عِبرانيين 1:1 - كِتاب العَهد الجَّديد مِن الكِتاب المُقَدَّس

¹ الله، بَعَد ما كَلَّم الأبَهات بِالأنبياء في الزَّمَن الفات مَرّات كَتيرَه و بِطُرُق كَتيرَه،

عِبرانيين 1:1 Iomraidhean Croise

لُوقَا 1:55

زي ما كَلَّم أبَهاتنا، لِإِبْرَاهِيم و أولادو لِلأبَد.“

لُوقَا 1:72

عَشان يَعمِل رَحمَه مَعَ أبَهاتنا، و إتزَكَّر إتِّفاقو المُقَدَّس.

لُوقَا 24:27

و إبتَدا مِن كِتاب مُوسَى و مِن كُل الأنبياء يَفَسِّر ليهُم الكان مَكتوب عَنّو في كُل الكُتُب.

لُوقَا 24:44

بَعدين هو قال ليهُم: ”شوفو! دا الكَلام الكَلَّمتَكُم بيهو وَكِت أنا كُنتَ مَعاكُم، إنّو كُل المَكتوب عَنّي في قانون مُوسَى و الأنبياء و المَزامير لازِم يَتِم.“

يُوحَنَّا 16:13

لَكِن لَمّا روح الحَق يَجي، هو بِوَرّيكُم كُل الحَق. عَشان هو ما بِتكَلَّم مِن نَفسو، لَكِن كُل البِسمَع، هو بِتكَلَّم بيهو. و بِوَرّيكُم الحاجات الجّايَه.

يُوحَنَّا 7:22

عَلَشان دا، مُوسَى أدّاكُم الطَّهور، و دا ما مِن مُوسَى، لَكِن مِن الأبَهات. و في السَّبِت إنتو تَطَهِّرو إنسان.

يُوحَنَّا 9:29

نِحنا بِنَعرِف الله كَلَّم مُوسَى، لَكِن الزّول دا، نِحنا ما عارفين هو مِن وين.“

أعمال الرُّسُل 13:32

و نِحنا نَبَشِّركُم بِالوَعد الوَعَدو الله لِأبَهاتنا.

أعمال الرُّسُل 2:30

لَكِن هو كان نَبي، و عِرِف الله قال ليهو بِحَلَف إنّو بِخُت عَلى كُرسيهو واحِد مِن أولادو.

أعمال الرُّسُل 28:23

و إختارو ليهو يوم، و كَتيرين جو ليهو لِبيتو. و إبتَدا يَشهَد بِمَلَكوت الله، و يَكَلِّمُم كَتير بِالبِخُص يَسُوع مِن قانون مُوسَى و مِن الأنبياء، مِن الصَّباح لِغايَة المِسا.

أعمال الرُّسُل 3:21

و هو لازِم يِستَنّى في السَّما لِغايَة الوَكِت بِجي، لَمّا الله يَرَجِّع كُلّو شي. و هو إتكَلَّم عَن دا بِخَشم كُلّو أنبياهو مِن زَمان.

عِبرانيين 11:18

مَعَ إنّو الله قال ليهو: ”بِإِسْحَاق أولادَك بِجو.“

عِبرانيين 11:2

عَشان في دا الله شِهِد لِلأبَهات.

عِبرانيين 12:25

و شوفو كوَيس عَشان ما تَرفُضو البِتكَلَّم. عَشان هُم ما قِدرو يَهرُبو لَمّا رَفَضوهو، الحَزَّرُم عَلى الأرض. و كَم بِالأكتَر نِحنا ما نَقدَر نَهرَب إذا نَرَجِّع عَنّو اليَحَزِّرنا مِن السَّما؟

عِبرانيين 2:2

عَشان إذا الكِلمَه الإتكَلَّمو بيها المَلائكَه كانَت ثابتَه، و كُلّو خَطيَّه و فِتنَه قِبلو جِزا عَديل،

عِبرانيين 2:3

كيف نِحنا بِنَهرُب إذا ما نَخَلّي بالنا لِخَلاص عَظيم زي دا؟ و الرَّب إتكَلَّم عَنّو في الأوَّل، و ديل السِمِعوهو ثَبَّتوهو لينا.

عِبرانيين 3:5

و بِالحَق، مُوسَى كان أمين في كُلّو بيت الله زي خَدّام، عَشان يَشهَد لِلحاجات البِقولوها في الوَكِت الجّاي.

عِبرانيين 4:8

عَشان إذا يَشُوع كان أدّا راحَه ليهُم، الله ما كان إتكَلَّم بَعَد دا عَن يوم تاني.

عِبرانيين 5:5

و كِدا كَمان، المَسيح ما أخَد المَجد لِنَفسو عَشان يَبقى رَئيس قُسُس. لَكِن الله قال ليهو: ”إنتَ إبني، أنا وَلَدتَك اليوم دا.“

عِبرانيين 9:19

في الأوَّل مُوسَى كَلَّم كُل النّاس بِكُلّو أمر في القانون. و بَعَد دا هو أخَد دَم العُجول و الغَنَم، مَعَ مويَه و صوف أحمَر و زوفا. و رَشّاها عَلى الكِتاب زاتو و عَلى كُل النّاس.