غَلَاطِيَّه 1:10 - كِتاب العَهد الجَّديد مِن الكِتاب المُقَدَّس

¹⁰ هَسَّع بَطلُب أكون مَقبول قِدّام النّاس، ولّا قِدّام الله؟ ولّا بَطلُب أن أبسِط النّاس؟ إذا أنا لِسَّع أبسِط النّاس، ما بَكون خَدّام لِلمَسيح.

غَلَاطِيَّه 1:10 Iomraidhean Croise

مَتَّى 22:16

و هُم رَسَّلو ليهو تَلاميذُم مَعَ الهيروديسين. و هُم قالو: ”يا مُعَلِّم، نِحنا عارفين إنتَ تَقول الحَق، و تَعَلِّم سِكَّة الله بِالحَق. و إنتَ ما تَغَيِّر كَلامَك عَشان فِكر النّاس، عَلَشانَك ما تَعمِل فارِق بين النّاس.

مَتَّى 28:14

و إذا المُدير بِسمَع الخَبَر، نِحنا نَشوفو و نَحفَظكُم مِن التَّعب.“

مَتَّى 6:24

واحِد ما يَقدَر يَخدِم سَيِّدين، عَشان يا بِكرَه الواحِد و بِحِب التّاني، ولّا بِمسِك الواحِد و بيابا التّاني. ما تَقدَرو تَخدِمو الله و المال.

أعمال الرُّسُل 12:20

هِيرُودُس زِعِل مِن ناس صُور و صَيدا. و هُم جو ليهو بِفِكرَه واحدَه بَعَد ما عَمَلو الصَّداقَه مَعَ بِلاستُس، رَئيس سَرايَة المَلِك. و طَلَبو مِنّو السَّلام عَلَشان بَلَدُم كانَت تاخُد الأكِل مِن بَلَد المَلِك.

أعمال الرُّسُل 5:29

و بُطْرُس و الرُّسُل التّانيين رَدّو و قالو ليهُم: ”نِحنا لازِم نَسمَع الله أكتَر مِن النّاس.

رُومِيَه 1:1

الجَّواب دا مِن بُولُس. أنا خَدّام يَسُوع المَسيح، و الله إختارني عَشان أبَشِّر بِإنجيلو.

رُومِيَه 2:29

لَكِن اليَهودي في جُوَّه، هو اليَهودي الحَقيقي. و طَهور القَلِب، هو الطَّهور الحَقيقي و دا بِالرّوح، مُش بِالكِتاب. و حَمدو ما مِن النّاس، لَكِن مِن الله.

رُومِيَه 2:8

و ليهُم البِحِبّو نُفوسُم، و ما بِطيعُو الحَق لَكِن بِطيعُو الشَّر، بِكون في زَعل و غَضَب.

١ كُورِنْثُوس 10:33

زي ما أنا كَمان أبسِط كُل النّاس في كُلّو شي. و ما بَطلُب البِكون لِفايدَة نَفسي، لَكِن البِكون لِفايدَة كَتيرين عَشان يَخلَصو.

٢ كُورِنْثُوس 12:19

و تَفتَكِرو كُل الوَكِت دا نِحنا بِنَعمِل نُفوسنا بارين قِدّامكُم؟ نِحنا نِتكَلَّم قِدّام الله في المَسيح، لَكِن، يا مَحبوبين، بِنَعمِل كُلّو حاجَه، عَشان نَقَويكُم.

أفَسُس 6:6

ما تَخدِموهُم لَمّا هُم يَعاينو ليكُم بَس عَشان تَعمِلوهُم مَبسوطين مِنَّكُم. لَكِن زي خَدّامين المَسيح، أعمِلو إرادَة الله مِن القَلب.

فيلِبّي 1:1

بُولُس، و تِيمُوثَاوُس، خَدّامين المَسيح يَسُوع، لِكُل المُقَدَّسين في المَسيح يَسُوع الفي فيلِبّي، مَعَ المُلاحِظين و خَدّامين الكَنيسَه.

كُولُوسِّي 3:22

يا خَدّامين، طيعو أسيادكُم حَسَب الجِّسِم في كُلّو حاجَه. و أعمِلو كِدا مُش لَمّا هُم يَعاينو ليكُم بَس عَشان تَبسِطوهُم. لَكِن إشتَغِلو بِإخلاص القَلِب و مِن خوف لِلرَّب.

١ تَسَالُونِيكِي 2:4

و لَكِن زي ما الله كان مَبسوط مِنَّنا، و أدانا مسؤليَة الإنجيل، كِدا نِتكَلَّم. و بِنَعمِل دا، ما عَشان نَبسِط النّاس، لَكِن عَشان نَبسِط الله اليَجَرِّب قُلوبنا.

يَعْقُوب 4:4

يا زانين، ما بِتَعرِفو حُب الدُّنيا عَداوَه لِلَّه؟ أي واحِد عاوِز يَكون صاحِب لِلدُّنيا يَبقى عَدو لِلَّه.

١ يُوحَنَّا 3:9

كُلّو واحِد المَولود مِن الله ما بيَعمِل خَطيَّه، عَشان حَياة الله تِستَمِر فيهو، و ما بِقدَر يَخطى، عَشان هو مَولود مِن الله.