أفَسُس 5:8 - كِتاب العَهد الجَّديد مِن الكِتاب المُقَدَّس

⁸ عَلَشان إنتو كُنتو ضُلُمَّه مِن قُبّال، لَكِن هَسَّع إنتو نور في الرَّب. عيشو زي أولاد نور.

أفَسُس 5:8 Iomraidhean Croise

مَتَّى 3:8

أعمِلو الحاجات البِوَرّو النّاس إنتو تُبتو.

مَتَّى 4:16

النّاس الكانو قاعِدين في الضَّلام شافو نور كَبير، و لِلقَاعِدين في مَحَل الموت و ضُلّو، النّور إتنَوَّر.“

لُوقَا 1:79

عَشان يَنَوِّر عَلى القَاعِدين في الضَّلام و في ضُل الموت، عَشان يَسوق كِرعينّا في طَريق السَّلام.“

لُوقَا 16:8

و السَّيد حَمَد الوَكيل الظّالِم عَشان عَمَل بِالعَقل. عَشان أولاد الدُّنيا في وَكتُم، شاطرين مِن أولاد النّور.

يُوحَنَّا 1:9

النّور الحَقيقي البِنَوِّر كُلّو إنسان كان جاي لِلدُّنيا.

يُوحَنَّا 12:35

و يَسُوع قال ليهُم: ”لِسَّع النّور مَعاكُم لِمُدَّه قِصَيرَه. أمشو ما دام ليكُم نور، قُبّال ما الضُّلُمَّه تَجي عَليكُم. و البِمشي في الضُّلُمَّه ما بِيَعرِف هو ماشي وين.

يُوحَنَّا 12:36

آمِنو بِالنّور ما دام عِندَكُم نور، عَشان تَكونو أولاد النّور.“ و بَعَد ما يَسُوع إتكَلَّم، مَشى و دَسَّ نَفسو مِنَّهُم.

يُوحَنَّا 12:46

أنا جيت عَشان أكون نور لِلدُّنيا، عَشان كُل البِآمِن بي ما بِستَنّى في الضُّلُمَّه.

يُوحَنَّا 8:12

مَرَّه تانيَه، يَسُوع إتكَلَّم مَعاهُم و قال: ”أنا هو نور الدُّنيا. البِتبَعني ما يَمشي في الضُّلُمَّه أبَداً، لَكِن يَكون ليهو نور الحَياة.“

أعمال الرُّسُل 17:30

و الله، في الزَّمَن الفات، مَرَّه عَليهُم، عَشان ما في مَعرِفَه. لَكِن هَسَّع هو يأمُر كُل النّاس في كُلّو مَحَل أن يَتوبو.

أعمال الرُّسُل 26:18

عَشان تَفتَح عُيونُم، عَشان يَرجَعو مِن الضُّلُمَّه لِلنّور، و مِن سُلطَة الشّيطان لِلَّه. و بِدا يَقبَلو بِإيمان بي غُفران الخَطايا و مَحَل مَعَ القِدِّسين.

رُومِيَه 1:21

و مَعَ إنَّهُم عِرفو الله، هُم ما مَجَّدوهو زي الله و ما شَكَروهو. لَكِن أفكارُم بِقو بِدون فايدَه، و قُلوبُم الغَشيمَه بِقو فيهُم ضُلُمَّه.

رُومِيَه 13:12

اللّيل قَرَّب يَفوت، و النَّهار قَرَّب يَجي. عَشان كِدا، خَلّونا نَسيب أعمال الضُّلُمَّه، و نَلبَس سِلاح النّور.

رُومِيَه 2:19

و إنتَ مِتأكِّد إنتَ تَقود العَميانين، و إنتَ نور لِلنّاس الفي الضَّلام،

١ كُورِنْثُوس 1:30

لَكِن إنتو عِندَكُم مِن الله حَياة في المَسيح. و هو بِقى لينا حِكمَه مِن الله، و بِر، و قَداسَه، و فِداء.

٢ كُورِنْثُوس 3:18

و نِحنا كُلُّنا بِوَش بِدون غَطا، بِنشوف مَجد الرَّب، زي في المِرايا. و نِتغَيَر لِصورَتو مِن مَجد لِمَجد. و المَجد دا هو عَمَل مِن الرَّب الرّوح.

٢ كُورِنْثُوس 4:6

عَشان الله قال: ”خَلّي نور يَنَوِّر مِن الضُّلُمَّه.“ و هو نَوَّر في قُلوبنا نور مَعرِفَة مَجد الله في وَش يَسُوع المَسيح.

٢ كُورِنْثُوس 6:14

ما تَشتَرِكو مَعَ الما مؤمِنين تِحِت نير واحِد. عَشان الشَّرِكَه شِنو بين البِر و الخَطيَّه؟ و الشَّرِكَه شِنو بين النّور و الضَّلام؟

غَلَاطِيَّه 5:25

إذا نَعيش بِالرّوح، خَلّونا نَمشي كَمان بِحَسَب الرّوح.

أفَسُس 2:2

و إنتو مَشيتو فيها مِن قُبّال، حَسَب طُرُق الدُّنيا دي، حَسَب رَئيس سُلطَة الهَوا، الرّوح البِشتَغِل هَسَّع في النّاس الما بِطيعُو.

أفَسُس 4:18

و الفِكر بِتاعُم ضُلُمَّه، و هُم ما عِندَهُم جُزو في حَياة الله، عَلَشان ما عِندَهُم مَعرِفَه، بِسَبَب قُلوبُم القَوّيَّه.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

أفَسُس 6:12

عَشان ما نَحارِب دَم و لَحَم، لَكِن الحُكّام و السَّلاطين و رؤساء ضَلام الدُّنيا دي، و جُيوش روحيَّه بِتاعَت الشَّر في مَحَلّات عاليَه.

كُولُوسِّي 1:12

و تَشكُرو الأبو، العَمَلنا مُستَحِقّين عَشان نَشتَرِك في ميراث القِدِّسين في النّور.

كُولُوسِّي 1:13

عَشان هو شالنا مِن سُلطَة الضُّلُمَّه، و جابنا لِمَلَكوت إبن مَحَبَّتو،

تِيطُس 3:3

عَشان نِحنا كَمان كُنّا مِن قُبّال بَليدين، و ما طيعنا، و غَشّونا، و خَدَمنا شَهوات مُختَلِفَه و السُّرور. و كُنّا نَعيش في الفِكر البَطّال و الحَسَد، مَكروهين و كارِهين بَعَضَنا بَعض.

١ يُوحَنَّا 1:7

و لَكِن إذا نَمشي في النّور زي ما هو في النّور، عِندَنا شَرِكَه بَعَضَنا مَعَ بَعض. و دَم يَسُوع إبنو يَنَضِّفنا مِن كُلّو خَطيَّه.