أفَسُس 4:31 - كِتاب العَهد الجَّديد مِن الكِتاب المُقَدَّس

³¹ و شيلو مِنَّكُم كُلّو قَلب مُر، و زَعل، و غَضَب، و كوراك شَديد، و كُلّو مَكَر.

أفَسُس 4:31 Iomraidhean Croise

أعمال الرُّسُل 21:30

و كُل المَدينَه إتحَرَّكَت، و النّاس جَرو سَوّا. و قَبَضو بُولُس، و جَرّوهو بَرَّه مِن الهيكَل. و طَوّالي قَفَلو الأبواب.

رُومِيَه 3:14

و خَشمُم مَليان لَعنَه مُرَّه.

١ كُورِنْثُوس 14:20

يا أخوان، ما تَكونو أولاد في أفكاركُم. كونو أولاد صُغار في الشَّر، لَكِن في أفكاركُم كونو كامِلين.

١ كُورِنْثُوس 5:8

عَشان كِدا خَلّونا نَعَيِّد مُش بِخَميرَه قَديمَه، يَعني خَميرَة الذَّنب و الشَّر. لَكِن نَعَيِّد بِالعيش البِدون خَميرَه، يَعني عيش الإخلاص و الحَق.

٢ كُورِنْثُوس 12:20

أنا بَخاف لَمّا بَجي ليكُم ما بَلقاكُم زي ما أنا عاوِز، و إنتو ما تَلقوني زي ما إنتو عاوزين. أنا بَخاف إنّو بِتكون بينكُم شَكلات و حَسَد و زَعل و إنقِسامات و شَتايِم و وَسوَسَه و كِبِر و دَوشَه.

غَلَاطِيَّه 5:20

و عِبادَة الأصنام، و السَّحِر، و العَداوَه، و الخُصومَه، و الحَسَد، و الغَضَب، و مَحَبَّة النَّفس، و الشَّكلات، و الأقسام،

أفَسُس 4:22

و بِخُصوص طَريق حَياتكُم المِن قُبّال، إنتو إتعَلَّمتو أن تَقلَعو مِنَّكُم النَّفس القَديمَه، الفيها خَراب بِسَبَب الشَّهوات البِغِشّو.

أفَسُس 4:25

عَلَشان كِدا، أرمو مِنَّكُم الكِضِب، و إتكَلَّمو الحَق كُلّو واحِد مَعَ جارو، عَلَشان نِحنا أعضاء بَعَضَنا مَعَ بَعض.

أفَسُس 4:26

أزعَلو و ما تَعمِلو خَطيَّه. ما تَخَلّو زَعلكُم يِستَنّى بَعَد المَغرِب.

كُولُوسِّي 3:19

يا رُجال، حِبّو نِسوانكُم، و ما تَكونو شُداد مَعاهُم.

كُولُوسِّي 3:8

لَكِن هَسَّع، أرمو مِنَّكُم كَمان كُلّو ديل: الزَّعل، و الغَضَب، و قَلب مُر، و التَّجديف، و الكَلام الوَسخان مِن خُشومكُم.

١ تِيمُوثَاوُس 3:11

و زي دا كَمان، خَلّي نَسوانُم يَكونو مُحتَرمات، ما بِشتِمو، يَمسِكو نُفوسُم، و أمينات في كُلّو حاجَه.

١ تِيمُوثَاوُس 3:3

هو ما بِكون سَكران، ما بِضرُب لَكِن بِكون لَطيف، مُش شاكال ولّا يَحِب القُروش.

١ تِيمُوثَاوُس 5:13

و في نَفس الوَكِت، هُم يِتعَلَّمو يَكونو كَسلانات، و يَمشو مِن بيت لِبيت. و هُم ما يَبقو كَسلانات بَس، لَكِن يَقولو حِكايات بِدون فايدَه، و يدخُلو في الما يَخُصُّم، و يِتكَلَّمو عَن الحاجات المَمنوعَه.

٢ تِيمُوثَاوُس 2:23

أرفُض الأسئلَه الغَشيمَه و البَليدَه، عَشان إنتَ بِتَعرِف هُم بِجيبو الشَّكلات.

٢ تِيمُوثَاوُس 3:3

و هُم بِدون مَحَبَّه، ما بِغفِرو، شَتَّامين، بِدون مَسِك النَّفس، قاسيين، بِكرَهو الكوَيس.

تِيطُس 1:7

و المُلاحِظ يَكون بِدون لوم عَلَشان هو وَكيل الله. و هو ما لازِم بِكون مِتكَبِّر و ما بِزعَل قَوام، و ما بِسكَر، و ما بِضرُب، و ما طَمّاع في قُروش وَسخان.

تِيطُس 2:3

و كِدا كَمان عَلِّم النِّسوان الكُبار في السِّن أن يَعِيشو في خوف الله، ما بِشتِمو و ما بِدّو نُفوسُم لِلخَمر، لَكِن بِعَلِّمو حاجات كوَيسَه.

يَعْقُوب 1:19

أعرِفو دا، يا أخواني المَحبوبين. خَلّي كُلّو زول يَكون قَوّام في السَمَع، بِشيش في الكَلام، بِشيش في الزَّعَل.

يَعْقُوب 3:14

و لَكِن إذا عِندَكُم حَسَد مُر وَ حُب الرّياسَه في قُلوبكُم، ما تَفَكِّرو و ما تَكَضِّبو عَلى الحَق.

يَعْقُوب 4:11

يا أخوان، ما تِتكَلَّمو الشَّر بَعضَكُم بَعض. البِتكَلَّم الشَّر عَلى أخوهو ولّا يَحكُم عَلى أخوهو، يتكَلَّم ضِد القانون، و يَحكُم عَلي القانون. و إذا تَحكُم عَلى القانون، إنتَ ما عامِل بِالقانون، لَكِن إنتَ قاضي ليهو.

١ بُطْرُس 2:1

عَشان كِدا، أرمو مِنَّكُم كُلّو شَماتَه و كُلّو غِش و النِّفاق و الحَسَد و كُلّو شَتيمَه.

١ يُوحَنَّا 3:12

و ما نَكون مِثِل قايين الكان مِن الشَّرّير و كَتَل أخوهو. و لِشِنو كَتَلو؟ عَشان أعمالو كانَت شَرّيرَه و لَكِن أعمال أخوهو بارَّه.

١ يُوحَنَّا 3:15

كُل البِكرَه أخوهو، هو كاتِل. و إنتو بِتَعرِفو كُلّو كاتِل ما عِندو حَياة أبَديَّه فيهو.

رؤيا 12:10

و سِمِعتَ صوت عالي في السَّما يَقول: ”هَسَّع جا الخَلاص و القُدرَه و مَلَكوت إلَهنا و سُلطَة مَسيحو. عَلَشان المُشتَكي عَلى أخوانّا إترَمى، هو البِشتَكي عَليهُم نَهار و ليل قِدّام إلَهنا.