غَلَاطِيَّه 1:21 - كِتاب العَهد الجَّديد مِن الكِتاب المُقَدَّس

²¹ و بَعَد دا، جيت لِبِلاد سُورِيَّه و كِيلِيكِيَّا.

غَلَاطِيَّه 1:21 Iomraidhean Croise

مَتَّى 4:24

و الخَبَر عَنّو مَشى لِكُلّو سُورِيَّه. و جابو ليهو كُل العَيّانين، و العِندَهُم أمراض مِن كُلّو نوع، و أوجاع، و الفيهُم شياطين، و النّاس العِندَهُم العَيى البِرميهُم، و المَفلوجين. و عَمَلُم طَيبين.

أعمال الرُّسُل 13:1

و في الكَنيسَه الفي أَنْطَاكِيَه أنبياء و مُعَلِّمين، و هُم بَرْنَابَا، و سِمْعَان الإسمو نِيجَر، و لوكيوس القَيْرَوَانِي، و مَناين الكان أخو لِهِيرُودُس رَئيس المُديرِيَّه، و شَاوُل.

أعمال الرُّسُل 15:23

و كَتَبو الجَّواب، و رَسَّلَوهو مَعاهُم. و الجَّواب قال: ”مِن الأخوان، الرُّسُل و الشُّيوخ لِلأخوان مِن الأُمَم في أَنْطَاكِيَه و سُورِيَّه و كِيلِيكِيَّا. نَسَلِّم عَليكُم.

أعمال الرُّسُل 15:41

و مَرَّه بِسُورِيَّه و كِيلِيكِيَّا يَشَدِّد الكَنايس.

أعمال الرُّسُل 18:18

و بُولُس قَعَد هِناك أيام كَتيرَه. و بَعَد دا، قال ليهُم مَعَ السَّلامَه، و سافَر بِمُركَب لِسُورِيَّه، و أخَد مَعاهو بِرِيسْكِلَّا و أَكِيلَا. و بُولُس كان حَلَق رَاسو في كَنْخِرِيَا، عَلَشان كان عَليهو وَعَد.

أعمال الرُّسُل 21:3

و لَمّا قِدِرنا نَشوف قُبرُص، خَلّيناها عَلى شِمالنا، و سافَرنا لِسُورِيَّه. و وِصِلنا لِصُور، عَشان هِناك المُركَب كانَت تَنَزِّل بُضاعَتا.

أعمال الرُّسُل 21:39

و بُولُس قال: ”أنا راجِل يَهودي مِن طَرْسُوس، مِن ناس مَدينَه مَعروفَه في كِيلِيكِيَّا. مِن فَضلَك، خَلّيني أكَلِّم النّاس.“

أعمال الرُّسُل 22:3

”أنا راجِل يَهودي، إتوَلَدتَ في طَرْسُوس بِتاعَت كِيلِيكِيَّا. لَكِن أنا كِبِرتَ في المَدينَه دي، و كُنتَ تِلميذ تِحِت غَمَالَائِيل. هو عَلَّمني قانون أبَهاتنا بِالتَّمام، و كانَت عِندي غيرَه لِلَّه زي كُلُّكُم اليوم.

أعمال الرُّسُل 23:34

و لَمّا المُدير قَرا الجَّواب، سأل عَنّو، هو مِن ياتا مُديرِيَّه. و لِقاهو مِن كِيلِيكِيَّا.

أعمال الرُّسُل 6:9

و قامو جُزو مِن النّاس الكانو في نوع الدّين اليَهودي البِسَمّوهو بيت الرَّب بِتاع الحُرّين، و القَيْرَوَانِيِّين و الإسكَندَريين و المِن كِيلِيكِيَّا و آسيا، و هُم كانو يَقاوِمو اسْتِفَانُوس.

أعمال الرُّسُل 9:30

و لَمّا الأخوان عِرفو دا، جابوهو لِقَيْصَرِيَّه، و رَسَّلَوهو لِطَرْسُوس.