عِبرانيين 12:25 - كِتاب العَهد الجَّديد مِن الكِتاب المُقَدَّس

²⁵ و شوفو كوَيس عَشان ما تَرفُضو البِتكَلَّم. عَشان هُم ما قِدرو يَهرُبو لَمّا رَفَضوهو، الحَزَّرُم عَلى الأرض. و كَم بِالأكتَر نِحنا ما نَقدَر نَهرَب إذا نَرَجِّع عَنّو اليَحَزِّرنا مِن السَّما؟

عِبرانيين 12:25 Iomraidhean Croise

مَتَّى 17:5

و وَكِت ما كان لِسَّع يتكَلَّم، شوف! سَحابَه لامعَه عَمَلَت ضُل عَليهُم. و صوت مِن السَّحابَه قال: ”دا هو إبني الحَبيب، و أنا مَبسوط مِنّو. أسمَعو ليهو.“

مَتَّى 8:4

و يَسُوع قال ليهو: ”شوف ما تَقول حاجَه لِأي واحِد. و لَكِن أمشي، وَرّي نَفسَك لِلقَسّيس، و قَدِّم الهَدِيَّه الأمَر بيها مُوسَى زي شَهادَه ليهُم.“

أعمال الرُّسُل 7:35

دا مُوسَى الهُم كانو نَكَروهو لَمّا قالو: مِنو عَمَلَك رَئيس و قاضي لينا؟ هو الإنسان الرَّسَّلو الله عَشان يَكون رَئيس و مُخَلِّص بِمُساعدَة المَلاك الظَّهَر ليهو في الشَّجَرَه.

١ تَسَالُونِيكِي 5:15

شوفو عَشان واحِد ما يَرَجِّع لِلتاني الشَّر بِالشَّر. لَكِن كُلّو وَكِت أتبَعو الخير بَعضَكُم مَعَ بَعض و مَعَ الكُل.

٢ تِيمُوثَاوُس 4:4

و هُم يَدَوِّرو إضنينُم مِن الحَق، و يَرَجِّعو عَنّو لِحِكايات النّاس.

عِبرانيين 1:1

الله، بَعَد ما كَلَّم الأبَهات بِالأنبياء في الزَّمَن الفات مَرّات كَتيرَه و بِطُرُق كَتيرَه،

عِبرانيين 11:7

بِالإيمان نُوح، لَمّا الله حَزَّرو عَن الحاجات الهو لِسَّع ما شافُم، خاف و بَنى المُركَب الكَبيرَه لِخَلاص أهلو. و بيهو هو حَكَم عَلى الدُّنيا و بِقى وارِث لِلبِر البِالإيمان.

عِبرانيين 12:19

ولّا لِصوت بوق، ولّا لِصوت كِلمات. و النّاس السِمِعوهو إترَجّوهو أن ما يَزيدو ليهُم كِلمَه واحدَه،

عِبرانيين 3:12

شوفو، يا أخوان، عَشان ما بِكون في أي واحِد مِنَّكُم قَلِب بَطّال و بِدون إيمان، البِرَجِّع عَن الله الحَي.

عِبرانيين 3:17

و هو كان زَعلان مِن مِنو لِمُدَّة أربَعين سَنَه؟ مُش مِنَّهُم العَمَلو خَطيَّه؟ و أجسامُم وَقَعو مَيِّتين في الخَلا؟

عِبرانيين 8:5

و هُم بِخدِمو صورَه و ضُل الحاجات الفي السَّما. و زي دا، هو حَزَّر مُوسَى لَمّا هو قَرَّب يَعمِل الخيمَه و قال: ”شوف عَشان تَسَوّي كُلّو حاجَه زي الصّورَه الوَرّيتا ليك في الجَّبَل.“

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

رؤيا 19:10

و وَقَعتَ عِند كِرعينو عَشان أعبُدو. لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك البِحفَظو شَهادَة يَسُوع. أعبُد الله! عَشان شَهادَة يَسُوع، هي روح النُّبوَّه.“

رؤيا 22:9

لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك الأنبياء و مَعَ ديل البِحفَظو كِلمات الكِتاب دا. أعبُد الله!“