عِبرانيين 4:14 - كِتاب العَهد الجَّديد مِن الكِتاب المُقَدَّس

¹⁴ عَلَشان كِدا، ما دام عِندَنا رَئيس قُسُس عَظيم، المَشى لِجُوَّه السَّما، يَسُوع إبن الله، خَلّونا نَمسِك بِشَهادَة أيمانّا.

عِبرانيين 4:14 Iomraidhean Croise

مَتَّى 4:3

و المُجَرِّب قَرَّب ليهو و قال: ”إذا إنتَ إبن الله، أَدِّي أمر لِلحُجار ديل أن يَبقو عيش.“

مَرْقُس 1:1

بِدايَة إنجيل يَسُوع المَسيح إبن الله.

مَرْقُس 16:19

و بَعَد ما الرَّب يَسُوع كَلَّمُم، إتَّخَد لِلسَّما، و قَعَد عَلى يَمين الله.

لُوقَا 24:51

و وَكِت ما كان يَبارِكُم، مَرَق مِنَّهُم، و إترَفَع لِلسَّما.

أعمال الرُّسُل 1:11

و قالو: ”يا رُجال الجَّليل، مالكُم واقفين بِتعايِنو لِلسَّما؟ يَسُوع دا نَفسو الإترَفَع مِنَّكُم لِلسَّما، هو بِرجَع زي ما شُفتوهو ماشي لِلسَّما.“

أعمال الرُّسُل 3:21

و هو لازِم يِستَنّى في السَّما لِغايَة الوَكِت بِجي، لَمّا الله يَرَجِّع كُلّو شي. و هو إتكَلَّم عَن دا بِخَشم كُلّو أنبياهو مِن زَمان.

رُومِيَه 8:34

مِنو البِحكُم عَليهُم؟ المَسيح يَسُوع يَطلُب فِشانّا، و هو المات، لَكِن بِالأكتَر قام مِن بين المَيِّتين، و هو عَن يَمين الله.

٢ كُورِنْثُوس 12:2

بَعرِف راجِل في المَسيح قُبّال أربعتاشر سَنَه، مَسَكوهو و أخَدوهو لِلسَّما التّالتَه. إذا هو كان في الجِّسم ولّا بَرَّه مِن الجِّسم، أنا ما بَعرِف، الله بِيَعرِف.

٢ كُورِنْثُوس 9:13

و عَلَشان إنتو بِيَّنتو نُفوسكُم بِالخِدمَه دي، ناس كُتار بِشكُرو الله عَلَشان طاعَتكُم و شَهادَتكُم لِإنجيل المَسيح، و عَلَشان الهَدِيَّه الكَبيرَه القَسَّمتوها ليهُم و لِلكُل.

أفَسُس 4:10

الواحِد النَزَل، هو نَفس الواحِد الطَّلَع كَمان لِفوق السَّما كُلّو، عَشان يَملى الكُل.

عِبرانيين 1:8

لَكِن عَن الإبن هو يَقول: ”كُرسيَك، يا الله، لِلأبَد، و البِر بِكون عَصايَة مَلَكوتَك.

عِبرانيين 10:12

لَكِن القَسِّيس دا، بَعَد ما قَدَّم عَن الخَطايا ضَبيحَه واحدَه لِلأبَد، هو قَنَّب عَن يَمين الله.

عِبرانيين 10:23

و خَلّونا نَمسِك بِشَهادَة الرَّجاء ثابِتين، عَشان هو الوَعَدنا أمين.

عِبرانيين 10:29

و شِنو بِكون لِلزّول الدّاس إبن الله تِحِت رِجلينو، و إفتَكَر الإتِّفاق القَدَّسو حاجَه وَسخانَه، و شَتَم روح النِّعمَه؟ فَكِّرو كيف هو يِستَحِق جِزا أشَدّا!

عِبرانيين 12:2

خَلّونا نَعاين لِيَسُوع، رَئيس الإيمان و البِكَمِّلو. هو فِشان الفَرَح المَختوت قِدّامو، إتحَمَّل الصَّليب و إحتَقَر الخَجَل، و قَنَّب عَن يَمين كُرسي الله.

عِبرانيين 2:1

عَلَشان كِدا، لازِم نَخَلّي بالنا أكتَر لِلحاجات السِّمِعناها، عَشان ما نَخَلّيها تَمرُق مِنَّنا.

عِبرانيين 2:17

و عَلَشان كِدا، هو كان لازِم يَكون زي أخوانو في كُلّو حاجَه، عَلَشان يَكون رَئيس قُسُس رَحيم و أمين في حاجات الله. و عَشان يَدفَع عَن خَطايا النّاس.

عِبرانيين 3:1

عَلَشان كِدا، يا الأخوان القِدِّسين، شُرَكا الإختِيار المِن السَّما، إفتَكِرو في الرَّسول و رَئيس القُسُس بِتاع شَهادَتنا، يَسُوع.

عِبرانيين 3:14

و نِحنا بِقينا شُرَكا في المَسيح إذا بِنَمسِك لِلآخِر بِالتّأكيد الثّابِت الكُنّا عِندَنا في الأوَّل.

عِبرانيين 6:20

و يَسُوع دَخَل هِناك قِدّامنا و فِشانّا. هو بِقى رَئيس قُسُس لِلأبَد، زي التَّرتيب بِتاع مَلكِصادَق.

عِبرانيين 6:6

و بَعَد دا وَقَعو! ما مُمكِن نَجيبُم مَرَّه تانيَه لِلتّوبَه، عَشانُم نُفوسُم يَصلُبو إبن الله تاني مَرَّه، و يَعمِلوهو خَجلان قِدّام النّاس.

عِبرانيين 7:3

و هو بِدون أبو ولّا أُم و بِدون حِساب الجّيل و ما عِندو بِدايَة أيام ولّا نِهايَة حَياة. لَكِن هو زي إبن الله و بِستَنّى قَسّيس لِلأبَد.

عِبرانيين 8:1

و راس الكَلام، دا هو: نِحنا عِندَنا رَئيس قُسُس زي دا، و هو قَنَّب عَن يَمين كُرسي الله العَظيم في السَّما.

عِبرانيين 9:12

هو ما دَخَل بِدَم غَنَم و عُجول، لَكِن بِدَم نَفسو مَرَّه واحدَه لِقُدُس الأقداس، و جاب لينا فِداء أبَدي.

عِبرانيين 9:24

عَشان المَسيح ما دَخَل لِقُدُس الأقداس المَعمول بِالنّاس، و دا صورَة الحاجات الحَقيقيَه. لَكِن هو دَخَل لِلسَّما عَشان يَظهَر قِدّام وَش الله فِشانّا.

١ بُطْرُس 3:22

و هو دَخَل السَّما، و هو في يَمين الله، و المَلائكَه و السُّلطات و القُوّات يَطيعوهو.