غَلَاطِيَّه 6:7 - كِتاب العَهد الجَّديد مِن الكِتاب المُقَدَّس

⁷ ما تَغِشّو نُفوسكُم. واحِد ما بِقدَر يَضحَك عَلى الله. الشّي البِزرَعو الزّول، هو بِلِمّو كَمان.

غَلَاطِيَّه 6:7 Iomraidhean Croise

لُوقَا 16:25

لَكِن إِبْرَاهِيم قال: يا وَلَدي، إتزَكَّر إنتَ في حَياتَك أخَدتَ حاجات كوَيسَه، و كِدا كَمان لَعَازَر حاجات بَطّالَه. و لَكِن هَسَّع هو هِنا مُرتاح، و إنتَ مِعَذَب.

لُوقَا 21:8

و هو قال ليهو: ”خَلّو بالكُم عَشان واحِد ما بِغِشّكُم. عَشان ناس كُتار بِجو بِإسمي و بِقولو: أنا هو، و: الوَكِت قَرَّب. ما تَمشو وَراهُم.

١ كُورِنْثُوس 15:33

ما تَخَلّوهُم يَغِشّوكُم: ”الأصحاب بَطّالين يَخَسِّر الطَّبيعَه الطَّيبَه.“

١ كُورِنْثُوس 3:18

ما تَخَلّي واحِد يَغِش نَفسو. إذا أي واحِد فيكُم يَفتَكِر هو عِندو حِكمَه في الزَّمَن دا، خَليهو يَبقى بَليد، عَشان يَكون عِندو حِكمَه.

١ كُورِنْثُوس 6:9

ما بِتَعرِفو الظّالمين ما بِيورَثو مَلَكوت الله؟ ما تَغِشّو نُفوسكُم. لا أخلاقُم بَطّالَه، ولّا اليَعبُدو أصنام، ولّا البيَعمِلو زِنا، ولّا المَخَنَّس ولّا اللّوطي،

٢ كُورِنْثُوس 9:6

لَكِن بَقول دا، البِزرَع قَليل، بِلِم قَليل. و البِزرَع بِالبَرَكات، بِلِم بِالبَرَكات كَمان.

غَلَاطِيَّه 6:3

و إذا واحِد يَفتَكِر نَفسو حاجَه، و هو ما حاجَه، هو بِغِش نَفسو.

أفَسُس 5:6

ما تَخَلّو أي زول يَغِشّكُم بِكِلمات بِدون فايدَه، عَلَشان بِسَبَب الحاجات دي، زَعل الله يَجي عَلى النّاس الما بِطيعُو.

٢ تَسَالُونِيكِي 2:3

ما تَخَلّو أي واحِد يَغِشّكُم بِأي طَرِيقَه. اليوم داك ما بِجي إلّا النّاس يَرجَعو عَن الإيمان في الأوَّل و إنسان الخَطيَّه، إبن الخَراب يَظهَر.

يَعْقُوب 1:22

و لَكِن كونو عامِلين بِالكِلمَه، ما سامعين ليها بَس، و كِدا تَغِشّو نُفوسكُم.

يَعْقُوب 1:26

إذا واحِد يَفتَكِر نَفسو ديني، و هو ما عِندو سُلطَه عَلى لِسانو، هو يَغِش نَفسو. دين الزّول دا بِدون فايدَه.

١ يُوحَنَّا 1:8

إذا نَقول: ”ما عِندَنا خَطيَّه،“ نَغِش نُفوسنا، و الحَق ما فينا.

١ يُوحَنَّا 3:7

يا أولاد، ما تَخَلّو واحِد يَغِشّكُم. البيَعمِل البِر، هو بار مِثِل ما هو بار.

يَهُوذَا 1:18

عَشانُم كانو بِقولو ليكُم: ”بِكونو في زَمَن الأخير ناس يِضحَكو عَلى الله، ماشين حَسَب شَهوَاتُم الشَّرّيرَه.“