عِبرانيين 12:1 - كِتاب العَهد الجَّديد مِن الكِتاب المُقَدَّس

¹ و عَلَشان في حَوَلينا سِحابَه كَبيرَه زي دي مِن الشّاهِدين، خَلّونا نَرمي مِنَّنا كُلّو حِمِل و الخَطيَّه البِتضَيقنا بِالسُّرعَه. و خَلّونا نَجري بِالصَّبر السَّبَق المَختوت قِدّامنا.

عِبرانيين 12:1 Iomraidhean Croise

مَتَّى 10:22

و كُل النّاس بِكرَهوكُم عَشان إسمي. لَكِن البِشِد حيلو لِلآخِر، هو بِخلَص.

مَتَّى 24:13

و لَكِن هو البِتحَمَّل لِغايَة آخِر الدُّنيا، هو بِخلَص.

مَرْقُس 10:50

و رَمى توبو و نَطَّ، و جا لِيَسُوع.

لُوقَا 12:15

و قال ليهُم: ”شوفو و أحرِسو نُفوسكُم مِن كُلّو طَمَع. عَشان حَياة الزّول ما بِتَجي مِن كَترَت الحاجات العِندو.“

لُوقَا 16:28

عَشان عِندي خَمسَة أخوان. خَليهو يَشهَد ليهُم، عَلَشانُم ما بِجو كَمان لِمَحَل العَذاب دا.

لُوقَا 21:34

لَكِن خَلّو بالكُم لِنُفوسكُم، عَشان ما بِتكونو حَزنانين في قُلوبكُم بِحاجات فاضيَه و سَكَر و هُموم الحَياة دي، و اليوم داك بِجي ليكُم زي الفَخ.

يُوحَنَّا 3:32

و هو يَشهَد بِالشّافو و السِّمِعو. و ما في زول بِقبَل شَهادَتو.

يُوحَنَّا 4:39

و سامِرِيّين كَتيرين مِن المَدينَه دي آمَنو بيهو بِسَبَب كَلام المَرَه الكانَت بِتَشهَد: ”هو قال لَي كُل العَمَلتو.“

يُوحَنَّا 4:44

عَشان يَسُوع نَفسو شِهِد إنّو نَبي ما عِندو إحتِرام في وَطَنو.

رُومِيَه 12:12

كونو فَرحانين في الرَّجاء، أصبُرو في التَّعب، إستَمِرّو في الصَّلاه.

رُومِيَه 2:7

و اليِستَمِرّو في العَمَل الطَّيب و يَطلُبو المَجد و الإحتِرام و الما بِموت، هو بِدّيهُم الحَياة الأبَديَّه.

٢ كُورِنْثُوس 7:1

و عَشان عِندَنا الوُعود ديل، يا مَحبوبين، خَلّونا نَنَضِّف نُفوسنا مِن كُلّو نَجاسَة الجِّسم و الرّوح، و نَكَمِّل القَداسَه في خوف الله.

غَلَاطِيَّه 2:2

مَشيت عَلَشان الله وَرّاني بِرؤيا. و عَلَّمتَهُم الإنجيل البَبَشِّر بيهو بين الأُمَم. لَكِن عَمَلتَ دا بَراي قِدّام المُحتَرمين، مِن خوف يِمكِن أنا بَجري، ولّا كُنتَ جَريت بِدون فايدَه.

غَلَاطِيَّه 5:7

كُنتو بِتَجرو كوَيس. مِنو وَقَّفكُم حَتّى ما تَطيعو الحَق؟

أفَسُس 4:25

عَلَشان كِدا، أرمو مِنَّكُم الكِضِب، و إتكَلَّمو الحَق كُلّو واحِد مَعَ جارو، عَلَشان نِحنا أعضاء بَعَضَنا مَعَ بَعض.

فيلِبّي 1:30

و ليكُم نَفس التَّعب الإنتو شُفتوني فيهو، و هَسَّع تَسمَعو إنّي فيهو.

فيلِبّي 2:16

مِقَدِّمين كِلمَة الحَياة. إذا تَعمِلو كِدا، أنا بَقدَر بَفخَر في يوم المَسيح، فِشان ما جَريت ساكِت و لا تِعِبتَ بِدون فايدَه.

٢ تِيمُوثَاوُس 2:4

ما في واحِد اليَحارِب البِكون مَربوط لِحاجات الحَياة دي. هو عاوِز يَبسِط الدّخَّلو لِلخِدمَه العَسكَريَّه.

٢ تِيمُوثَاوُس 4:7

أنا حارَبتَ الحَرب الكَويس، و تَميت سَبَقي، و حَفَظتو الإيمان.

عِبرانيين 6:15

و كِدا، بَعَد ما إستَنّى بِالصَّبر، إِبْرَاهِيم قِبِل الوَعَد ليهو.

يَعْقُوب 1:3

عارِفين إمتِحان إيمانكُم يَجيب الصَّبر.

١ بُطْرُس 2:1

عَشان كِدا، أرمو مِنَّكُم كُلّو شَماتَه و كُلّو غِش و النِّفاق و الحَسَد و كُلّو شَتيمَه.

١ بُطْرُس 4:2

عَشان ما يَعيش الوَكِت الباقي في الجِّسِم لِشَهوات النّاس، لَكِن لِإرادَة الله.

١ بُطْرُس 5:1

أنا بَطلُب لِلشُّيوخ البينكُم، أنا شيخ زيَكُم. و شاهِد لِأتعاب المَسيح و شَريك كَمان في المَجد الماشي يَظهَر.

١ بُطْرُس 5:12

كَتَبتَ ليكُم بِكِلمات قَليلَه بِإيد سِلْوَانُس، الحَسبتو أخو أمين. أنا عاوِز أشَجِّعكُم و أشهَد ليكُم إنّو بِالحَق، دي نِعمَة الله. إستَمِرّو فيها.

٢ بُطْرُس 1:6

و تَزيدو لِلمَعرِفَه مَسِك النَّفس، و لِمَسك النَّفس الصَّبر، و لِلصَّبر خوف الله،

رؤيا 1:9

أنا، يُوحَنَّا، أخوكُم و شَريككُم في التَّعب و في المَلَكوت و الصَّبر في يَسوع، كُنتَ في الجَّزيرَه الإسِما بَطمُس عَشان خاطِر كِلمَة الله و شَهادة يَسوع.

رؤيا 13:10

إذا أي واحِد بِكون لِلقَبَض، لِلقَبَض يَمشي. و إذا أي واحِد بِكتُل بِالسّيف، بِالسّيف يَكتُلوهو. و في دا القِدِّسين بِحتاجو لِلصَّبر و الإيمان.

رؤيا 22:16

أنا يَسُوع رَسَّلتَ ملاكي عَشان يَشهَد ليكُم بِالحاجات دي في الكَنايس. أنا عِرق دَاوُد و مِن أولادو، و أنا نَجمَه الصَّباح اللّامعَه.“

رؤيا 3:10

و عَلَشان إنتَ حَفَظتَ أمري بِالصَّبر، أنا كَمان بَحفَظَك مِن ساعَة التَجرِبَه القَرَّبَت تَجي عَلى كُل الدُّنيا. و السّاعَه دي بِتَجي عَشان تَجَرِّب السّاكنين عَلى الأرض.