عِبرانيين 10:10 - كِتاب العَهد الجَّديد مِن الكِتاب المُقَدَّس

¹⁰ و بِالإرادَه دي، نِحنا بِقينا مُقَدَّسين بِتَقدِمَة جِسم يَسُوع المَسيح مَرَّه واحدَه.

عِبرانيين 10:10 Iomraidhean Croise

يُوحَنَّا 17:19

و أنا بَقَدِّس نَفسي عَشانُم، فِشان هُم يَكونو مُقَدَّسين في الحَق كَمان.

يُوحَنَّا 19:34

لَكِن واحِد مِن العَساكِر طَعَن جَنبو بِحَربَه، و طَوّالي دَم و مويَه طَلَعو مِن جَنبو.

يُوحَنَّا 6:51

أنا هو العيش الحَي النَزَل مِن السَّما. إذا واحِد أكَل مِن العيش دا، هو بِعِيش لِلأبَد. و العيش الأنا بَدّيهو، هو جِسمي البَدّيهو لِحَياة الدُّنيا.“

١ كُورِنْثُوس 1:30

لَكِن إنتو عِندَكُم مِن الله حَياة في المَسيح. و هو بِقى لينا حِكمَه مِن الله، و بِر، و قَداسَه، و فِداء.

١ كُورِنْثُوس 6:11

و بَعض مِنَّكُم كانو زي داك. لَكِن كُنتو مَغسولين، إتقَدَّستو، إتبَرَّرتو بِإسم الرَّب يَسُوع المَسيح و بِروح إلَهنا.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

أفَسُس 5:26

عَشان يَقَدِّسا و يَنَضِّفا بِغَسيل المويَه بِالكِلمَه.

عِبرانيين 10:12

لَكِن القَسِّيس دا، بَعَد ما قَدَّم عَن الخَطايا ضَبيحَه واحدَه لِلأبَد، هو قَنَّب عَن يَمين الله.

عِبرانيين 10:14

عَشان بِتَقدِمَه واحدَه هو عَمَلُم كامِلين لِلأبَد، ديل الهو قاعِد يَقَدِّسُم.

عِبرانيين 10:20

هو فَتَح لينا طَريق حَي و جَديد بِالسِّتارَه، يَعني، جِسمو.

عِبرانيين 10:29

و شِنو بِكون لِلزّول الدّاس إبن الله تِحِت رِجلينو، و إفتَكَر الإتِّفاق القَدَّسو حاجَه وَسخانَه، و شَتَم روح النِّعمَه؟ فَكِّرو كيف هو يِستَحِق جِزا أشَدّا!

عِبرانيين 10:5

عَلَشان كِدا لَمّا المَسيح جا لِلدُّنيا، هو قال: ”إنتَ ما كُنتَ عاوِز ضَبيحَه و تَقدِمَه، لَكِن جَهَّزتَ لَي جِسم.

عِبرانيين 13:12

و عَلَشان كِدا، يَسُوع كَمان إتوَجَّع بَرَّه مِن باب المَدينَه، عَشان يَقَدِّس النّاس بِدَمّو.

عِبرانيين 2:11

عَشان هو البِقَدِّس و هُم البِكونو مُقَدَّسين، كُلَّهُم مِن واحِد. و بِالسَّبَب دا، هو ما بِخجَل يَسَمّوهُم أخوان.

عِبرانيين 2:14

عَلَشان الأولاد عِندَهُم دَم و لَحَم، هو كَمان إشتَرَك فيها، عَلَشان بِموتو هو يَخرَب العِندو سُلطَة الموت، يَعني إبْلِيس.

عِبرانيين 5:7

و في أيام حَياتو عَلى الأرض، يَسُوع قَدَّم صَلَوات و طَلَبات بِكوراك شَديد و دِموع لِلَّه، القِدِر يَخَلِّصو مِن الموت. و الله سِمِع ليهو، عَلَشان هو كان بِخاف الله.

عِبرانيين 7:27

و مُش زي رؤساء القُسُس ديل، هو ما عِندو إحتِياج أن يَقَدِّم كُلّو يوم ضَبايح عَن خَطاياهو في الأوَّل، و بَعدين عَن خَطايا النّاس. هو عَمَل دا مَرَّه واحدَه لَمّا قَدَّم نَفسو.

عِبرانيين 9:12

هو ما دَخَل بِدَم غَنَم و عُجول، لَكِن بِدَم نَفسو مَرَّه واحدَه لِقُدُس الأقداس، و جاب لينا فِداء أبَدي.

عِبرانيين 9:14

و عَلَشان دا الحَق، كَم بِالأكتَر دَم المَسيح عَمَل لينا! هو قَدَّم نَفسو لِلَّه بِالرّوح الأبَدي بِدون عيب. و دَمّو بِنَضِّف ضَمايرنا مِن الأعمال المَيِّتَه عَشان نَخدِم الله الحَي.

عِبرانيين 9:26

عَشان إذا كِدا، المَسيح كان لازِم يَتعَب مَرّات كَتيرَه مِن خَليقَة الدُّنيا. لَكِن هَسَّع هو ظَهَر مَرَّه واحدَه في نِهايَة الزَّمَن عَشان يَوَقِّف الخَطيَّه بِضَبيحَة نَفسو.

عِبرانيين 9:28

و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

١ بُطْرُس 2:24

هو نَفسو حَمَل خَطايانا في جِسمو عَلى الصَّليب، عَشان نِحنا نَموت عَن الخَطيَّه و نَعيش لِلبِر. و بِجُروحو، هو شَفاكُم.

١ بُطْرُس 3:18

عَشان المَسيح كَمان مات مَرَّه واحدَه فِشان الخَطايا، مات البار عَن المُذنِب عَشان يَقَرِّبنا لِلَّه. كَتَلوهو في الجِّسم، لَكِن عَمَلوهو حَي في الرّوح.

١ يُوحَنَّا 5:6

دا هو الجّا بِمويَه و دَم، يَسُوع المَسيح. ما بِالمويَه بَس، لَكِن بِالمويَه و الدَّم.