عِبرانيين 10:1 - كِتاب العَهد الجَّديد مِن الكِتاب المُقَدَّس

¹ و القانون عِندو ضُل الحاجات الكوَيسَه الجّايَه، و ما صورَة الحاجات بِزاتا. و هُم كانو بِقَدِّمو الضَّبايح ديل دايماً كُلّو سَنَه. و لَكِن ما مُمكِن أبَداً يَعمِلُم كامِلين، هُم البِقَرِّبو عَشان يَعبُدو.

عِبرانيين 10:1 Iomraidhean Croise

رُومِيَه 8:3

الله عَمَل الما قِدِر يَعمِلو القانون، عَلَشان القانون كان ضَعيف بِسَبَب الجِّسِم. هو دان الخَطيَّه في الجِّسِم لَمّا رَسَّل إبنو في صورَة جِسِم الخَطيَّه فِشان الخَطيَّه.

كُولُوسِّي 2:17

ديل ضُل الحاجات الجّايَه، لَكِن الحَق، هو المَسيح.

عِبرانيين 10:22

عَلَشان كِدا، خَلّونا نَقَرِّب بِقَلِب أمين و في كُلّو تأكيد الإيمان، و قُلوبنا مَرشوشَه عَشان يَنَضِّفنا مِن ضَمير بَطّال و أجسامنا مَغسولين بِمويَه نَضيفَه.

عِبرانيين 7:11

الله أدّا القانون لِلنّاس عَلى أساس تَرتيب قُسُس لَاوِي. و إذا شُغل قُسُس لَاوِي كان كامِل، لِشِنو كان في إحتِياج لِقَسّيس يَقوم مِن تَرتيب مَلكِصادَق، و مُش مِن تَرتيب هارون؟

عِبرانيين 8:5

و هُم بِخدِمو صورَه و ضُل الحاجات الفي السَّما. و زي دا، هو حَزَّر مُوسَى لَمّا هو قَرَّب يَعمِل الخيمَه و قال: ”شوف عَشان تَسَوّي كُلّو حاجَه زي الصّورَه الوَرّيتا ليك في الجَّبَل.“

عِبرانيين 9:11

لَكِن المَسيح جا رَئيس قُسُس لِلحاجات الكوَيسَه الفي هَسَّع، بِالخيمَه الأكبَر و الأكمَل. و الخيمَه دي ما مَعمولَه بِإيد زول، يَعني مُش مِن الخَليقَه دي.

عِبرانيين 9:23

عَلَشان كِدا، كان لازِم يَنَضِّفو صُوَر الحاجات الفي السَّما بِالضَّبايح ديل. و لَكِن يَنَضِّفو الحاجات الفي السَّما زاتا بِضَبايح أحسَن مِن ديل.

عِبرانيين 9:25

و ما عَشان هو يَقَدِّم نَفسو مَرّات كَتيرَه زي ما رَئيس القُسُس بِدخُل قُدُس الأقداس كُلّو سَنَه بِدَم مُش حَقّو.