عِبرانيين 2:3 - كِتاب العَهد الجَّديد مِن الكِتاب المُقَدَّس

³ كيف نِحنا بِنَهرُب إذا ما نَخَلّي بالنا لِخَلاص عَظيم زي دا؟ و الرَّب إتكَلَّم عَنّو في الأوَّل، و ديل السِمِعوهو ثَبَّتوهو لينا.

عِبرانيين 2:3 Iomraidhean Croise

مَتَّى 23:33

يا دَبايب، يا أولاد الحَيّات، كيف بِتَهرَبو مِن حُكم جَهَنَّم؟

مَتَّى 4:17

مِن الوَكِت داك يَسُوع إبتَدا يَبَشِّر، و يَقول: ”توبو، علشان مَلَكوت السَّما قَريب.“

مَرْقُس 1:14

و بَعَد ما يُوحَنَّا كان مَحبوس، يَسُوع جا لِلجَّليل، و بَشَّر بِإنجيل الله.

لُوقَا 1:2

و النّاس الشّافوها بِعُيونُم مِن الأوَّل و كانو خَدّامين الكِلمَه سَلَّموها لينا.

لُوقَا 1:69

و قَوَّم لينا قَرن الخَلاص في بيت دَاوُد خَدّامو.

لُوقَا 24:19

و قال ليهُم: ”الحاجات شِنو؟“ و هُم قالو ليهو: ”البِخُص يَسُوع النّاصِري الكان نَبي عِندو قُدرَه في العَمَل و الكَلام قِدّام الله و كُل النّاس.

يُوحَنَّا 15:27

و إنتو كَمان تَشهَدو لَي، عَشان إنتو مَعاي مِن البِدايَه.

أعمال الرُّسُل 1:22

مِن مَعموديَّة يُوحَنَّا لِليوم الفيهو أخَدوهو مِنَّنا. عَلَشان واحِد مِنَّهُم لازِم بِكون شاهِد مَعانا بِقِيامتو.“

أعمال الرُّسُل 2:22

يا رُجال إِسْرَائِيل، أسمَعو الكِلمات دي: يَسُوع النّاصِري، هو راجِل، مَقبول عِند الله. و بيهو الله عَمَل قُوّات و عَجايِب و عَلامات بينكُم زي ما إنتو بِتَعرِفو.

أعمال الرُّسُل 4:12

و ما في خَلاص بِأي واحِد تاني. عَشان في كُل الدُّنيا الله ما أدّا لِلنّاس إسِم تاني البيهو لازِم نَلقى الخَلاص.“

رُومِيَه 11:14

يِمكِن أحَرِّك شَعبي لِلحَسَد و بَخَلِّص بَعض مِنَّهُم.

رُومِيَه 2:3

لَكِن إنتَ، يا زول، تَعمِل زات الحاجات، و تَحكُم عَلى البيَعمِل زَيَك! تَفتَكِر إنتَ بِتَقدَر تَجري مِن دينونَة الله؟

١ كُورِنْثُوس 1:21

عَشان إذا كان الدُّنيا، في حِكمَة الله، ما عِرِفَت الله بِالحِكمَه، إنبَسَط الله أن يَخَلِّص المؤمِنين بِبَلادَة البِشارَه.

١ تَسَالُونِيكِي 5:3

لَمّا النّاس يَقولو: ”في سَلام و ما في خَطَر،“ في الوَكِت داك خَراب بِجيكُم عَلى غَفلَه زي الوَجَع الشَّديد لِلحامِل. و هُم ما بِقدَرو يَهرُبو.

١ تِيمُوثَاوُس 1:15

و الكِلمَه دي أمينَه و مُستَحِقَّه لِكُلّو قُبول، إنّو المَسيح يَسُوع جا لِلدُّنيا عَشان يَخَلِّص الخاطيين. و أنا أوَّل واحِد فيهُم.

تِيطُس 2:11

عَشان نِعمَة الله، البِتجيب خَلاص ظَهَرَت لِكُل النّاس.

عِبرانيين 1:1

الله، بَعَد ما كَلَّم الأبَهات بِالأنبياء في الزَّمَن الفات مَرّات كَتيرَه و بِطُرُق كَتيرَه،

عِبرانيين 1:14

مُش كُلُّهُم أرواح البِخدِمو، مَرَسَّلين لِلخِدمَه فِشانُم الماشين يورَثو الخَلاص؟

عِبرانيين 1:2

كَلَّمنا في الأيام الأخيرَه دي في الإبن. و هو عَمَلو وارِث لِكُلّو حاجَه، و بيهو كَمان هو عَمَل الخَليقَه كُلَّها.

عِبرانيين 12:25

و شوفو كوَيس عَشان ما تَرفُضو البِتكَلَّم. عَشان هُم ما قِدرو يَهرُبو لَمّا رَفَضوهو، الحَزَّرُم عَلى الأرض. و كَم بِالأكتَر نِحنا ما نَقدَر نَهرَب إذا نَرَجِّع عَنّو اليَحَزِّرنا مِن السَّما؟

عِبرانيين 4:1

الله ساب لينا وَعد عَشان نَدخُل في راحَتو. عَلَشان كِدا، خَلّونا نَخاف عَشان ما نَلقى أي واحِد مِنَّكُم الما قِدِر يَدخُل.

عِبرانيين 4:11

عَلَشان كِدا، خَلّونا نَتعَب عَشان نَدخُل في الرّاحَه ديك. و نَخاف يِمكِن واحِد يَعمِل زي ما هُم عَمَلو لَمّا ما طاعو.

عِبرانيين 5:9

و لَمّا كَمَّل شُغلو، هو بِقى سَبَب خَلاص أبَدي لِكُل البِطيعوهو.

عِبرانيين 9:28

و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

١ يُوحَنَّا 1:1

نَخَبِّركُم بِكِلمَة الحَياة. و الكِلمَه كان مِن البِدايَه. و نِحنا سِمِعناهو و شُفناهو بِعُيونّا، و عايَنّا ليهو و إيدينّا لِمسَتو.

يَهُوذَا 1:17

و لَكِن إنتو، يا مَحبوبين، إتزَكَّرو الكَلام القالوهو رُسُل رَبَّنا يَسُوع المَسيح مِن قُبّال.

رؤيا 7:10

و هُم يَكورِكو بِصوت عالي و يَقولو: ”الخَلاص لِإلَهنا القاعِد عَلى الكُرسي، و لِلحَمَل!“