عِبرانيين 2:9 - كِتاب العَهد الجَّديد مِن الكِتاب المُقَدَّس

⁹ لَكِن نِحنا نَشوف يَسُوع! لِوَكِت قَليل هو كان مَعمول تِحِت مِن المَلائكَه، عَلَشان بِنِعمَة الله هو يَموت فِشان كُلّو واحِد. و هَسَّع نَشوف تاج المَجد و الإحتِرام عَلى رَاسو عَلَشان هو تِعِب تَعب الموت.

عِبرانيين 2:9 Iomraidhean Croise

مَتَّى 16:28

الحَق أقول ليكُم، بَعَد مِن النّاس الواقفين هِنا ما بِموتو لِغايَة ما بِشوفو إبن الإنسان يَجي في مَلَكوتو.“

مَتَّى 6:28

و لِشِنو تَفَكِّرو كَتير في الهِدوم؟ شوفو زُهور الخَلا كيف بِقومو. ما بِتعَبو و ما يَخَيِّطو.

مَرْقُس 9:1

و قال ليهُم: ”أقول ليكُم الحَق، بَعَض مِن النّاس الواقفين هِنا ما بِضوقو الموت لِغايَة ما بِشوفو مَلَكوت الله جاي بِقُوَّه.“

لُوقَا 9:27

بَكَلِّمكُم بِالحَق، في جَماعَه مِن الواقفين هِنا، ما بِموتو لِغايَة ما بِشوفو مَلَكوت الله.“

يُوحَنَّا 1:29

في اليوم التّاني، يُوحَنَّا شاف يَسُوع جاي ليهو. و قال: ”شوفو حَمَل الله البِشيل خَطيّة الدُّنيا.

يُوحَنَّا 10:17

و عَلَشان كِدا الأبو بِحِبّني، عَشان أنا بَدّي حَياتي، و باخُدا مَرَّه تانيَه.

يُوحَنَّا 12:32

و أنا إذا بَكون مَرفوع مِن الأرض، بَجيب كُل النّاس لَي.“

يُوحَنَّا 3:16

عَشان الله حَبَّه الدُّنيا، حَتّى أدّا إبنو الوَحَيد، عَشان كُلّو واحِد البِآمِن بيهو ما يَهلِك، لَكِن تَكون ليهو الحَياة الأبَديَّه.

يُوحَنَّا 8:51

الحَق الحَق أقول ليكُم، إذا كان واحِد بِحفَظ كَلامي، هو ما بِشوف الموت أبَداً.“

يُوحَنَّا 8:52

و اليَهود قالو ليهو: ”هَسَّع عِرِفنا عِندَك شيطان. إِبْرَاهِيم مات و الأنبياء، و إنتَ تَقول: كان واحِد يَحفَظ كَلامي، ما بِشوف الموت أبَداً.

أعمال الرُّسُل 2:33

عَلَشان كِدا، هو كان مَرفوع بِيَمين الله، و أخَد مِن الأبو الرّوح القُدُس الوَعَد بيهو، و كَبَّ دا، الهَسَّع بِتشوفو و بِتسمَعوهو.

أعمال الرُّسُل 3:13

عَشان إله إِبْرَاهِيم و إِسْحَاق و يَعْقُوب، إله أبَهاتنا مَجَّد إبنو يَسُوع. إنتو سَلَّمتوهو و نَكَرتوهو قِدّام بِيلاطُس لَمّا هو كان داير يَفِكّو.

رُومِيَه 5:18

عَلَشان كِدا، بِخَطيَّه واحدَه الدّينونَه كانَت عَلى كُل النّاس. و كِدا بِبِر واحِد، كُل النّاس يَبقو بارين، و البِر دا يَجيب ليهُم الحَياة.

رُومِيَه 5:8

و لَكِن الله وَرّا مَحَبَّتو لينا، عَشان لَمّا نِحنا لِسَّع كُنّا خاطيين، المَسيح مات فِشانّا.

رُومِيَه 8:3

الله عَمَل الما قِدِر يَعمِلو القانون، عَلَشان القانون كان ضَعيف بِسَبَب الجِّسِم. هو دان الخَطيَّه في الجِّسِم لَمّا رَسَّل إبنو في صورَة جِسِم الخَطيَّه فِشان الخَطيَّه.

رُومِيَه 8:32

هو الما رَحَم عَلى إبنو المَخصوص، لَكِن أدّاهو فِشان كُلُّنا، كيف ما يَدينا مَعاهو كُلّو حاجَه؟

٢ كُورِنْثُوس 5:15

و هو مات عَن كُل النّاس، عَشان الحَيين ما بِعيشو بَعَد دا لِنُفوسُم، لَكِن ليهو المات عَنُّم و قام.

٢ كُورِنْثُوس 5:21

المَسيح ما عَمَل الخَطيَّه، لَكِن الله خَتَّ خَطايانا عَليهو. و عَلَشان كِدا نِحنا نَبقى بارين قِدّام الله في المَسيح.

غَلَاطِيَّه 4:4

لَكِن لَمَّن الوَكِت كان مَليان، الله رَسَّل إبنو مَولود مِن مَرَه، مَولود تِحِت القانون.

١ تِيمُوثَاوُس 2:6

الأدّا نَفسو فِداء عَن كُل النّاس، و دي الشِّهادَه في وَكتو الموافِق.

عِبرانيين 1:9

إنتَ حَبيت البِر و كِرِهتَ الشَّر. عَلَشان كِدا، الله، إلَهَك، مَسَحَك بِزيت الفَرَح أكتَر مِن شُرَكاءَك.“

عِبرانيين 10:5

عَلَشان كِدا لَمّا المَسيح جا لِلدُّنيا، هو قال: ”إنتَ ما كُنتَ عاوِز ضَبيحَه و تَقدِمَه، لَكِن جَهَّزتَ لَي جِسم.

عِبرانيين 11:5

بِالإيمان أَخْنُوخ ما شاف الموت، عَشان شالوهو لِلسَّما. و ما قِدِرو يَلقوهو، عَلَشان الله شالو. عَشان قُبّال ما شالوهو، كانَت عِندو الشَّهادَه إنّو بَسَط الله.

عِبرانيين 12:2

خَلّونا نَعاين لِيَسُوع، رَئيس الإيمان و البِكَمِّلو. هو فِشان الفَرَح المَختوت قِدّامو، إتحَمَّل الصَّليب و إحتَقَر الخَجَل، و قَنَّب عَن يَمين كُرسي الله.

عِبرانيين 2:7

إنتَ عَمَلتو تِحِت شوَيَه مِن المَلائكَه، و خَتّيت تاج المَجد و الإحتِرام عَلى رَاسو، و خَتّيتو عَلى أعمال إيدينَك؛

عِبرانيين 7:25

عَلَشان كِدا، هو بِقدَر يَخَلِّص بِالتَّمام ديل اليَقَرِّبو بيهو لِلَّه، عَلَشان هو دايماً يَعيش عَشان يِتوَسَّط ليهُم.

عِبرانيين 8:3

عَشان كُلّو رَئيس قُسُس مُختار عَشان يَقَدِّم تَقدِمات و ضَبايح. و عَلَشان كِدا، كان ضَروري ليهو كَمان يَكون عِندو حاجَه عَشان يَقَدِّما.

١ بُطْرُس 1:21

إنتو البيهو بِتآمِنو بِالله القَوَّمو مِن بين المَيِّتين و أدّاهو المَجد، و عَشان كِدا إيمانكُم و رَجاكُم هُم في الله.

١ يُوحَنَّا 2:2

و هو دَفَع عَن خَطايانا بِضَبيحَة نَفسو عَشان يَصالِحنا مَعَ الله. و هو دَفَع عَن خَطايا كُل الدُّنيا كَمان و مُش عَن خَطايانا بَس.

رؤيا 19:12

و عُيونو زي لَهيب نار، و عَلى رَاسو تيجان كَتيرَه. و عِندو إسِم مَكتوب فوقو، ما في واحِد يَعرِفو إلّا هو.

رؤيا 5:9

و هُم يَرَتِّلو تَرتيلَه جَديدَه، و بِقولو: ”إنتَ مُستَحِق تاخُد الكِتاب و تَفِك أختامو، عَلَشان كُنتَ مَكتول، و بِدَمَّك أشتَريت لِلَّه مِن كُلّو قَبيلَه و لُغَه و شَعب و أُمَّه.