غَلَاطِيَّه 4:3 - كِتاب العَهد الجَّديد مِن الكِتاب المُقَدَّس

³ و كِدا نِحنا كَمان، لَمّا كُنّا أولاد صُغار، عَمَلونا عَبيد لِقَوانين الدُّنيا.

غَلَاطِيَّه 4:3 Iomraidhean Croise

مَتَّى 11:28

تَعالو لَي، يا كُل التَّعبانين و البِشيلو حاجات تَقيلَه، و أنا بَدّيكُم راحَه.

يُوحَنَّا 8:31

و بَعدين يَسُوع قال لِليَهود الآمَنو بيهو: ”كان إنتو ثابِتين في كَلامي، بِالحَق تَكونو تَلاميذي.

أعمال الرُّسُل 15:10

عَلَشان كِدا، لِشِنو تَجَرِّبو الله، و تَخُتّو نير عَلى رَقَبات التَّلاميذ؟ و النّير دا مُش أبَهاتنا و لا نِحنا قِدِرنا نَشيلو.

رُومِيَه 7:14

بِنَعرِف القانون روحي، و لَكِن أنا ما روحي، و باعوني تِحِت الخَطيَّه.

رُومِيَه 8:15

عَشانكُم ما قِبِلتو روح البِيَعمِلكُم خَدّامين لِلخوف، لَكِن قِبِلتو الرّوح البِيَعمِلكُم أولاد. و بيهو نَكورِك: ”أبّا، يَعني يا أبو.“

٢ كُورِنْثُوس 11:20

عَشانكُم تاخُدوهو بِالصَّبر مِن الزّول اليَعمِلكُم عَبيد، و مِن الزّول الياكُلكُم و يَسرِق مِنَّكُم، و مِن الزّول اليِتكَبَّر عَليكُم، و مِن الزّول اليَضرُبكُم عَلى وشوشكُم.

غَلَاطِيَّه 2:4

و لَكِن كانو في أخوان كَضّابين دَخَلو بينَنا بِالسِّر. و هُم إندَسو عَشان يَحرَسو بِالسِّر حُرّيَتنا العِندَنا في المَسيح يَسُوع، عَشان يَعمِلونا عَبيد.

غَلَاطِيَّه 3:19

عَلَشان كِدا لِشِنو القانون؟ الله زادو بِسَبَب الذُّنوب، لِغايَة ما الوَلَد الهو وَعَد بيهو يَجي. القانون جا بِتَرتيب مَلائكَه عَلى إيد وَسيط.

غَلَاطِيَّه 4:2

و لَكِن هو تِحِت إيدين الحارِسين و الوكَلاء لِلوَكِت أبوهو إختار ليهو.

غَلَاطِيَّه 4:24

و كُلّو داك مَثَل، عَشان الإتنين نِسوان ديل، هُم إتِّفاقين. الواحِد مِن جَبَل سينا، و يَلِد لِلعُبوديَه، و هو هاجَر.

غَلَاطِيَّه 4:25

هاجَر يَعني جَبَل سينا في بِلاد العَرَب. و هو زي أُورُشَلِيم الفي هَسَّع. عَلَشان هي و أولادا، هُم عَبيد.

غَلَاطِيَّه 4:31

عَلَشان كِدا، يا أخوان، نِحنا مُش أولاد الخَدّامَه، لَكِن أولاد الحُرَّه.

غَلَاطِيَّه 4:8

مِن قَبِل، لَمّا ما كُنتو تَعرِفو الله، كُنتو عَبيد لِآلِهَه بِطَبيعَه مُش آلِهَه.

غَلَاطِيَّه 4:9

لَكِن هَسَّع إنتو تَعرِفو الله، ولّا بِالأكتَر، الله يَعرِفكُم. كيف تَرجَعو لِلقَوانين الضَّعيفَه و المِسكينَه؟ بِتدورو تَكونو عَبيد ليها مَرَّه تانيَه؟

كُولُوسِّي 2:20

إذا كُنتو مُتّو مَعَ المَسيح عَن التَّعليم الأساسي بِتاع الدُّنيا، لِشِنو تَطيعو قَوانينو زي البِعيشو في الدُّنيا؟

كُولُوسِّي 2:8

خَلّو بالكُم عَلَشان أي واحِد ما يَغِشّكُم بِتَعليم حِكمَة الإنسان و الغِش الفاضي حَسَب تَرتيب النّاس، حَسَب التَّعليم الأساسي بِتاع الدُّنيا، و مُش حَسَب المَسيح.

عِبرانيين 5:12

و بِالحَق، الوَكِت جا لَمّا إنتو لازِم تَكونو مُعَلِّمين. لَكِن إنتو تَحتاجو لِواحِد يَعَلِّمكُم مِن جَديد بِدايَة تَعاليم كِلمَة الله. إنتو تَحتاجو لِللَّبَن، مُش لِلأكِل القَوّي.

عِبرانيين 7:16

و هو بِقى قَسّيس، مُش عَلى أساس قانون و أمر جِسمي، عَلى أساس قُوَّة حَياة ما عِندَها نِهايَه.