عِبرانيين 10:29 - كِتاب العَهد الجَّديد مِن الكِتاب المُقَدَّس

²⁹ و شِنو بِكون لِلزّول الدّاس إبن الله تِحِت رِجلينو، و إفتَكَر الإتِّفاق القَدَّسو حاجَه وَسخانَه، و شَتَم روح النِّعمَه؟ فَكِّرو كيف هو يِستَحِق جِزا أشَدّا!

عِبرانيين 10:29 Iomraidhean Croise

مَتَّى 26:28

عَشان دا هو دَمّي لِلإتِّفاق الجَّديد، اليِتدَفَّق لِناس كَتيرين عَشان يَغفِر الخَطايا.

مَتَّى 7:6

ما تَدّو لِلكِلاب الحاجَه المُقَدَّسَه، و ما تَرمو لوّليكُم قِدّام الكَدروك، عَشان ما يَدوسوها بِأقدامُم و يِتلَفَتو و يَشَرِّطكُم.

مَرْقُس 7:2

و شافو بَعض مِن تَلاميذو ياكُلو عيش بِإيد وَسخانَه، يَعني بِدون ما يَغَسِّلو إيدينُم.

لُوقَا 12:10

و كُل البقول كِلمَه ضِد إبن الإنسان، بِتكون مَغفورَه ليهو. لَكِن البِجَدِّف عَلى الرّوح القُدُس، ما بِكون مَغفورَه ليهو.

يُوحَنَّا 10:36

عَلَشان دا، إنتو تَقولو عَلى القَدَّسو الأبو، و رَسَّلو لِلدُّنيا: إنتَ تَجَدِّف؟ عَشان أنا قُلتَ أنا إبن الله؟

يُوحَنَّا 17:19

و أنا بَقَدِّس نَفسي عَشانُم، فِشان هُم يَكونو مُقَدَّسين في الحَق كَمان.

أعمال الرُّسُل 7:51

يا ناس رؤسكُم قَوّيين و قُلوبكُم بَطّالين و إضنينكُم ما بِسمَعو كَلام الحَق! إنتو بِتقاوِمو الرّوح القُدُس دايماً. زي ما أبَهاتكُم كانو بيَعمِلو، إنتو كَمان بِتَعمِلو.

رُومِيَه 16:20

و إلَه السَّلام بِدُق الشّيطان تِحِت كِرعينكُم بَعَد شوَيَه. نِعمَة رَبَّنا يَسُوع المَسيح مَعاكُم.

١ كُورِنْثُوس 11:27

إذا كان أي واحِد ياكُل عيش الرَّب دا، ولّا يَشرَب مِن كُبّايَتو بِطَرِيقَه ما مُستَحِقَّه، يَكون عِندو ذَنب في جِسِم الرَّب و دَمّو.

١ كُورِنْثُوس 11:29

عَشان الياكُل و يَشرَب بِدون ما يَفهَم مَعنى جِسِم الرَّب، ياكُل و يَشرَب حُكم لِنَفسو.

١ كُورِنْثُوس 15:25

عَشانّو لازِم يَملِك لِغايَة ما الله يَخُت كُل العُدوان تِحِت كِرعينو.

١ كُورِنْثُوس 15:27

”عَشان الله خَتَّ كُلّو حاجَه تِحِت كِرعينو.“ و لَكِن لَمَّن يَقول هو خَتَّ كُلّو حاجَه تِحتو، يَبَيِّن دا ما يَعني الله نَفسو، هو الخَتَّ كُلّو حاجَه تِحِت المَسيح.

١ كُورِنْثُوس 6:11

و بَعض مِنَّكُم كانو زي داك. لَكِن كُنتو مَغسولين، إتقَدَّستو، إتبَرَّرتو بِإسم الرَّب يَسُوع المَسيح و بِروح إلَهنا.

أفَسُس 4:30

ما تَعمِلو روح الله القُدّوس حَزنان، عَشان بيهو الله خَتَّ عَليكُم الخِتِم لِغايَة يوم الفِداء.

أفَسُس 5:26

عَشان يَقَدِّسا و يَنَضِّفا بِغَسيل المويَه بِالكِلمَه.

عِبرانيين 10:10

و بِالإرادَه دي، نِحنا بِقينا مُقَدَّسين بِتَقدِمَة جِسم يَسُوع المَسيح مَرَّه واحدَه.

عِبرانيين 12:25

و شوفو كوَيس عَشان ما تَرفُضو البِتكَلَّم. عَشان هُم ما قِدرو يَهرُبو لَمّا رَفَضوهو، الحَزَّرُم عَلى الأرض. و كَم بِالأكتَر نِحنا ما نَقدَر نَهرَب إذا نَرَجِّع عَنّو اليَحَزِّرنا مِن السَّما؟

عِبرانيين 13:20

و إلَه السَّلام قَوَّم مِن بين المَيِّتين رَبَّنا يَسُوع، راعي الخِرفان، العَظيم، بِدَم الإتِّفاق الأبَدي.

عِبرانيين 2:11

عَشان هو البِقَدِّس و هُم البِكونو مُقَدَّسين، كُلَّهُم مِن واحِد. و بِالسَّبَب دا، هو ما بِخجَل يَسَمّوهُم أخوان.

عِبرانيين 2:3

كيف نِحنا بِنَهرُب إذا ما نَخَلّي بالنا لِخَلاص عَظيم زي دا؟ و الرَّب إتكَلَّم عَنّو في الأوَّل، و ديل السِمِعوهو ثَبَّتوهو لينا.

عِبرانيين 4:14

عَلَشان كِدا، ما دام عِندَنا رَئيس قُسُس عَظيم، المَشى لِجُوَّه السَّما، يَسُوع إبن الله، خَلّونا نَمسِك بِشَهادَة أيمانّا.

عِبرانيين 6:4

و في ناس الكانو عِندَهُم النّور مِن قُبّال، و ضاقو الهَدِيَّه المِن السَّما، و بِقو شُرَكا في الرّوح القُدُس.

عِبرانيين 6:6

و بَعَد دا وَقَعو! ما مُمكِن نَجيبُم مَرَّه تانيَه لِلتّوبَه، عَشانُم نُفوسُم يَصلُبو إبن الله تاني مَرَّه، و يَعمِلوهو خَجلان قِدّام النّاس.

عِبرانيين 9:13

و يَرُشّو دَم غَنَم و تيران و رَماد عِجلَه عَلى البِقو وَسخانين عَلَشان يَقَدِّسُم لِنَضافَة الجِّسِم.

عِبرانيين 9:20

و هو قال: ”دا هو دَم الإتِّفاق الأمَركُم بيهو الله.“

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.