10

و إذا نَقول: ”ما عَمَلنا خَطيَّه،“ نَعمِلو كَضّاب، و كلمَتو ما فينا.

١ يُوحَنَّا 5:10

البِآمِن بِإبن الله، عِندو الشَّهادَه في نَفسو. الما بِآمِنو بِالله سَوَّاهو كَضّاب، عَلَشان ما آمَن بِالشَّهادَه الشِّهِد بيها الله عَن إبنو.