عِبرانيين 6:10 - كِتاب العَهد الجَّديد مِن الكِتاب المُقَدَّس

¹⁰ عَشان الله ما ظالِم، و هو ما بيَنسى عَمَلكُم و المَحَبَّه الإنتو وَرّيتوها فِشان إسمو لَمّا خَدَمتو القِدِّسين، و لِسَّع بِتَخدِموهُم.

عِبرانيين 6:10 Iomraidhean Croise

مَتَّى 10:42

و أي واحِد البِدّي لِواحِد مِن الصُّغار ديل كُبّايَة مويَه باردَه بَس، بِإسم تِلميذ، الحَق أقول ليكُم، هو ما يَوَدِّر أُجرَتو أبَداً.“

مَتَّى 20:7

و قالو ليهو: عَشان ما في واحِد أجَّرنا. قال ليهُم: أمشو إنتو كَمان لِجِنينتي.

مَتَّى 25:17

و كِدا، الأخَد الميتين جِنيه زادو بِميتين تاني.

مَرْقُس 9:41

أقول ليكُم الحَق، البِدّيكُم كُبّايَه مويَه بِإسمي عَشان إنتو بِتوع المَسيح، هو ما يَوَدِّر أُجرَتو.

يُوحَنَّا 13:20

الحَق الحَق أقول ليكُم، البِقبَل الزّول البَرَسِّلو، بِقبَلني. و البِقبَلني، بِقبَل الرَّسَّلني.“

أعمال الرُّسُل 10:31

و قال لَي: يا كَرْنِيلِيُوس، الله سِمِع صَلَواتَك و إتزَكَّر صَدَقَاتَك لِلمَساكين.

أعمال الرُّسُل 10:4

و كَرْنِيلِيُوس عايَن ليهو، و خاف شَديد، و قال: ”داير شِنو، يا سَيِّد؟“ و المَلاك قال ليهو: ”صَلَواتَك و صَدَقَاتَك طَلَعَت تَذكار قِدّام الله.

أعمال الرُّسُل 11:29

و التَّلاميذ، كُلّو واحِد مِنَّهُم حَسَب قُدرَتو، جَهَّزو عَشان يَرَسِّلو حاجَه مُساعَدَه لِلأخوان السّاكنين في اليَهُودِيَّه.

رُومِيَه 12:13

شارِكو مَعَ المُحتاجين بين القِدِّسين. أفتَحو بُيوتكُم لِلغَريبين.

٢ كُورِنْثُوس 9:1

و بِخُصوص الخِدمَه لِلقِدِّسين، ما في إحتِياج أكتِب ليكُم.

غَلَاطِيَّه 5:13

يا أخوان، الله ناداكُم لِلحُرّيَّه. لَكِن ما تَسَوو الحُرّيَّه فُرصَه لِلجِّسِم، لَكِن أخدِمو بَعضَكُم بَعض بِالمَحَبَّه.

غَلَاطِيَّه 5:6

عَشان في المَسيح يَسُوع، الطَّهور ما ليهو فايدَه، ولّا الما مُطَهَّر، لَكِن الإيمان البِشتَغِل بِالمَحَبَّه.

غَلَاطِيَّه 6:10

عَلَشان كِدا، نَعمِل الخير لِكُل النّاس، زي ما عِندَنا فُرصَه، و فوق كُلّو شي، لِأهل الإيمان.

كُولُوسِّي 3:17

و كُل البِتَعمِلو، إذا بِكِلمَه ولّا عَمَل، أعمِلو الكُل بِإسم الرَّب يَسُوع، شاكِرين الله الأبو بيهو.

١ تَسَالُونِيكِي 1:3

و دايماً نِزَكَّر عَمَل إيمانكُم و تَعب مَحَبَّتكُم و صَبر رَجاءكُم في رَبَّنا يَسُوع المَسيح قِدّام الله أبونا.

١ تِيمُوثَاوُس 6:18

و أدّيهُم أمر عَشان يَعمِلو الخير و يَكونو غَنيين في الأعمال الطَّيبَه، جاهِزين عَشان يَدّو و رَضيانين عَشان يَشارِكو.

٢ تِيمُوثَاوُس 4:8

و مِن هَسَّع مَحفوظ لَي تاج البِر. و الرَّب، القاضي العادِل، بِدّيهو لَي في اليوم داك، و مُش لَي بَس، لَكِن لِكُلُّهُم البِحِبّو ظُهورو كَمان.

عِبرانيين 10:32

لَكِن إتزَكَّرو الأيام الفاتَت. في الوَكِت داك بَعَد ما قِبِلتو النّور، كان عِندَكُم صَبر عَلى حَرب صَعب مَعَ أتعاب.

عِبرانيين 13:16

لَكِن ما تَنسو تَعمِلو الخير، و تَشتَرِكو مَعَ التّانيين، عَشان ضَبايح زي دي تَبسِط الله.

١ يُوحَنَّا 1:9

إذا نَعتَرِف بِخَطايانا، هو أمين و عادِل، و يَغفِر لينا خَطايانا و يَنَضِّفنا مِن كُلّو شَر.