عِبرانيين 13:15 - كِتاب العَهد الجَّديد مِن الكِتاب المُقَدَّس

¹⁵ عَلَشان كِدا، خَلّونا نَقَدِّم بِيَسُوع ضَبيحَة الحَمد لِلَّه في كُلّو وَكِت، يَعني ثِمار خُشومنا البِعتَرِفو بِإسمو.

عِبرانيين 13:15 Iomraidhean Croise

مَتَّى 11:25

في الوَكِت داك يَسُوع قال: ”أشكُرَك، يا أبو، رَب السَّما و الأرض، عَشانَ إنتَ دَسيت الحاجات دي مِن الفاهمين و المِتعَلِّمين، و وَرّيتا لِلاطفال.

لُوقَا 10:21

و في السّاعَه دي، هو فِرِح كَتير بِالرّوح القُدُس و قال: ”أحمَدَك، يا أبوي، يا رَب السَّما و الأرض، عَشان دَسيت الحاجات دي مِن المِتعَلِّمين و الفاهمين، و وَرّيتا لِلأولاد الصُّغار. أيوَه، يا أبوي، عَشان كان مِن إرادَتَك أن يَكون كِدا.

يُوحَنَّا 10:9

أنا هو الباب. إن كان واحِد يَدخُل بي، هو بِكون مُخَلَّص، و بِدخُل و بِطلَع و يَلقا أكل.

يُوحَنَّا 14:6

يَسُوع قال ليهو: ”أنا هو الطَّرِيق و الحَق و الحَياة. ما في واحِد يَجي لِلأبو إلّا بي.

رُومِيَه 12:1

عَلَشان كِدا، أطلُب ليكُم، يا أخوان، بِمَراحِم الله، تَقَدِّمو أجسامكُم ضَبيحَه حَيَّه، مُقَدَّسَه، مَقبولَه قِدّام الله. و دي خِدمَتكُم المَعقولَه.

رُومِيَه 6:19

بَتكَلَّم بِكِلمات الزّول، عَلَشان، الضُّعف الفي جِسِمكُم. كُنتو تَدّو أعضاءكُم خَدّامين لِلنَّجاسَه و الشَّر الكَتير. كِدا كَمان هَسَّع أدّو أعضاءكُم خَدّامين لِلبِر و لِلقَداسَه.

أفَسُس 2:18

و بيهو، نِحنا الأتنين عِندَنا قُبول لِلأبو بِروح واحِد.

كُولُوسِّي 1:12

و تَشكُرو الأبو، العَمَلنا مُستَحِقّين عَشان نَشتَرِك في ميراث القِدِّسين في النّور.

عِبرانيين 12:28

عَلَشان كِدا، إذا نَقبَل مَلَكوت ما مُمكِن يَهِزّوها، خَلّونا نَشكُر الله. و خَلّونا نَقَدِّم لِلَّه خِدمَه مَقبولَه بِإحتِرام و خوف.

عِبرانيين 7:25

عَلَشان كِدا، هو بِقدَر يَخَلِّص بِالتَّمام ديل اليَقَرِّبو بيهو لِلَّه، عَلَشان هو دايماً يَعيش عَشان يِتوَسَّط ليهُم.

١ بُطْرُس 2:5

و إنتو كَمان مِثِل حُجار حَيَّه، تِنبَنو بيت روحي و قُسُس مُقَدَّسين، عَشان تَقَدِّمو ضَبايح روحيَّه مَقبولَه عِند الله بِيَسُوع المَسيح.

١ بُطْرُس 4:11

و إذا كان أي واحِد يتكَلَّم، خَليهو يَعمِلو زي اليتكَلَّم بِكِلمات الله. إذا كان أي واحِد يَخدِم، خَليهو يَخدِم بِالقُوَّه الأدّاها ليهو الله، عَشان يَمَجِّدو الله في كُلّو حاجَه بِيَسُوع المَسيح. ليهو المَجد و السُّلطان لِلأبَد. آمين.