غَلَاطِيَّه 4:6 - كِتاب العَهد الجَّديد مِن الكِتاب المُقَدَّس

⁶ عَلَشان إنتو أولاد، الله رَسَّل روح إبنو لِقُلوبنا، البِكورِك: ”أبّا، يَعني يا أبوي.“

غَلَاطِيَّه 4:6 Iomraidhean Croise

مَرْقُس 14:36

و قال: ”أبّا، يا أبوي، كُلّو شي مُمكِن ليك. شيل مِني كُبّايَة الضّيق. لَكِن مُش زي ما أنا داير، لَكِن زي ما إنتَ داير.“

لُوقَا 11:13

و إذا إنتو البَطّالين تَعرِفو تَدّو أولادكُم هَدايا سَمحَه، كَم بِالأكتَر الأبو السَّمَاوي يَدّي الرّوح القُدُس لِليَسألوهو؟“

لُوقَا 11:2

و قال ليهُم: ”لَمّا تَصَلّو قولو، يا أبونا [الفي السَّما،] خَلّي إسمَك يِتقَدَّس. خَلّي مَلَكوتَك يَجي. [تَكون إرادَتَك زي ما في السَّما، كِدا كَمان عَلى الأرض.]

يُوحَنَّا 14:16

و أنا أطلُب مِن الأبو عَشان يَدّيكُم مُساعِد تاني، عَشان يَكون مَعاكُم لِلأبَد، يَعني روح الحَق.

يُوحَنَّا 15:26

و لَمّا المُساعِد يَجي، الأنا بَرَسِّلو ليكُم مِن الأبو، يَعني روح الحَق البِجي مِن الأبو، هو بِشهَد لَي.

يُوحَنَّا 16:7

لَكِن أقول ليكُم الحَق، أحسَن ليكُم أنا أمشي. عَشان إذا أنا ما مَشيت، المُساعِد ما بِجيكُم. لَكِن إذا مَشيت، بَرَسِّلو ليكُم.

يُوحَنَّا 3:34

و الرَّسَّلو الله، دا هو اليتكَلَّم بِكَلام الله. عَشان الله ما بِدّي الرّوح بالميزان.

يُوحَنَّا 7:39

و هو قال دا عَن الرّوح، لِديل الآمَنو بيهو و الماشين يَقبَلوهو. عَشان الرّوح لِسَّع ما جا، عَشان يَسُوع لِسَّع ما كان إتمَجَّد.

أعمال الرُّسُل 16:7

و لَمّا جو لِميسيّا، جَرَّبو يَمشو لِبِثِنيَّه. و الرّوح ما خَلّاهُم.

رُومِيَه 5:5

و عَلَشان عِندَنا رَجاء، نِحنا ما خَجلانين، عَشان الله كَبَّ مَحَبَّتو في قُلوبنا بِالرّوح القُدُس الهو أدّانا.

رُومِيَه 8:9

لَكِن إنتو ما في الجِّسِم لَكِن في الرّوح، إذا روح الله ساكِن فيكُم. و إذا واحِد ما عِندو روح المَسيح، هو ما لِلمَسيح.

١ كُورِنْثُوس 15:45

كِدا كَمان مَكتوب: ”آدَم الإنسان الأوَّل بِقى نَفس حَيَّه.“ و آدَم الأخير بِقى روح بِدّي حَياة.

٢ كُورِنْثُوس 1:22

و خَتَّ الخِتِم عَلينا، و خَتَّ الرّوح بِتاعو في قُلوبنا زي عَربون.

٢ كُورِنْثُوس 3:17

و الرَّب هو الرّوح، و المَحَل الفيهو روح الرَّب، هِناك في الحُرّيَّه.

أفَسُس 1:13

و إنتو كَمان إتَّكَلتو عَلى المَسيح لَمّا سِمِعتو كِلمَة الحَق، إنجيل خَلاصكُم. و لَمّا آمَنتو بيهو، الله خَتَّ عَليكُم خِتِم، الرّوح القُدُس، الوَعَد بيهو.

أفَسُس 2:18

و بيهو، نِحنا الأتنين عِندَنا قُبول لِلأبو بِروح واحِد.

أفَسُس 4:30

ما تَعمِلو روح الله القُدّوس حَزنان، عَشان بيهو الله خَتَّ عَليكُم الخِتِم لِغايَة يوم الفِداء.

أفَسُس 6:18

صَلّو دايماً بِكُلّو صَلاه و طَلَب في الرّوح. و خَلّو بالكُم لِدا و أحرِسو و صَلّو كُلّو وَكِت بِطَلَب عَشان كُل القِدِّسين.

فيلِبّي 1:19

عَلَشان أنا عارِف نِهايَة الحَصَل لَي بِكون لِخَلاصي، عَلَشان صَلاتكُم و مُساعَدَة روح يَسُوع المَسيح.

١ تَسَالُونِيكِي 4:8

عَلَشان كِدا، اليَرفُض دا ما يَرفُض النّاس لَكِن الله، الأدّانا روحو القُدّوس كَمان.

١ بُطْرُس 1:11

و فَتَّشو بِكُلّو قُدرَتُم عَن الوَكِت، هو بِجي مِتين و كيف بِجي. دا الوَكِت روح المَسيح الفيهُم كان يَوَرّيهو، لَمّا شِهِد مِن قَبِل بِأوجاع المَسيح و المَجد البِجي بَعدو.

يَهُوذَا 1:20

لَكِن إنتو، يا مَحبوبين، أبنو نُفوسكُم في إيمانكُم القُدّوس، و صَلّو في الرّوح القُدُس.

رؤيا 19:10

و وَقَعتَ عِند كِرعينو عَشان أعبُدو. لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك البِحفَظو شَهادَة يَسُوع. أعبُد الله! عَشان شَهادَة يَسُوع، هي روح النُّبوَّه.“