عِبرانيين 11:37 - كِتاب العَهد الجَّديد مِن الكِتاب المُقَدَّس

³⁷ و رَموهُم بِالحُجار، و جَرَّبوهُم، و قَطَعوهُم في الوَسِط، و كَتَلوهُم بِالسّيف. هُم مَشو هِنا و هِناك في جُلود الخِرفان و الغَنَم، و كانو مُحتاجين و مَطرودين و مَظلومين.

عِبرانيين 11:37 Iomraidhean Croise

مَتَّى 21:35

و المُزارعين مَسَكو خَدّامينو، و ضربو الواحِد دا، و كَتَلو داك، و رَمو حُجار عَلى تاني.

مَتَّى 3:4

و يُوحَنَّا كان لابِس توب مِن شَعر الجَّمَل، و في وَسطو حِزام مِن جِلِد. و الأكل بِتاعو كان جَراد و عَسَل مِن الغابَه.

مَتَّى 8:20

و يَسُوع قال ليهو: ”التَّعالِب عِندَهُم مَحَلّات النّوم، و طُيور السَّما عِندَهُم مَحَلّات كَمان، لَكِن إبن الإنسان ما عِندو مَحَل يَخُت رَاسو فيهو.“

لُوقَا 13:34

يا أُورُشَلِيم، يا أُورُشَلِيم، البِتَكتُل الأنبياء و بِتَضرُب بِحُجار المَرَسَّلين ليكي. كَم مَرَّه كُنتَ عاوِز ألِم أولادِك، زي ما الجِّدادَه تَلِم الكَتاكيت تِحِت جِنحيها، و إنتي ما عاوزَه.

أعمال الرُّسُل 14:19

لَكِن يَهود مِن أَنْطَاكِيَه و إِيْقُونِيَه جو و حَرَّكوهُم حَتّى رَمو الحُجار عَلى بُولُس. و جَرّوهو بَرَّه المَدينَه، و هُم يَفتَكِرو هو مات.

أعمال الرُّسُل 7:52

ياتو نَبي مِن الأنبياء، أبَهاتكُم ما طَرَدوهو؟ و هُم كَتَلو النّاس الإتنَبّو مِن قُبّال بِالبار الجّاي. و هَسَّع إنتو نَكَرتوهو و كَتَلتوهو.

٢ كُورِنْثُوس 12:10

عَلَشان كِدا، بَكون مَبسوط مِن الضَّعفات و الشَّتايِم و الأتعاب و الطُّرود و الصُّعوبات فِشان المَسيح. عَشان كُلّو وَكِت لَمّا أكون ضَعيف، في الوَكِت دا، أنا قَوّي.

عِبرانيين 11:25

هو إختار يَكون مَظلوم مَعَ شَعب الله بَدَل أن يَكون مَبسوط لِوَكِت بِسُرور الخَطيَّه.

عِبرانيين 13:3

إتزَكَّروهُم المَحبوسين، زي ما إنتو مَحبوسين مَعاهُم، و ديل المَظلومين زي ما إنتو كَمان مَظلومين.

رؤيا 11:3

و أنا بَدّي لِشاهِديني قُوَّه، و هُم بِتنَبّو مُدَّة ألف و ميتين و سِتّين يوم و هُم لابسين شَوال.“