عِبرانيين 12:23 - كِتاب العَهد الجَّديد مِن الكِتاب المُقَدَّس

²³ و لِكَنيسَة المَولودين في الأوَّل، أساميهُم مَكتوبَه في السَّما. و إنتو قَرَّبتو لِلَّه، قاضي كُل النّاس، و لِأرواح البارين البِقو كامِلين،

عِبرانيين 12:23 Iomraidhean Croise

لُوقَا 10:20

و لَكِن ما تَفرَحو عَشان الأرواح يَسمَعو ليكُم، لَكِن أفرَحو عَشان أساميكُم مَكتوبَه في السَّما.“

يُوحَنَّا 5:27

و أدّاهو سُلطَه أن يَحكُم كَمان، عَشان هو إبن الإنسان.

أعمال الرُّسُل 20:28

أحرِسو نُفوسكُم و كُل المُراح، العَمَلكُم الرّوح القُدُس فيهو وكَلاء، عَشان تَكونو رُعاه كَنيسَة الله الإشتَراها بِدَمّو.

١ كُورِنْثُوس 13:12

عَشان نِحنا بِنشوف هَسَّع في مِرايا في الضُّلُمَّه، لَكِن في الوَكِت داك وَش لِوَش. هَسَّع بَعرِف بَعض المَعرِفَه، لَكِن في الوَكِت داك بَعرِف بِالتَّمام زي ما هُم عِرفوني بِالتَّمام.

١ كُورِنْثُوس 15:49

زي ما لِبِسنا صورَة الإنسان التُّرابي، بِنَلبَس كَمان صورَة الإنسان السَّماوي.

١ كُورِنْثُوس 15:54

و لَمّا دا البِقدَر يَهلِك إتغَيَّر لِلما بِقدَر يَهلِك، و لَمّا دا البِموت إتغَيَّر لِلما بِقدَر يَموت أبَداً، في الوَكِت داك بِتِم الكِلمَه المَكتوبَه: ”الغَلَبَه بَلَعَت الموت.

٢ كُورِنْثُوس 5:8

عَلَشان كِدا عِندَنا شَجاعَه كُلّو وَكِت، و نَفتَكِر أحسَن نَسيب بيتنا في الجِّسم و نَمشي نَكون مَعَ الرَّب في بيتو.

أفَسُس 1:22

و الله خَتَّ كُلّو شي تِحِت كِرعينو، و عَمَلو راس فوق كُلّو شي لِلكَنيسَه.

فيلِبّي 4:3

و أسألَك إنتَ كَمان، يا شَريكي المُخلِص، ساعِد النِّسوان ديل، عَلَشان هُم إشتَغَلو سَوا مَعاي في الإنجيل مَعَ أَكْلِيمَنْدُس و باقي العامِلين مَعاي. و أساميهُم في كِتاب الحَياة.

كُولُوسِّي 1:12

و تَشكُرو الأبو، العَمَلنا مُستَحِقّين عَشان نَشتَرِك في ميراث القِدِّسين في النّور.

كُولُوسِّي 1:24

و هَسَّع أنا مَبسوط بِأتعابي فِشانكُم. و أنا بَكَمِّل في جِسمي الحاجات النّاقصَه مِن ضيقات المَسيح. و بَعمِل دا فِشان جِسمو، الهو الكَنيسَه.

١ تِيمُوثَاوُس 3:5

عَلَشان إذا واحِد ما بِيَعرِف كيف يَرَتِّب بيتو كيف بِقدَر يَهتَم بِكَنيسَة الله؟

عِبرانيين 11:4

بِالإيمان هابيل قَدَّم لِلَّه ضَبيحَه أحسَن مِن قايين. بِالإيمان كان مَشهود ليهو إنَّهو راجِل بار، عَشان الله شِهِد لِتَقدِمَتو. و بيهو كَمان هو لِسَّع يتكَلَّم و لَو هو مات.

عِبرانيين 11:40

عَشان الله جَهَّز لينا حاجَه أحسَن، عَلَشان هُم ما بِكونو كامِلين بِدونَنا.

عِبرانيين 2:12

و هو بِقول: ”أنا بَخَبِّر أخواني بِإسمَك، و بَحمَدَك في وَسط الكَنيسَه.“

عِبرانيين 9:27

و مُعَيَّن لِلنّاس أن يَموتو مَرَّه واحدَه. و بَعَد دا يَكون الحُكم.

يَعْقُوب 1:18

مِن إرادَة نَفسو هو وَلَدنا بِكِلمَة الحَق عَشان نَكون أوَّل ثِمار مِن كُل الخَلَقو.

١ بُطْرُس 2:23

لَمّا شَتَموهو، هو ما رَدَّ الشَّتيمَه، و لَمّا إتوَجَّع، ما هَدَّد، لَكِن إتَّكَل عَلى البِحكُم بِالعَدِل.

رؤيا 13:8

و كُلّو سُكّان الأرض بِيَعبُدو الوَحَش، يَعني كُلّو واحِد إسمو ما كان مَكتوب مِن خَليقَة الدُّنيا في كِتاب الحَياة بِتاع الحَمَل الكان مَكتول.

رؤيا 14:4

ديل هُم الما نَجَّسو نُفوسُم مَعَ النِّسوان، عَشان هُم نُضاف. و هُم يَتبَعو الحَمَل لِأي مَحَل الهو يَمشي ليهو. و كانو مُشتَرين مِن بين النّاس، أوَّل ثِمار لِلَّه و لِلحَمَل.

رؤيا 20:15

و إذا لِقو إسِم أي واحِد ما مَكتوب في كِتاب الحَياة، هو إترَمى في بِركَة النّار.

رؤيا 6:11

و أدّو لِكُلّو واحِد مِنَّهُم توب أبيَض. و قالو ليهُم أن يستَريحو مُدَّه قَليلَه، لِغايَة ما يَتِم عَدَد الخَدّامين شُرَكاهُم و أخوانُم البِكونو مَكتولين زيَهُم.

رؤيا 6:9

و لَمّا فَتَح الخِتِم الخامِس، شُفتَ تِحِت المَضبَح، نُفوس النّاس الكانو مَكتولين عَشان خاطِر كِلمَة الله، و فِشان الشَّهادَه الكانَت عِندَهُم.