عِبرانيين 1:2 - كِتاب العَهد الجَّديد مِن الكِتاب المُقَدَّس

² كَلَّمنا في الأيام الأخيرَه دي في الإبن. و هو عَمَلو وارِث لِكُلّو حاجَه، و بيهو كَمان هو عَمَل الخَليقَه كُلَّها.

عِبرانيين 1:2 Iomraidhean Croise

مَتَّى 13:39

و العَدو الزَّرَعو، هو إبْلِيس. و وَكِت البِلِمّو الدُّرَه، هو آخِر الزَّمَن. و ديل البِلِمّوها، هُم المَلائكَه.

مَتَّى 17:5

و وَكِت ما كان لِسَّع يتكَلَّم، شوف! سَحابَه لامعَه عَمَلَت ضُل عَليهُم. و صوت مِن السَّحابَه قال: ”دا هو إبني الحَبيب، و أنا مَبسوط مِنّو. أسمَعو ليهو.“

مَتَّى 21:38

و لَكِن لَمّا المُزارعين شافو الإبن، قالو بَعضَهُم لِبَعض: دا هو البِقبَل المال مِن أبوهو. تَعالو، نَكتُلو و ناخُد كُلّو مالو.

مَتَّى 26:63

و لَكِن يَسُوع سَكَت. و رَئيس القُسُس قال ليهو: ”آمُرَك أن تَحلِف بِالله الحَي، قول لينا إذا إنتَ المَسيح، إبن الله.“

مَتَّى 28:18

و يَسُوع قَرَّب ليهُم و قال: ”الله أدّا لَي كُلّو سُلطَه في السَّما و عَلى الأرض.

مَتَّى 3:17

و شوف، جا صوت مِن السَّما و قال: ”دا هو إبني الحَبيب، و أنا مَبسوط بيهو.“

مَرْقُس 1:1

بِدايَة إنجيل يَسُوع المَسيح إبن الله.

مَرْقُس 12:6

و كان لِسَّع عِندو إبن واحِد مَحبوب. و في الآخِر، رَسَّلو ليهُم كَمان، و قال: هُم بِحتَرِمو إبني.

مَرْقُس 12:7

و لَكِن المُزَارِعين ديلاك قالو بَعضَهُم لِبَعض: دا هو الوارِث. تَعالو، خَلّونا نَكتُلو، و الميراث بِكون لينا.

يُوحَنَّا 1:10

هو كان في الدُّنيا، و الدُّنيا كانَت مَعمولَه بيهو، و الدُّنيا ما عِرفَتو.

يُوحَنَّا 1:14

و الكِلمَه بِقى جِسم، و سَكَن في وَسِطنا. و شُفنا مَجدو زي مَجد الإبن الوَحيد مِن الأبو، مَليان بِنِعمَه و حَق.

يُوحَنَّا 1:3

كُلّو شي كان مَعمول بيهو، و بِدونو ما في شي كان مَعمول.

يُوحَنَّا 13:3

يَسُوع عِرِف إن الأبو أدّا ليهو كُلّو شي في إيدينو، و إنّو جا مِن عِند الله، و يَرجَع لِلَّه.

يُوحَنَّا 13:32

إن كان الله إتمَجَّد فيهو، الله بِمَجِّد الإبن في نَفسو، و يَمَجِّدو بِسُرعَه.

يُوحَنَّا 15:15

بَعَد دا ما بَسَمّيكُم خَدّامين، عَشان الخَدّام ما بِيَعرِف البيَعمِل سَيِدو. لَكِن أنا سَمّيتكُم مَحبوبين، عَشان أنا كَلَّمتَكُم بِكُل السِّمِعتو مِن أبوي.

يُوحَنَّا 16:15

كُلّو شي بِتاع الأبو، هو بِتاعي. عَشان كِدا، قُلتَ الرّوح بياخُد مِن العِندي، و بِوَرّيهو ليكُم.

يُوحَنَّا 17:2

عَشان إنتَ أدّيت ليهو سُلطَه عَلى كُلّو زول، عَشان يَدّي الحَياة الأبَديَّه لِكُل الأدّيتُم ليهو.

يُوحَنَّا 3:16

عَشان الله حَبَّه الدُّنيا، حَتّى أدّا إبنو الوَحَيد، عَشان كُلّو واحِد البِآمِن بيهو ما يَهلِك، لَكِن تَكون ليهو الحَياة الأبَديَّه.

يُوحَنَّا 3:25

و كان في سؤَال بين تَلاميذ يُوحَنَّا و واحِد يَهودي، عَن الغَسيل.

يُوحَنَّا 5:26

عَشان زي ما الأبو عِندو حَياة في نَفسو، هو كَمان أدّا لِلإبن عَشان تَكون ليهو الحَياة في نَفسو.

يُوحَنَّا 5:27

و أدّاهو سُلطَه أن يَحكُم كَمان، عَشان هو إبن الإنسان.

يُوحَنَّا 9:29

نِحنا بِنَعرِف الله كَلَّم مُوسَى، لَكِن الزّول دا، نِحنا ما عارفين هو مِن وين.“

أعمال الرُّسُل 10:36

و دي الكِلمَه الله رَسَّلا لِناس إِسْرَائِيل، و بَشَّر بِالسَّلام بِيَسُوع المَسيح. و هو رَب الكُل.

أعمال الرُّسُل 2:17

الله بِقول، في الأيام الأخيرَه، أنا بَكُب روحي عَلى كُل النّاس. و أولادكُم و بَناتكُم بِتنَبّو، و شَبابكُم بِشوفو رؤيا، و شُيوخكُم بِيَحلَمو.

رُومِيَه 1:4

و الرّوح القُدُس خَبَّر بِقُوَّه إنّو يَسُوع المَسيح هو إبن الله لَمّا قَوَّمو مِن بين المَيِّتين.

رُومِيَه 8:17

كِدا إذا نِحنا أولاد، بَعَد دا نِحنا وُرّاث كَمان، وُرّاث الله و وُرّاث مَعَ المَسيح. إذا كان نَتعَب مَعاهو، نِحنا بِنِتمَجَّد كَمان مَعاهو.

١ كُورِنْثُوس 2:7

لَكِن نِتكَلَّم بِحِكمَة الله في السِّر، الحِكمَه المَدسوسَه الجَّهَّزا الله مِن قَبل الأزمان لِمَجدنا.

١ كُورِنْثُوس 8:6

لَكِن لينا إلَه واحِد بَس، الأبو، المِنّو كُل الحاجات و نِحنا نَعيش ليهو، و رَب واحِد، يَسُوع المَسيح، البيهو كُل الحاجات و نِحنا نَعيش بيهو.

غَلَاطِيَّه 4:4

لَكِن لَمَّن الوَكِت كان مَليان، الله رَسَّل إبنو مَولود مِن مَرَه، مَولود تِحِت القانون.

أفَسُس 1:10

و الله بِكَمِّل تَرتيبو لَمّا الزَّمَن يَكون تَمام، عَشان يَلِم كُلّو شي الفي السَّما و العَلى الأرض عَشان يَكون واحِد في المَسيح.

أفَسُس 3:9

و أوَرّي كُل النّاس شِنو تَرتيب السِّر دا، الكان مَدسوس مِن زَمان في الله، الخَلَق كُلّو شي.

عِبرانيين 1:5

عَشان الله لِمِنو مِن المَلائكَه في أي وَكِت قال: ”إنتَ إبني؛ أنا وَلَدتَك اليوم دا.“ و كَمان: ”أنا بَكون ليهو أبو، و هو بِكون لَي إبن؟“

عِبرانيين 1:8

لَكِن عَن الإبن هو يَقول: ”كُرسيَك، يا الله، لِلأبَد، و البِر بِكون عَصايَة مَلَكوتَك.

عِبرانيين 11:3

بِالإيمان بِنَفهَم أن الدُّنيا كانَت مَخلوقَه بِكِلمَة الله. و عَلَشان كِدا، الحاجات النَّشوفا ما كانَت مَعمولَه بِالحاجات اليَظهَرو.

عِبرانيين 2:3

كيف نِحنا بِنَهرُب إذا ما نَخَلّي بالنا لِخَلاص عَظيم زي دا؟ و الرَّب إتكَلَّم عَنّو في الأوَّل، و ديل السِمِعوهو ثَبَّتوهو لينا.

عِبرانيين 3:6

و لَكِن المَسيح كان أمين زي إبن عَلى بيت الله. و نِحنا بيتو إذا بِنَمسِك بِتأكيدنا و فَخرَنا في الرَّجاء، ثابِتين لِلآخِر.

عِبرانيين 4:14

عَلَشان كِدا، ما دام عِندَنا رَئيس قُسُس عَظيم، المَشى لِجُوَّه السَّما، يَسُوع إبن الله، خَلّونا نَمسِك بِشَهادَة أيمانّا.

عِبرانيين 5:8

و مَعَ إنّو إبن، هو إتعَلَّم أن يَطيع بِالحاجات الهو تِعِب فيها.

عِبرانيين 7:28

عَشان القانون يَختار رُجال ضَعيفين يَكونو رؤساء القُسُس. و لَكِن كِلمَة الحَلَف، الجّا بَعَد القانون، إختار إبن، و هو بِقى كامِل لِلأبَد.

عِبرانيين 7:3

و هو بِدون أبو ولّا أُم و بِدون حِساب الجّيل و ما عِندو بِدايَة أيام ولّا نِهايَة حَياة. لَكِن هو زي إبن الله و بِستَنّى قَسّيس لِلأبَد.

عِبرانيين 9:26

عَشان إذا كِدا، المَسيح كان لازِم يَتعَب مَرّات كَتيرَه مِن خَليقَة الدُّنيا. لَكِن هَسَّع هو ظَهَر مَرَّه واحدَه في نِهايَة الزَّمَن عَشان يَوَقِّف الخَطيَّه بِضَبيحَة نَفسو.

١ بُطْرُس 1:20

دا كان مَعروف عَنّو مِن قُبّال، مِن قَبِل خَليقَة الدُّنيا، لَكِن ظَهَر في الأزمان الأخيرَه عَشان خاطِركُم.

٢ بُطْرُس 3:3

و في الأوَّل أعرِفو إنّو في الأيام الأخيرَه بِجو ناس البِضحَكو عَلى الحَق، و بِعيشو حَسَب شَهوات نُفوسُم.

يَهُوذَا 1:18

عَشانُم كانو بِقولو ليكُم: ”بِكونو في زَمَن الأخير ناس يِضحَكو عَلى الله، ماشين حَسَب شَهوَاتُم الشَّرّيرَه.“