أفَسُس 6:12 - كِتاب العَهد الجَّديد مِن الكِتاب المُقَدَّس

¹² عَشان ما نَحارِب دَم و لَحَم، لَكِن الحُكّام و السَّلاطين و رؤساء ضَلام الدُّنيا دي، و جُيوش روحيَّه بِتاعَت الشَّر في مَحَلّات عاليَه.

أفَسُس 6:12 Iomraidhean Croise

مَتَّى 16:17

و يَسُوع قال ليهو: ”مُبارَك إنتَ، يا سِمْعَان إبن يُونَا. عَشان ناس ما وَرّوهو ليك، لَكِن أبوي الفي السَّما.

مَرْقُس 4:19

و لَكِن هُموم الدُّنيا، و غِش الغِنى، و مَحَبَّة حاجات تانيَه تَدخُل و تَخنُق الكِلمَه، و هي بِتكون بِدون ثِمار.

لُوقَا 13:24

و قال ليهُم: ”إشتَغِلو شَديد، عَشان تَدخُلو مِن الباب الضَّيِّق. عَشان أقول ليكُم، ناس كُتار دايرين يدخُلو، و لَكِن ما يَقدَرو.

لُوقَا 22:53

وَكِت ما أنا كُنتَ مَعاكُم كُلّو يوم في الهيكَل، ما قَبَضتو عَلي. لَكِن دي ساعَتكُم و قُوَّة الضُّلُمَّه.“

يُوحَنَّا 12:31

هَسَّع، دينونَة الدُّنيا دي. هَسَّع بِرمو رَئيس الدُّنيا بَرَّه.

يُوحَنَّا 14:30

أنا ما بَتكَلَّم مَعاكُم كَتير بَعَد دا، عَشان رَئيس الدُّنيا دي جاي، و هو ما عِندو قُدرَه عَلي.

يُوحَنَّا 16:11

و عَلى الدّينونَه عَشان رَئيس الدُّنيا دي كان مَحكوم عَليهو.

أعمال الرُّسُل 26:18

عَشان تَفتَح عُيونُم، عَشان يَرجَعو مِن الضُّلُمَّه لِلنّور، و مِن سُلطَة الشّيطان لِلَّه. و بِدا يَقبَلو بِإيمان بي غُفران الخَطايا و مَحَل مَعَ القِدِّسين.

رُومِيَه 8:38

عَشانّي مِتأكِّد، لا موت، ولّا حَياة، ولّا مَلائكَه، ولّا سُلطات، ولّا قُوّات، ولّا حاجات في هَسَّع ولّا جايَه،

١ كُورِنْثُوس 15:50

أقول دا، يا أخوان، أجسامنا المَصنوع مِن لَحَم و دَم ما بِقدَرو يورَثو مَلَكوت الله، و البِموت ما بِقدَر يورَث الما بِموت أبَداً.

٢ كُورِنْثُوس 11:14

ما تِستَغرَبو! عَشان الشّيطان نَفسو بِغَيِّر نَفسو لِمَلاك نور.

٢ كُورِنْثُوس 4:4

و إلَه الزَّمَن دا عَمَل أفكار الما مؤمِنين عَميانين، عَلَشان ما بِقدَرو يَشوفو نور إنجيل مَجد المَسيح الهو صورَة الله.

غَلَاطِيَّه 1:16

كان مَبسوط يَوَرّي إبنو فِيني، عَشان أبَشِّر بيهو بين الأُمَم. و في الوَكِت داك أنا ما سألتَ أي زول يَدّيني نَصيحَه.

أفَسُس 1:21

و هو فوق كُلّو رياسَه و سُلطَه و قُوَّه و مَملَكَه و كُلّو إسم البِدّوهو لِلنّاس، مُش في الزَّمَن دا بَس، لَكِن في الجّاي كَمان.

أفَسُس 1:3

مُبارَك الله أبو رَبَّنا يَسُوع المَسيح البارَكنا بِكُلّو بَرَكَه روحيَّه في المَحَلّات الفي السَّما في المَسيح.

أفَسُس 2:2

و إنتو مَشيتو فيها مِن قُبّال، حَسَب طُرُق الدُّنيا دي، حَسَب رَئيس سُلطَة الهَوا، الرّوح البِشتَغِل هَسَّع في النّاس الما بِطيعُو.

أفَسُس 3:10

عَلَشان حِكمَة الله المُختَلِفَه جِدّاً هَسَّع تَكون مَعروفَه لِلرّؤساء و السَّلاطين في المَحَلّات الفي السَّما. و الله بيَعمِل دا بِالكَنيسَه.

كُولُوسِّي 1:13

عَشان هو شالنا مِن سُلطَة الضُّلُمَّه، و جابنا لِمَلَكوت إبن مَحَبَّتو،

كُولُوسِّي 2:15

و هو خَرَّب القُوّات و السَّلاطين، و عَمَلُم مَثَل قِدّام كُل النّاس، و غَلَب عَليهُم في الصَّليب.

٢ تِيمُوثَاوُس 2:5

و كِدا كَمان، أي واحِد اليَجري في سَبَق، ما ياخُد التّاج إذا ما يَجري حَسَب القانون.

عِبرانيين 12:1

و عَلَشان في حَوَلينا سِحابَه كَبيرَه زي دي مِن الشّاهِدين، خَلّونا نَرمي مِنَّنا كُلّو حِمِل و الخَطيَّه البِتضَيقنا بِالسُّرعَه. و خَلّونا نَجري بِالصَّبر السَّبَق المَختوت قِدّامنا.

عِبرانيين 12:4

عَشان في الحَرب بِتاعكُم ضِد الخَطيَّه، إنتو لِسَّع ما قاوَمتو حَتّى الدَّم.

١ بُطْرُس 3:22

و هو دَخَل السَّما، و هو في يَمين الله، و المَلائكَه و السُّلطات و القُوّات يَطيعوهو.