عِبرانيين 1:14 - كِتاب العَهد الجَّديد مِن الكِتاب المُقَدَّس

¹⁴ مُش كُلُّهُم أرواح البِخدِمو، مَرَسَّلين لِلخِدمَه فِشانُم الماشين يورَثو الخَلاص؟

عِبرانيين 1:14 Iomraidhean Croise

مَتَّى 1:20

لَكِن وَكِت ما كان يَفَكِّر في دا، شوف! مَلاك الرَّب جا ليهو في حِلِم و قال: ”يا يُوسِف إبن دَاوُد، ما تَخاف تاخُد مَرَتَك مَرْيَم، عَلَشان الهي حِملَت بيهو، هو مِن الرّوح القُدُس.

مَتَّى 13:41

إبن الإنسان بِرَسِّل مَلائكَتو، و هُم بِلِمّو مِن مَلَكوتو كُلّو شي البِكون السَّبَب لِخَطيَّه و كُل اليَعمِلو حاجات بَطّالَه،

مَتَّى 18:10

شوفو، ما تابو تَحتَرِمو واحِد مِن الصُّغار ديل. عَشان أقول ليكُم، في السَّما مَلائكَتُم دايماً بِشوفو وَش أبوي الفي السَّما.

مَتَّى 2:13

و بَعَد ما مَشو، شوف، مَلاك الرَّب جا لِيُوسِف في حِلِم و قال: ”قوم، أُخُد الوَلَد و أُمّو و أمشي قَوام لِمَصر، و أقعُد هِناك لِغايَة ما أقول ليك، عَلَشان هِيرُودُس عاوِز يَفَتِّش عَلى الوَلَد عَشان يَكتُلو.“

مَتَّى 24:31

و هو بِرَسِّل مَلائكَتو بِبوق عِندو صوت عالي. و هُم بِلِمّو مُختارينو مِن الأربَعَه أركان، مِن الشَّرق لِلغَرب.

مَتَّى 25:34

بَعدين المَلِك بِقول لِلنّاس الفي يَمينو: تَعالو، يا مُبارَكين مِن أبوي. أُخُد المَلَكوت المَجَهَّز ليكُم مِن بِدايَة الدُّنيا.

مَتَّى 4:11

بَعدين إبْلِيس سابو. و شوف، مَلائكَه جو و ساعَدوهو.

مَرْقُس 10:17

و وَكِت ما كان ماشي في السِّكَّه، واحِد جَرى و رَكَع قِدّامو و سَألو و قال ليهو: ”يا المُعَلِّم الصّالِح، أسَوّي شِنو عَشان أُورَث الحَياة الأبَديَّه؟“

لُوقَا 1:19

و المَلاك رَدَّ و قال ليهو: ”أنا جِبْرَائِيل الواقِف قِدّام الله، و أنا مُرسَل عَشان أكَلِّمَك و أبَشِّرَك بِدا.

لُوقَا 1:23

و بَعَد ما تَمَّت أيام خِدمَتو، رَجَع لِبيتو.

لُوقَا 16:22

و بَعدين المِسكين مات، و المَلائكَه شالوهو، و خَتّوهو قَريب لِإِبْرَاهِيم. و الغَني كَمان مات، و دَفَنوهو.

لُوقَا 2:13

و طَوّالي ظَهَر مَعَ مَلاك الرَّب كُتار مِن جيش السَّما، كانو يَحمَدو الله و يَقولو:

لُوقَا 2:9

و طَوّالي، مَلاك الرَّب وَقَف جَمبُم، و مَجد الرَّب نَوَّر حَواليهُم، و خافو خوف شَديد.

أعمال الرُّسُل 11:22

و لَمّا الخَبَر دا جا في أضان الكَنيسَه الفي أُورُشَلِيم، هُم رَسَّلو بَرْنَابَا لِأَنْطَاكِيَه.

أعمال الرُّسُل 12:23

و طَوّالي مَلاك الرَّب ضربو، عَلَشانو ما أدّا المَجد لِلَّه. و الدّود أكَلو، و هو مات.

أعمال الرُّسُل 12:7

و شوف! مَلاك الرَّب وَقَف جَنبو، و نور نَوَّر في المَحَل. و هو ضَرَب جَنب بُطْرُس، و قَوَّمو مِن النّوم و قال: ”قوم بِالسُّرعَه!“ و الجَّنزيرين وَقَعو مِن إيدينو.

أعمال الرُّسُل 13:2

و وَكِت ما هُم بِخدِمو الرَب و بِصومو، الرّوح القُدُس قال: ”جَهِّزو لَي بَرْنَابَا و شَاوُل لِلعَمَل الناديتُم ليهو.“

أعمال الرُّسُل 16:26

و حَصَلَت عَلى غَفلَه زَلزَلَه شَديدَه، حَتّى أساسات السِّجِن هَزّو. و طَوّالي كُلّو أبواب السِّجِن إنفَتَحو، و جَنازِير كُلُّهُم إتفَكّو.

أعمال الرُّسُل 27:23

عَشان في اللّيلَه دي، مَلاك الإلَه، الأنا حَقّو و أنا بَخدِمو، وَقَف جَمبي.

أعمال الرُّسُل 5:19

لَكِن مَلاك الرَّب فَتَح أبواب السِّجِن في اللّيل، و مَرَّقُم، و قال ليهُم،

رُومِيَه 11:14

يِمكِن أحَرِّك شَعبي لِلحَسَد و بَخَلِّص بَعض مِنَّهُم.

رُومِيَه 13:6

عَشان بِالسَّبَب دا، إنتو تَدفَعو الضَّرايب كَمان، فِشان هُم خَدّامين الله البِدّو وَكتُم كُلّو لِلشُّغل داك بِزاتو.

رُومِيَه 15:16

و عَشان أكون خَدّام لِلمَسيح يَسُوع فِشان الأُمَم. و أبَشِّر خِدمَة الإنجيل زي قَسّيس، عَلَشان الأُمَم تَبقى هَدِيَّه مَقبولَه، مُقَدَّسَه بِالرّوح القُدُس.

رُومِيَه 15:27

كان كوَيس في عُيونُم يَعمِلوهو. و بِالحَق كانو مَديونين ليهُم. الأُمَم إشتَرَكو في حاجاتُم الرّوحيَّه. عَلَشان كِدا، الأُمَم لازِم يَخدِموهُم بِالحاجات الجِّسميَّه.

رُومِيَه 8:17

كِدا إذا نِحنا أولاد، بَعَد دا نِحنا وُرّاث كَمان، وُرّاث الله و وُرّاث مَعَ المَسيح. إذا كان نَتعَب مَعاهو، نِحنا بِنِتمَجَّد كَمان مَعاهو.

١ كُورِنْثُوس 1:21

عَشان إذا كان الدُّنيا، في حِكمَة الله، ما عِرِفَت الله بِالحِكمَه، إنبَسَط الله أن يَخَلِّص المؤمِنين بِبَلادَة البِشارَه.

٢ كُورِنْثُوس 9:12

و عَمَل الخِدمَه دي ما يَملى إحتِياج القِدِّسين بَس، لَكِن يَزيد في شُكر كَتير لِلَّه.

غَلَاطِيَّه 3:29

إذا كان إنتو لِلمَسيح، كِدا إنتو أولاد إِبْرَاهِيم، و وُرّاث بِحَسَب الوَعَد.

غَلَاطِيَّه 3:7

عَلَشان كِدا، أفهَمو، ديل البِآمِنو، هُم أولاد إِبْرَاهِيم.

غَلَاطِيَّه 3:9

عَلَشان كِدا، هُم العِندَهُم إيمان، يِتبارَكو مَعَ إِبْرَاهِيم المؤمِن.

أفَسُس 3:6

و دا هو السِّر، إنّو الأُمَم يَشتَرِكو سَوا في الميراث، و هُم أعضاء سَوا في جِسِم واحِد. و يَشتَرِكو سَوا في الوَعَد في المَسيح يَسُوع بِالإنجيل.

فيلِبّي 2:17

و إذا يَكُبّوني زي تَقديم عَلى ضَبيحَة إيمانكُم و خِدمَتو، أنا مَبسوط و أفرَح مَعَ كُلُّكُم.

فيلِبّي 2:25

و لَكِن شُفتَ لازِم أرَسِّل ليكُم وأبفروديتس، أخوّي، و العامِل مَعاي، و العَسكَري مَعاي، و رَسولكُم، و الخَدَمني في إحتياجي.

٢ تَسَالُونِيكِي 1:7

و ليكُم البِتَتعَبو، هو بِدّيكُم راحَه مَعانا في ظُهور الرَّب يَسُوع مِن السَّما في نار مَوَلَّعَه مَعَ مَلائكَتو القَوّيَّه.

تِيطُس 3:7

حَتّى عَشان إتبَرَّرنا بِنِعمَتو، نَبقى وُرّاث حَسَب رَجاء الحَياة الأبَديَّه.

عِبرانيين 10:11

و كُلّو قَسّيس بِقيف كُلّو يوم و بِخدِم. و بِقَدِّم مَرّات كَتيرَه الضَّبايح ديل زاتا. لَكِن الضَّبايح ديل ما بِقدَرو يَشيلو الخَطايا أبَداً.

عِبرانيين 2:3

كيف نِحنا بِنَهرُب إذا ما نَخَلّي بالنا لِخَلاص عَظيم زي دا؟ و الرَّب إتكَلَّم عَنّو في الأوَّل، و ديل السِمِعوهو ثَبَّتوهو لينا.

عِبرانيين 5:9

و لَمّا كَمَّل شُغلو، هو بِقى سَبَب خَلاص أبَدي لِكُل البِطيعوهو.

عِبرانيين 6:12

و نِحنا ما عاوِزينكُم تَكونو كَسلانين، لَكِن تَعمِلو زي ديل البِالإيمان و الصَّبر الطَّويل يورَثو الوُعود.

عِبرانيين 6:17

و لَمّا الله كان داير يَبَيِّن كوَيس لِلنّاس الماشين يَقبَلو الوَعد إنّو ما بِغَيِّر فِكرو أبَداً، هو ثَبَّت دا بِحَلَف.

عِبرانيين 8:6

و لَكِن هَسَّع المَسيح حَصَّل عَلى خِدمَه أحسَن بِكَتير عَشان بِالحَق، هو وَسيط لِإتِّفاق أحسَن و أساسو عَلى وُعود أحسَن.

عِبرانيين 9:28

و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

يَعْقُوب 2:5

أسمَعو، يا أخواني المَحبوبين، الله ما إختار مَساكين الدُّنيا دي عَشان يَكونو غَنيين في الإيمان و وُرّاث المَلَكوت الوَعَد بيهو لِلبِحِبّوهو؟

١ بُطْرُس 1:12

الله وَرّاهُم إنّو شُغلُم كان لِفايدَتكُم و ما لِفايدَة نُفوسُم. و هُم الخَبَروكُم عَن الحاجات السِّمِعتو هَسَّع مِن البَشَّروكُم بِالإنجيل بِالرّوح القُدُس المُرسَل مِن السَّما. المَلائكَه كَمان عاوِزين بِشِدَّه يَعرِفو عَن الحاجات ديل.

١ بُطْرُس 1:4

لِميراث الما تَهلِك ولّا تَخسَر ولّا تَفوت، و مَحفوظَه ليكُم في السَّما.

١ بُطْرُس 3:7

و كِدا، يا رُجال، إنتو كَمان، عيشو مَعَ زوجاتكُم بِمَعرِفَه، زي ما هُم الجِّنس الأضعَف، و شَرِّفوهُم زي الوارِثات مَعاكُم لِنِعمَة الحَياة، عَشان ما بِتكون في حاجَه تَوَقِّف صَلَواتكُم.

يَهُوذَا 1:14

و أَخْنُوخ، السّابِع مِن آدَم، إتنَبّأ عَن ديل و قال: ”شوفو! جا الرَّب مَعَ آلاف كَتيرَه مِن قِدِّسِينو.

رؤيا 5:6

و شُفتَ حَمَل واقِف بين الكُرسي و الأربَعَه حَيوانات و في وَسِط الشُّيوخ. و مَنظَر الحَمَل كان زي ما هو مَكتول. و هو كان عِندو سَبعَه قُرون و سَبعَه عُيون، و هُم السَّبعَه أرواح الله المُرَسَّلين لِكُل الأرض.