عِبرانيين 11:7 - كِتاب العَهد الجَّديد مِن الكِتاب المُقَدَّس

⁷ بِالإيمان نُوح، لَمّا الله حَزَّرو عَن الحاجات الهو لِسَّع ما شافُم، خاف و بَنى المُركَب الكَبيرَه لِخَلاص أهلو. و بيهو هو حَكَم عَلى الدُّنيا و بِقى وارِث لِلبِر البِالإيمان.

عِبرانيين 11:7 Iomraidhean Croise

مَتَّى 2:12

و الله كَلَّمُم عَن الخَطَر في حِلِم عَشان ما يَرجَعو لِهِيرُودُس. و هُم مَشو بِسِكَّه تانيَه لِبَلَدُم.

مَتَّى 24:15

عَلى كِدا، بِتشوفو الحاجَه المَكروهَه التَّخرَب، واقفَه في المَحَل المُقَدَّس. النَّبي دانيال إتكَلَّم عَنّو. (خَلّي الزّول اليَقرا الكَلام دا يَفهَم!)

مَتَّى 24:25

شوفو! قُلتَ ليكُم قُبّال ما حَصَل.

مَتَّى 24:38

عَشان في الأيام قُبّال المويَه غَطَّت الدُّنيا، كانو ياكلو و يَشرَبو، يِتزَوَّجو و يَزَوِّجو، لِغايَة اليوم الفيهو نُوح دَخَل المُركَب.

مَتَّى 3:7

و لَمّا شاف كَتير مِن الفَرِّيسِيِّين و الصَّدّوقيين قاعِدين يَجو لِلمَعموديَّه، يُوحَنَّا قال ليهُم: ”يا أولاد الدَّبايب، مِنو خَبَّركُم بِالخَطَر عَشان تَجرو مِن الزَّعل الجّاي؟

لُوقَا 17:26

و زي ما كان في أيام نُوح، بِكون كِدا كَمان في أيام إبن الإنسان.

رُومِيَه 1:17

الإنجيل يَكَلِّمنا إنّو الله عَمَلنا بارين قِدّامو بِإيمان فيهو. عَلَشان كِدا، بِالإيمان بِنعيش الحَياة الجَديدَه بِواسطَتو. و الكُتُب المُقَدَّسَه بِقولو: ”الإنسان البار بِعِيش بِالإيمان.“

رُومِيَه 10:6

لَكِن البِر المِن الإيمان يَقول كِدا: ”ما تَقول في قَلبَك، مِنو يَطلَع لِلسَّما؟ يَعني عَلَشان يَنَزِّل المَسيح.“

رُومِيَه 3:22

و بِر الله دا بِالإيمان بِيَسُوع المَسيح، لِكُل البِآمِنو. عَشان ما في فارِق،

رُومِيَه 4:11

و أخَد عَلامَة الطَّهور زي خِتِم لِلبِر الكان عِندو بِإيمان لَمّا هو لِسَّع ما كان مُطَهَّر. و بِدا بِقى أبو لِكُل البِآمِنو و هُم لِسَّع ما مُطَهَّرين، عَلَشان يَحسِبو ليهُم البِر كَمان.

رُومِيَه 4:13

الله وَعَد لِإِبْرَاهِيم و أولادو، إنّو يَكون وارِث الدُّنيا. و دا ما عَشان إِبْرَاهِيم طاع القانون، لَكِن عَشان آمَن بِالله.

رُومِيَه 9:30

عَلَشان كِدا بِنقول شِنو؟ الأُمَم الما يَطلُبو البِر، هُم حَصَّلو عَلى البِر، يَعني البِر البِإيمان.

غَلَاطِيَّه 5:5

عَشان نِحنا بِالرّوح، بِالإيمان، نِستَنّا رَجاء البِر.

فيلِبّي 3:9

و عَشان هو يَلقاني فيهو، مُش بِبِرّي المِن القانون، و لَكِن بِالبِر البِالإيمان بِالمَسيح، البِر المِن الله بِالإيمان.

عِبرانيين 11:1

و الإيمان هو التّأكيد بِالحاجات العِندَنا رَجاء ليهُم، و بيّنَة الحاجات الما شُفناهُم.

عِبرانيين 12:25

و شوفو كوَيس عَشان ما تَرفُضو البِتكَلَّم. عَشان هُم ما قِدرو يَهرُبو لَمّا رَفَضوهو، الحَزَّرُم عَلى الأرض. و كَم بِالأكتَر نِحنا ما نَقدَر نَهرَب إذا نَرَجِّع عَنّو اليَحَزِّرنا مِن السَّما؟

عِبرانيين 5:7

و في أيام حَياتو عَلى الأرض، يَسُوع قَدَّم صَلَوات و طَلَبات بِكوراك شَديد و دِموع لِلَّه، القِدِر يَخَلِّصو مِن الموت. و الله سِمِع ليهو، عَلَشان هو كان بِخاف الله.

عِبرانيين 8:5

و هُم بِخدِمو صورَه و ضُل الحاجات الفي السَّما. و زي دا، هو حَزَّر مُوسَى لَمّا هو قَرَّب يَعمِل الخيمَه و قال: ”شوف عَشان تَسَوّي كُلّو حاجَه زي الصّورَه الوَرّيتا ليك في الجَّبَل.“

١ بُطْرُس 3:20

ديلاك خالَفو الله مِن زَمان في أيام نُوح. و الله كان بِستَنّى بِالصَّبر وَكِت ما نُوح كان يَبني المُركَب الكَبيرَه. و فيها قَليلين، يَعني تَمانيَه نُفوس كانو مُخَلَّصين بِالمويَه.

٢ بُطْرُس 1:1

مِن سِمْعَان بُطْرُس خَدّام يَسُوع المَسيح و رَسولو، ليهُم القِبلو إيمان غالي زي إيمانَنا بِبِر إلَهنا و مُخَلِّصنا يَسُوع المَسيح.

٢ بُطْرُس 2:5

و الله ما رَحَم عَلى الدُّنيا القَديمَه لَمّا هو جاب الطَّوَفان عَلى ناس الدُّنيا الما خافو الله. لَكِن الله حَفَظ نُوح، مُبَشِّر لِلبِر، و سَبعَه تانيين.

٢ بُطْرُس 3:6

و المويَه غَطَّت الدُّنيا بِتاعَت الزَّمَن دا و خَرَّبَتا.