أفَسُس 5:3 - كِتاب العَهد الجَّديد مِن الكِتاب المُقَدَّس

³ و ما تِتكَلَّمو أبَداً مَعَ بَعض عَن الزِّنا و كُلّو نَجاسَه و الطَّمَع، زي ما يَوافِق القِدِّسين.

أفَسُس 5:3 Iomraidhean Croise

مَتَّى 15:19

عَشان مِن القَلب يَجو الأفكار البَطّالَه، و الكَتل، و الزِّنا، و الأخلاق البَطّالَه، و السِّرقَه، و الشَّهادَه الكَضّابَه، و الشَّتيمَه.

لُوقَا 12:15

و قال ليهُم: ”شوفو و أحرِسو نُفوسكُم مِن كُلّو طَمَع. عَشان حَياة الزّول ما بِتَجي مِن كَترَت الحاجات العِندو.“

لُوقَا 16:14

و الفَرّيسيّين سِمِعو دا كُلّو، و هُم كانو بِحِبّو المال، و ضِحِكو عَليهو.

أعمال الرُّسُل 15:20

لَكِن نَكتِب ليهُم عَشان يَرفُضو الضَّبَحوها لِلأصنام، و الزِّنا، و ما ياكلو اللَّحَم المِن بَهايِم مَخنوق، ولّا الدَّم.

أعمال الرُّسُل 20:33

أنا ما طَمَعتَ مِن زول فِضَّه ولّا دَهَب ولّا هِدوم.

رُومِيَه 1:29

هُم بِقو مَليانين بِكُلّو ذَنب، و شَر، و طَمَع، و حاجَه بَطّالَه. هُم مَليانين حَسَد، و كَتَل، و شَكلَه، و غِش، و فِكر بَطّال. هُم يَوَسوِسو،

رُومِيَه 16:2

عَلَشان تَقبَلوها في الرَّب زي ما يِستَحِق لِلقِدِّسين. و تَساعِدوها في أي شي تَحتاج ليهو مِنَّكُم. عَشان هي ساعَدَت كَتيرين و ساعَدَتني أنا كَمان.

رُومِيَه 6:13

و ما تَدّو أعضاء جِسِمكُم لِلخَطيَّه عَشان تَعمِلو الشَّر، لَكِن أدّو نُفوسكُم لِلَّه زي ناس حَيين بَعَد ما كُنتو مَيِّتين. و أدّو أعضاء جِسِمكُم عَشان تَعمِلو بِر الله.

١ كُورِنْثُوس 10:8

و ما نَعمِل الزِّنا زي بَعض مِنَّهُم، و وَقَعو تلاتَه و عِشرين ألف في يوم واحِد.

١ كُورِنْثُوس 5:1

بِالحَق يَخَبِّرونا في بينكُم زِنا، و زِنا مِن النوع الما بِكون في بين الأُمَم، لِغايَة ما الزّول عِندو مَرَة أبوهو.

١ كُورِنْثُوس 6:13

”الأكل لِلبَطُن و البَطُن لِلأكل،“ و الله بِخرَبُم الإتنين. الجِّسم مُش لِلزِّنا لَكِن لِلرَّب، و الرَّب لِلجِّسم.

١ كُورِنْثُوس 6:18

أجرو مِن الزِّنا. كُلّو خَطيَّه اليَعمِلا الإنسان، هي بَرَّه مِن الجِّسِم. لَكِن اليَعمِل زِنا، يَعمِل خَطيَّه ضِد جِسمو.

٢ كُورِنْثُوس 12:21

و أنا بَخاف لَمّا بَجي ليكُم تاني مَرَّه، إلَهي بِنَزِّلني قِدّامكُم. و بَكون حَزنان عَلى ناس كُتار العَمَلو خَطيَّه قُبّال دا، و ما تابو عَن الحاجات العَمَلوها مِن النَّجاسَه و الزِّنا و السَّفاهَه.

أفَسُس 5:12

عَشان دا عيب لَمّا نِتكَلَّم عَن الحاجات ديل الهُم بيَعمِلو بِالسِّر.

أفَسُس 5:5

عَشان إنتو بِتَعرِفو دا، كُل البيَعمِلو الزِّنا ولّا بِكونو نَجِسين، ولّا طَمّاعين، و اليَعبُدو الأصنام، ديل ما عِندَهُم ميراث في مَلَكوت المَسيح و الله.

فيلِبّي 1:27

عَلى كِدا، عيشو بِطَرِيقَه مُستَحِقَّه إنجيل المَسيح. كِدا، إذا بَجي أشوفكُم ولّا إذا أنا ما في، بَسمَع عَنكُم إنَّكُم ثابِتين في روح واحِد، و إنَّكُم تَتعَبو بِنَفس واحدَه لِإيمان الإنجيل،

كُولُوسِّي 3:5

عَلَشان كِدا، أكتُلو كُلّو حاجَه فيكُم البِتكون مِن الأرض: الزِّنا، و النَّجاسَه، و الشَّهوَه الشَّديدَه، و الشَّهوات البَطّالَه، و الطَّمَع، يَعني عِبادَة الأصنام.

١ تَسَالُونِيكِي 4:3

عَشان إرادَة الله هي قَداسَتكم أن تَكونو بَعيدين مِن الزِّنا.

١ تَسَالُونِيكِي 4:7

عَشان الله ما نادانا لِلنَّجاسَه، لَكِن في القَداسَه.

١ تِيمُوثَاوُس 2:10

لَكِن يَلبَسو الأعمال الكوَيسَه زي ما يِستَحِق لِلنِّسوان البِقولو هُم يَخافو الله.

١ تِيمُوثَاوُس 3:3

هو ما بِكون سَكران، ما بِضرُب لَكِن بِكون لَطيف، مُش شاكال ولّا يَحِب القُروش.

١ تِيمُوثَاوُس 6:10

عَشان مَحَبَّة القُروش عِرق كُل الحاجات البَطّالَه. و بَعض مِن النّاس الطَّلَبوهو، ضَلّو عَن الإيمان و طَعنو نُفوسُم بِوَجَع كَتير.

٢ تِيمُوثَاوُس 3:2

عَشان النّاس بِحِبّو نُفوسُم و بِحِبّو المال، بِحمَدو نُفوسُم، بِكونو مِتكَبِّرين، بِشتِمو، ما بِطيعُو والِدينُم، ما بِشكُرو، بِكونو وَسخانين،

تِيطُس 1:11

و لازِم يَبَطِّلو كَلامُم، عَلَشان هُم يَقلِبو كُلّو أهل البُيوت بِالتَّمام بِتَعليمُم الما بِالقانون فِشان قُروش وَسخان.

تِيطُس 1:7

و المُلاحِظ يَكون بِدون لوم عَلَشان هو وَكيل الله. و هو ما لازِم بِكون مِتكَبِّر و ما بِزعَل قَوام، و ما بِسكَر، و ما بِضرُب، و ما طَمّاع في قُروش وَسخان.

تِيطُس 2:3

و كِدا كَمان عَلِّم النِّسوان الكُبار في السِّن أن يَعِيشو في خوف الله، ما بِشتِمو و ما بِدّو نُفوسُم لِلخَمر، لَكِن بِعَلِّمو حاجات كوَيسَه.

عِبرانيين 12:16

و شوفو عَشان واحِد ما يَكون زاني ولّا يَكون عِندو أفكار ضِد الله، زي عِيسُو الباع حَق البِكر بِتاعو لِأكلا واحدَه.

١ بُطْرُس 5:2

كونو رُعاه مُراح الله الهو أدّاكُم، مُش مِن الواجِب، لَكِن بِإختِيار، بِحَسَب إرادَة الله، و ما لِرِبِح وَسخان لَكِن بِنَشاط.

٢ بُطْرُس 2:10

و بِكون كِدا خُصوصاً لِديل اليَمشو في شَهوَه وَسخانَه بِتاعَت الجِّسِم، و يَحتَقِرو السُّلطَه. النّاس ديل بِدون خوف و مِتكَبِّرين، و ما بِخافو يَجَدِّفو عَلى العِندَهُم مَجد.

٢ بُطْرُس 2:14

و هُم بِعاينو لِلزّانيين، و ما بِكونو تَعبانين مِن الخَطيَّه أبَداً، و يَغِشّو النّاس الما ثابِتين. و هُم بِقو شاطرين في الطَّمَع، أولاد اللَّعنَه!

٢ بُطْرُس 2:3

و في طَمَعُم المُعَلِّمين ديل بِياخدو رِبِح مِنَّكُم بِكلماتُم الكاضَبَه. و الحُكم بِتاعُم ما يِتأخَّر، و خَرَابُم ما نايِم.

رؤيا 2:14

و لَكِن أنا عِندي حاجات قَليلَه عَليك. إنتَ عِندَك هِناك ناس ماسكين بِتَعليم بَلعام الكان بِعَلِّم بالاق أن يَكون سَبَب لِلخَطيَّه لِبَني إِسْرَائِيل. هو عَلَّمُم أن ياكلو مِن الأكل الكان مَضبوح لِلأصنام و يَعمِلو الزِّنا.

رؤيا 2:21

و أنا أدّيت ليها وَكِت عَشان تَتوب، و لَكِن هي ما عاوزَه تَتوب مِن زِناها.

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“

رؤيا 22:15

عَشان بَرَّه في الكِلاب و البيَعمِلو السِّحِر و الزّانيين و الكاتِلين و البِيَعبُدو الأصنام، و كُلّو واحِد البِحِب الكِضِب و بِشتَغِل بيهو.

رؤيا 9:21

و هُم ما تابو عَشان كَتَلو النّاس ولّا مِن سِحِرُم ولّا مِن زِناهُم ولّا مِن سِرقَتُم.