أفَسُس 5:11 - كِتاب العَهد الجَّديد مِن الكِتاب المُقَدَّس

¹¹ و ما تَكون ليكُم شَرِكَه مَعَ أعمال الضُّلُمَّه الما عِندَهُم ثِمار، لَكِن وَبِّخوها.

أفَسُس 5:11 Iomraidhean Croise

مَتَّى 18:15

إذا كان أخوك يَعمِل خَطيَّه ليك، أمشي و كَلِّمو غَلَطو بينَك و بينو و إنتو بَراكُم. كان بِسمَع ليك، إنتَ حَصَّلتَ عَلى شَرِكَه مَعَ أخوك.

لُوقَا 3:19

و هِيرُودُس رَئيس مُديرِيَّه، بَعَد ما يُوحَنَّا وَبَّخو بِخُصوص هِيرُودِيَا مَرَة فِيلُبُّس أخوهو و بِخُصوص كُل الأعمال البَطّالَه الهِيرُودُس عَمَلا،

أعمال الرُّسُل 26:18

عَشان تَفتَح عُيونُم، عَشان يَرجَعو مِن الضُّلُمَّه لِلنّور، و مِن سُلطَة الشّيطان لِلَّه. و بِدا يَقبَلو بِإيمان بي غُفران الخَطايا و مَحَل مَعَ القِدِّسين.

رُومِيَه 13:12

اللّيل قَرَّب يَفوت، و النَّهار قَرَّب يَجي. عَشان كِدا، خَلّونا نَسيب أعمال الضُّلُمَّه، و نَلبَس سِلاح النّور.

رُومِيَه 16:17

أطلُب ليكُم، يا أخوان، تَخُتّو بالكُم لِليَعمِلو إنقِسامات و البِخُتّو في سِكَّتكُم مُخالِف التَّعليم الإتعَلَّمتوهو. خَلّوهُم.

رُومِيَه 6:21

ياتا فايدَه كانَت عِندَكُم في الوَكِت داك مِن الحاجات الإنتو تَكونو خَجلانين مِنَّها هَسَّع؟ عَشان نِهايَة الحاجات دي، هي الموت.

غَلَاطِيَّه 6:8

عَشان البِزرَع لِجِسمو، هو مِن جِسمو بِلِم الخَراب. و البِزرَع لِلرّوح بِلِم الحَياة الأبَديَّه.

أفَسُس 4:22

و بِخُصوص طَريق حَياتكُم المِن قُبّال، إنتو إتعَلَّمتو أن تَقلَعو مِنَّكُم النَّفس القَديمَه، الفيها خَراب بِسَبَب الشَّهوات البِغِشّو.

أفَسُس 5:12

عَشان دا عيب لَمّا نِتكَلَّم عَن الحاجات ديل الهُم بيَعمِلو بِالسِّر.

أفَسُس 5:7

عَشان كِدا ما تَشتَرِكو مَعاهُم.

كُولُوسِّي 1:12

و تَشكُرو الأبو، العَمَلنا مُستَحِقّين عَشان نَشتَرِك في ميراث القِدِّسين في النّور.

١ تَسَالُونِيكِي 5:7

عَشان البِنومو، بِاللّيل بِنومو، و البِكونو سَكرانين، بِاللّيل بِكونو سَكرانين.

٢ تَسَالُونِيكِي 3:14

إذا كان أي واحِد ما بِطيع كَلامنا في الجَّواب دا، خَلّو بالكُم مِنّو. ما تَقعُدو مَعاهو، عَشان هو بِكون خَجلان.

٢ تَسَالُونِيكِي 3:6

و نَدّيكُم أمر، يا أخوان، بِإسم رَبَّنا يَسُوع المَسيح، كونو بَعيدين مِن كُلّو أخو البِكون كَسلان و الما بِعِيش حَسَب التَّعليم القِبِلتوهو مِنَّنا.

١ تِيمُوثَاوُس 5:20

و وَبِّخ البيَعمِلو الخَطيَّه قِدّام كُل النّاس، عَلَشان التّانيين بِخافو.

١ تِيمُوثَاوُس 5:22

ما تَخُت إيدينَك عَلى أي واحِد بِالسُّرعَه. و ما تَشتَرِك في خَطايا التّانيين. أحفَظ نَفسَك بِقَلِب نَضيف.

١ تِيمُوثَاوُس 6:5

و يَجيب الشَّكلات المُستَمِرَّه بين رُجال عَقلُم خَربان، الاَخَدو مِنَّهُم الحَق. و هُم يَفتَكِرو خوف الله طَريق عَشان يَبقى غَني.

٢ تِيمُوثَاوُس 3:5

عِندَهُم صورَة خوف الله لَكِن هُم بِنكُرو قُوَّتو. كون بَعيد مِن ديل.

٢ تِيمُوثَاوُس 4:2

بَشِّر بِالكِلمَه، و كون جاهِز في وَكتو و مُش في وَكتو، صَلِّح، و وَبِّخ، و شَجِّع بِكُلّو صَبر و تَعليم.

تِيطُس 2:15

و قول ليهُم الحاجات دي. و إترَجّى و وَبِّخ بِكُلّو سُلطَه. و ما تَخَلّي أي واحِد يَحتَقِرَك.

رؤيا 18:4

و سِمِعتَ صوت تاني مِن السَّما يَقول: ”أمرُقو مِنَّها، يا شَعبي، عَلَشان ما تَشتَرِكو في خَطاياها، و عَلَشان ما بِتَقبَلو مِن ضَرَباتا.