أفَسُس 6:8 - كِتاب العَهد الجَّديد مِن الكِتاب المُقَدَّس

⁸ عَلَشان إنتو بِتَعرِفو كُلّو واحِد اليَعمِل حاجَه طَيبَه، هو بِقبَل زيهو مِن الرَّب، إذا هو عَبد ولّا حُر.

أفَسُس 6:8 Iomraidhean Croise

مَتَّى 16:27

عَشان إبن الإنسان بِجي مَعَ مَلائكَتو في مَجد أبوهو. و بَعدين بِدّي ماهيَّه لِكُلّو زول زي أعمالو.

مَتَّى 20:7

و قالو ليهو: عَشان ما في واحِد أجَّرنا. قال ليهُم: أمشو إنتو كَمان لِجِنينتي.

مَتَّى 5:12

أفرَحو و كونو مَبسوطين، عَشان أُجرَتكُم كَبيرَه في السَّما. عَشان النّاس كِدا طَرَدو الأنبياء الكانو قُبّالكُم.

مَتَّى 6:1

خَلّو بالكُم عَشان ما تَعمِلو الشُّغل الكَويس قِدّام النّاس عَشان بِشوفوكُم، عَشان كان تَعمِلو كِدا، ما بِتكون عِندَكُم أُجرَه مِن أبوكُم الفي السَّما.

مَتَّى 6:4

عَلَشان الأنتَ تَدّيهو يَكون بِالسِّر. و أبوك اليَشوف في السِّر بِرَجِّع ليك كوَيس.

لُوقَا 14:14

و بِتكون مُبارَك، عَشان ما عِندَهُم البِرَجِّعوهو ليك، و إنتَ بِتاخُد أُجرَتَك يوم قيامَة البارين.“

لُوقَا 6:35

لَكِن حِبّو عُدوانكُم، و أعمِلو الخير ليهُم و أدّو سُلفَه، و ما تَنتَظِرو حاجَه. و أُجرَتكُم تَكون كَبيرَه، و إنتو تَكونو أولاد الله العالي. عَشان هو عِندو نِعمَه لِلما يَشكُروهو و الشَّرّيرين.

١ كُورِنْثُوس 12:13

عَشان كُلُّنا بِروح واحِد إتعَمَّدنا لِجِسِم واحِد، إذا كُنّا يَهود ولّا ناس إغريقيين، خَدّامين ولّا العِندَهُم حُرّيَّه. و هو أدّانا كُلُّنا روح واحِد عَشان نَشرِبو.

٢ كُورِنْثُوس 5:10

عَشان كُلُّنا لازِم نَظهَر قِدّام كُرسي المَسيح، عَشان كُلّو واحِد يَقبَل زي ما هو عَمَل بِالجِّسم، إذا كان كوَيس ولّا بَطّال.

غَلَاطِيَّه 3:28

و كِدا، ما في يَهودي ولّا إغريقي. ما في عَبد ولّا حُر. ما في راجِل ولّا مَرَه. عَشان كُلُّكُم واحِد في المَسيح يَسُوع.

كُولُوسِّي 3:11

هِنا ما في إغريقي ولّا يَهودي، ولّا طَهور ولّا ما طَهور، ولّا غَريب ولّا سِكِّيثِي، ولّا عَبد ولّا حُر. لَكِن المَسيح هو الكُل و هو في الكُل.

كُولُوسِّي 3:24

عَلَشان إنتو تَعرِفو أنَّكُم بِتاخدو ميراث مِن الرَّب زي أُجرَه، عَشان إنتو بِتَخدِمو الرَّب المَسيح.

كُولُوسِّي 3:25

و أي واحِد العَمَل الذَّنب، هو بِرَجِّع ليهو زي ما هو عَمَل. و ما في فارِق بين النّاس.

عِبرانيين 10:35

و عَلَشان كِدا، ما تَرمو عَنكُم تأكيدكُم العِندو أُجرَه كَبيرَه.

عِبرانيين 11:26

و هو حَسَب لوم المَسيح غِنى أكبَر مِن كُنوز مَصر، عَلَشانو كان يِستَنّى لِلأُجرَه.