أفَسُس 4:5 - كِتاب العَهد الجَّديد مِن الكِتاب المُقَدَّس

⁵ في رَب واحِد، و إيمان واحِد، و مَعموديَّه واحدَه،

أفَسُس 4:5 Iomraidhean Croise

مَتَّى 28:19

عَشان كِدا، أمشو و أعمِلو تَلاميذ مِن كُلّو ناس الدُّنيا. و عَمِّدوهُم بِإسم الأبو، و الإبن، و الرّوح القُدُس.

أعمال الرُّسُل 10:36

و دي الكِلمَه الله رَسَّلا لِناس إِسْرَائِيل، و بَشَّر بِالسَّلام بِيَسُوع المَسيح. و هو رَب الكُل.

أعمال الرُّسُل 2:36

عَلَشان كِدا، خَلّي كُلّو أهل بيت إِسْرَائِيل يَعرِف بِالحَق أن الله عَمَل يَسُوع دا، الإنتو صَلَبتوهو، رَب و مَسيح.“

رُومِيَه 3:30

عَلَشان الله واحِد. و هو يَبَرِّر المُطَهَّر بِالإيمان و الما مُطَهَّر بِالإيمان.

١ كُورِنْثُوس 1:13

المَسيح إنقَسَم؟ بُولُس إنصَلَب عَشانكُم؟ بِإسم بُولُس إتعَمَّدتو؟

١ كُورِنْثُوس 1:2

لِكَنيسَة الله الفي كُورِنْثُوس، المُقَدَّسين في المَسيح يَسُوع، المُختارين عَشان يَكونو قِدِّيسين مَعَ كُل البِنادو لِإسم رَبَّنا يَسُوع المَسيح في كُلّو مَحَل، رَبُّم و رَبَّنا.

١ كُورِنْثُوس 12:13

عَشان كُلُّنا بِروح واحِد إتعَمَّدنا لِجِسِم واحِد، إذا كُنّا يَهود ولّا ناس إغريقيين، خَدّامين ولّا العِندَهُم حُرّيَّه. و هو أدّانا كُلُّنا روح واحِد عَشان نَشرِبو.

١ كُورِنْثُوس 12:5

و في أنواع خِدمَه، و لَكِن الرَّب واحِد.

١ كُورِنْثُوس 8:6

لَكِن لينا إلَه واحِد بَس، الأبو، المِنّو كُل الحاجات و نِحنا نَعيش ليهو، و رَب واحِد، يَسُوع المَسيح، البيهو كُل الحاجات و نِحنا نَعيش بيهو.

٢ كُورِنْثُوس 11:4

عَشان إذا واحِد جا ليكُم و بِبَشِّر بِيَسُوع تاني، غير البَشَّرناكُم بيهو، إنتو تِتحَمَّلو دا كوَيس. ولّا إذا إنتو تَقبَلو روح تاني مِن الرّوح القِبِلتوهو، ولّا إنجيل مُختَلِف مِن القِبِلتوهو، إنتو تِتحَمَّلو دا كوَيس.

غَلَاطِيَّه 5:6

عَشان في المَسيح يَسُوع، الطَّهور ما ليهو فايدَه، ولّا الما مُطَهَّر، لَكِن الإيمان البِشتَغِل بِالمَحَبَّه.

أفَسُس 4:13

و هو بيَعمِل كِدا لِغايَة ما كُلُّنا بِنَجي لِوَحدَة الإيمان و مَعرِفَة إبن الله، لِإنسان كامِل، لِقِياس مَليان بِتاع كَمال المَسيح.

فيلِبّي 2:11

و كُلّو لِسان يَعتَرِف أن يَسُوع المَسيح هو رَب، لِمَجد الله الأبو.

فيلِبّي 3:8

بِالأكتَر، أحسِب كُلّو شي خَسارَه عَلَشان المَعرِفَه البِتفوت عَن كُلّو شي، يَعني مَعرِفَة المَسيح يَسُوع رَبّي. و فِشانّو، أنا خَسَرتَ كُل الحاجات و أحسِبا زي حاجَه خَربانَه عَشان آخُد المَسيح،

تِيطُس 1:1

مِن بُولُس، خَدّام الله و رَسول يَسُوع المَسيح، حَسَب إيمان مُختارين الله و مَعرِفَة الحَق البِقود لِخوف الله.

تِيطُس 1:4

لِتِيطُس، وَلَدي الحَقيقي في الإيمان العِندَنا سَوا. نِعمَه و سَلام مِن الله الأبو و المَسيح يَسُوع مُخَلِّصنا.

عِبرانيين 13:7

إتزَكَّرو رؤساكُم الكَلَّموكُم بِكِلمَة الله. فَكِّرو في ثِمار حَياتُم، و خَلّو إيمانكُم يَكون زي إيمانُم.

عِبرانيين 6:6

و بَعَد دا وَقَعو! ما مُمكِن نَجيبُم مَرَّه تانيَه لِلتّوبَه، عَشانُم نُفوسُم يَصلُبو إبن الله تاني مَرَّه، و يَعمِلوهو خَجلان قِدّام النّاس.

يَعْقُوب 2:18

لَكِن واحِد بِقول: ”إنتَ عِندَك إيمان و أنا عِندي أعمال. وَرّيني إيمانَك بِدون أعمال، و أنا بَوَرّيك إيماني بِأعمالي.“

١ بُطْرُس 3:21

و المويَه دي تَشَبِّه المَعموديَّه، مُش غَسيل الوَساخَه مِن الجِّسِم، لَكِن طَلَب ضَمير طَيب لِلَّه. و دي تَخَلِّصكُم هَسَّع بِقيامَة يَسُوع المَسيح.

٢ بُطْرُس 1:1

مِن سِمْعَان بُطْرُس خَدّام يَسُوع المَسيح و رَسولو، ليهُم القِبلو إيمان غالي زي إيمانَنا بِبِر إلَهنا و مُخَلِّصنا يَسُوع المَسيح.

يَهُوذَا 1:20

لَكِن إنتو، يا مَحبوبين، أبنو نُفوسكُم في إيمانكُم القُدّوس، و صَلّو في الرّوح القُدُس.

يَهُوذَا 1:3

يا مَحبوبين، كُنتَ بَجَرِّب بِكُلّو نَشاط أن أكتِب ليكُم بِخُصوص خَلاصنا العِندَنا سَوا. لَكِن شُفتَ لازِم أكتِب ليكُم عَشان أطلُب مِنَّكُم تَحارِبو عَشان خاطِر الإيمان المُسَلَّم مَرَّه واحدَه لِلقِدِّسين.