أفَسُس 5:25 - كِتاب العَهد الجَّديد مِن الكِتاب المُقَدَّس

²⁵ يا رُجال، حِبّو نِسوانكُم، زي المَسيح كَمان حَبَّ الكَنيسَه و أدّا نَفسو فِشانّا،

أفَسُس 5:25 Iomraidhean Croise

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

يُوحَنَّا 6:51

أنا هو العيش الحَي النَزَل مِن السَّما. إذا واحِد أكَل مِن العيش دا، هو بِعِيش لِلأبَد. و العيش الأنا بَدّيهو، هو جِسمي البَدّيهو لِحَياة الدُّنيا.“

أعمال الرُّسُل 20:28

أحرِسو نُفوسكُم و كُل المُراح، العَمَلكُم الرّوح القُدُس فيهو وكَلاء، عَشان تَكونو رُعاه كَنيسَة الله الإشتَراها بِدَمّو.

غَلَاطِيَّه 1:4

هو أدّا نَفسو فِشان خَطايانا، عَشان يَفدينا مِن الزَّمَن الحاضِر البَطّال، بِحَسَب إرادَة إلَهنا و أبونا.

غَلَاطِيَّه 2:20

إنصَلَبتَ مَعَ المَسيح. و أنا ما بَعيش تاني، لَكِن المَسيح، هو بِعِيش فِيني. و الحَياة البَعيشا هَسَّع في الجِّسِم، بَعيشا في الإيمان بِإبن الله الحَبّاني، و أدّا نَفسو فِشانّي.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

أفَسُس 5:24

عَلَشان كِدا، زي الكَنيسَه تَطيع المَسيح، كِدا النِّسوان يَطيعو رُجالُم في كُلّو شي.

أفَسُس 5:28

و كِدا، الرُّجال لازِم يَحِبّو نَسوانُم زي أجسامُم. البِحِب مَرَتو بِحِب نَفسو.

أفَسُس 5:33

و لَكِن خَلّي كُلّو واحِد مِنَّكُم يَحِب مَرَتو زي نَفسو، و خَلّي المَرَه تَحتَرِم راجِلا.

كُولُوسِّي 3:19

يا رُجال، حِبّو نِسوانكُم، و ما تَكونو شُداد مَعاهُم.

١ تِيمُوثَاوُس 2:6

الأدّا نَفسو فِداء عَن كُل النّاس، و دي الشِّهادَه في وَكتو الموافِق.

١ بُطْرُس 3:7

و كِدا، يا رُجال، إنتو كَمان، عيشو مَعَ زوجاتكُم بِمَعرِفَه، زي ما هُم الجِّنس الأضعَف، و شَرِّفوهُم زي الوارِثات مَعاكُم لِنِعمَة الحَياة، عَشان ما بِتكون في حاجَه تَوَقِّف صَلَواتكُم.

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.

رؤيا 5:9

و هُم يَرَتِّلو تَرتيلَه جَديدَه، و بِقولو: ”إنتَ مُستَحِق تاخُد الكِتاب و تَفِك أختامو، عَلَشان كُنتَ مَكتول، و بِدَمَّك أشتَريت لِلَّه مِن كُلّو قَبيلَه و لُغَه و شَعب و أُمَّه.