أفَسُس 5:15 - كِتاب العَهد الجَّديد مِن الكِتاب المُقَدَّس

¹⁵ شوفو بِالظَّبط كيف إنتو تَعيشو، مُش زي البَليدين لَكِن زي الفاهمين.

أفَسُس 5:15 Iomraidhean Croise

مَتَّى 10:16

شوف! أرَسِّلكُم زي خِرفان في وَسط مَرفَعين. عَشان كِدا، كونو شاطرين زي الدَّبايب و لَكِن بُسَطاء زي الحَمام.

مَتَّى 25:2

خَمسَه مِنَّهُم بَليدات، و خَمسَه مِنَّهُم شاطرات.

مَتَّى 27:24

و لَمّا بِيلاطُس شاف كَلامو ما عَمَل حاجَه، و لَكِن دَوشَه كانَت تَبتَدي، أخَد مويَه و غَسَّل إيدينو قِدّام الجَّمَع و قال: ”أنا ما مَسؤول مِن دَم الرّاجِل دا. شوفو إنتو بَراكُم.“

مَتَّى 27:4

و قال: ”عَمَلتَ خَطيَّه عَشان سَلَّمتَ راجِل بِدون غَلَط.“ قالو: ”مالكُم و مالنا؟ إنتَ المَسؤول.“

مَتَّى 8:4

و يَسُوع قال ليهو: ”شوف ما تَقول حاجَه لِأي واحِد. و لَكِن أمشي، وَرّي نَفسَك لِلقَسّيس، و قَدِّم الهَدِيَّه الأمَر بيها مُوسَى زي شَهادَه ليهُم.“

لُوقَا 24:25

و هو قال ليهُم: ”يا بَليدين و قُلوبكُم تَقيلَه عَشان تَصَدِّقو كُل القالوهو الأنبياء.

١ كُورِنْثُوس 14:20

يا أخوان، ما تَكونو أولاد في أفكاركُم. كونو أولاد صُغار في الشَّر، لَكِن في أفكاركُم كونو كامِلين.

غَلَاطِيَّه 3:1

يا ناس غَلَاطِيَّه البَليدين! مِنو سَحَركُم؟ إنتو القِدّام عُيونكُم يَسُوع المَسيح كان مُصَوَر بينكُم مَصلوب.

غَلَاطِيَّه 3:3

كِدا إنتو بَليدين قَدُر دا؟ بَعَد ما إبتَديتو بِالرّوح، هَسَّع بِتكَمَّلو بِالجِّسِم؟

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

أفَسُس 5:33

و لَكِن خَلّي كُلّو واحِد مِنَّكُم يَحِب مَرَتو زي نَفسو، و خَلّي المَرَه تَحتَرِم راجِلا.

فيلِبّي 1:27

عَلى كِدا، عيشو بِطَرِيقَه مُستَحِقَّه إنجيل المَسيح. كِدا، إذا بَجي أشوفكُم ولّا إذا أنا ما في، بَسمَع عَنكُم إنَّكُم ثابِتين في روح واحِد، و إنَّكُم تَتعَبو بِنَفس واحدَه لِإيمان الإنجيل،

كُولُوسِّي 1:9

بِالسَّبَب دا، نِحنا مِن اليوم لَمّا سِمِعنا عَنكُم، ما وَقَفنا نَصَلّي فِشانكُم. و نَسأل عَشان إنتو تَكونو مَليانين بِمَعرِفَة إرادَة الله في كُلّو حِكمَه و فَهم روحي.

كُولُوسِّي 4:5

عيشو بِحكمَه مِن جِهَة النّاس المِن بَرَّه، و إشتَغِلو كوَيس بِكُلّو فُرصَه.

١ تَسَالُونِيكِي 5:15

شوفو عَشان واحِد ما يَرَجِّع لِلتاني الشَّر بِالشَّر. لَكِن كُلّو وَكِت أتبَعو الخير بَعضَكُم مَعَ بَعض و مَعَ الكُل.

١ تِيمُوثَاوُس 6:9

لَكِن النّاس العاوزين يَكونو غَنيين يَقَعو في التَجرِبَه و الفَخ، و في شَهوات كَتيرَه، بَليدَه و مُضِرَّه، البِجُرّو النّاس لِلخَراب و الهَلاك.

عِبرانيين 12:25

و شوفو كوَيس عَشان ما تَرفُضو البِتكَلَّم. عَشان هُم ما قِدرو يَهرُبو لَمّا رَفَضوهو، الحَزَّرُم عَلى الأرض. و كَم بِالأكتَر نِحنا ما نَقدَر نَهرَب إذا نَرَجِّع عَنّو اليَحَزِّرنا مِن السَّما؟

يَعْقُوب 3:13

مِنو حَكيم و فاهِم بينكُم؟ خَليهو يَوَرّي مِن حَياتو الطَّيبَه، أعمالو في الوَداعَه بِتاعَت الحِكمَه.

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

رؤيا 19:10

و وَقَعتَ عِند كِرعينو عَشان أعبُدو. لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك البِحفَظو شَهادَة يَسُوع. أعبُد الله! عَشان شَهادَة يَسُوع، هي روح النُّبوَّه.“